მშვიდობის, დემოკრატიის და განვითარების კავკასიური ინსტიტუტის ორგანიზებით და ევროპის საბჭოს ფინანსური მხარდაჭერით ეწყობა ესეს/სტატიის კონკურსი ბლოგისთვის.

კონკურსი ღიაა საქართველოს ხუთ საუნივერსიტეტო ქალაქში (თბილისში, ქუთაისში, ბათუმში, ახალციხესა და თელავში) რეგისტრირებული უმაღლესი სასწავლებლის ბაკალვრიატის ყველა სტუდენტისთვის. საკონკურსო ესეს/სტატიის ზოგადი თემებია: სამართლიანი არჩევნები დემოკრატიული განვითარების პროცესში; არგუმენტირებული დებატების მნიშვნელობა საჯარო დისკუსიებში;პოლიტიკური არჩევანის გაკეთების წინაპირობები.

შესაძლებელია ზოგადი თემების დავიწროება და ამ საკითხებთან დაკავშირებული კონკრეტული პრობლემატიკის გამოვლენა.

კონკურსში მონაწილე სტუდენტმა ბლოგი უნდა გამოაგზავნოს მისამართზე: keti@participate.ge ან nino@participate.ge და წერილში მიუთითოს ბლოგის ავტორის: სახელი, გვარი, საკონტაქტო ინფორმაცია. ბლოგის ტექსტი არ უნდა აღემატებოდეს 2 გვერდს.ესეს/სტატიის გამოგზავნა შესაძლებელია 5 მაისიდან 20 ივლისის ჩათვლით. ბლოგები გამოქვეყნდება კავკასიური ინსტიტუტის საიტებზე და facebook-ის გვერდებზე. ივლისის ბოლოს ჟიური გამოავლენს და დააჯილდოვებს გამარჯვებული 3 ბლოგის ავტორს.

დამატებითი ინფორმაციისთვის მოგვწერეთ nino@participate.ge; keti@participate.ge

წყარო: participate.ge