წინამდებარე ტენდერის ფარგლებში, სამოქალაქო საზოგადოების ინსტიტუტი დაინტერესებულია მიიღოს მომსახურება, რომელიც მოიცავს სამიზნე მუნიციპალიტეტებში (გორი, ჩოხატაური, ხელვაჩაური) მონაწილეობით ბიუჯეტირების პოპულარიზაციისკენ მიმართული აქტივობების განხორციელებას, კერძოდ, სოციალური მედიის მართვასა და შესაბამისი სარეკლამო მასალების მომზადებას.

მონაწილეობითი ბიუჯეტირება პირდაპირი დემოკრატიის ერთ-ერთი ქმედითი ინსტრუმენტია, რომელიც უზრუნველყოფს ხელისუფლების განხორციელების პროცესში მოქალაქეთა მაღალი დონის ჩართულობას. ის, დროის გასვლასთან ერთად მეტად აქტუალური ხდება საქართველოში და უკვე ინერგება სხვადასხვა მუნიციპალიტეტებში.

სატენდერო წინადადების მიზანია 3 სამიზნე მუნიციპალიტეტის (გორი, ჩოხატაური, ხელვაჩაური) მხარდაჭერა მონაწილეობითი ბიუჯეტირების პროგრამის დანერგვა/გაძლიერების კუთხით, რაც გულისხმობს მუნიციპალიტეტების საჭიროებებიდან გამომდინარე სოციალურ მედია-პლატფორმაზე (ფეისბუქზე) შესაბამისი, კამპანიის მხარდამჭერი გვერდების შექმნასა და მართვას, ხოლო უკვე შექმნილი გვერდის(ების) ტექნიკურ აუდიტს და საჭიროებიდან გამომდინარე სარეკლამო მასალების მომზადებას.

კონკურსი გამოცხადდა პროექტის „ადგილობრივი განვითარების აქტორებს შორის მყარი კავშირების დამყარება“ მეორე ფაზის ფარგლებში რომელსაც ახორცილებს სამოქალაქო საზოგადოების ინსტიტუტი პური მსოფლიოს (BftW) მხარდაჭერით. პროექტი ხელს უწყობს საქართველოში სამოქალაქო საზოგადოების გაძლიერებას, რათა მონაწილეობისა და ჩართულობის გზით, მოქალაქეებმა შეძლონ საკუთარი ცხოვრების უკეთ მართვა, კონკრეტულ საჭიროებებზე მორგებული მომსახურების მიღება. 

შესასრულებული სამუშაოს დეტალური აღწერა:

კონტრაქტორის მიერ შესასრულებელი სამუშაო მათ შორის მოიცავს:

• სოციალურ მედია არხზე (ფეისბუქი) პროფილების შექმნას თითოეული მუნიციპალიტეტისთვის, ხოლო უკვე შექმნილი გვერდების ტექნიკურ-შინაარსობრივი ნიშნით შეფასებასა და მონიტორინგს.
• სამიზნე აუდიტორიაზე მორგებული სოციალური მედია კამპანიის დაგეგმვასა და განხორციელებას (პოსტების სავარაუდო რუბრიკები, გამოსაყენებელი მასალის რაოდენობა და მათი გამოყენება/განთავსების ყოველთვიური გეგმა);
• ვიზუალური და ტექსტუალური მასალის (კონტენტი) შექმნას მულტიმედიური ინსტრუმენტების გამოყენებით და სოციალურ ქსელში შესაბამის რეკლამირებას;
• ბეჭდვითი სარეკლამო მასალის (ფლაერი, პოსტერი) დიზაინისა და შინაარსიის შემუშავებას
• მინიმუმ 1 საკონსულტაციო შეხვედრის ორგანიზებას თითოეულ სამიზნე მუნიციპალიტეტში
• მინიმუმ 1 ფოკუს ჯგუფის ჩატარებას დაინტერესებულ მხარეებთან თითოეულ სამიზნე მუნიციპალიტეტში

საქმიანობის პერიოდი: 2022 წლის ივნისი - ნოემბერი;

წყარო: civilin.org