საკონკურსოდ წარმოსადგენი მასალა: 
საკონკურსოდ უნდა წარმოადგინოთ აქტივობის მოკლე ანგარიში (ფოტო ან ვიდეო რეპორტაჟი, ბმული და სხვა (დეტალური ინსტრუქცია იხ. საკონკურსო განაცხადის ფორმაში https://civilin.org/wp-content/uploads/2022/09/sakonkurso_ganatskhadis_phorma_2022.docx   ).

  შეფასება:
კონკურსი ახალგაზრდებისთვის - „ეს ქვეყანა შენია“ გაიმართება მთელი ქვეყნის მასშტაბით და გამარჯვებულები გამოვლინდებიან რეგიონების მიხედვით. რეგიონის გამარჯვებულებს გამოავლენს კომპეტენტური ჟიური, საზოგადოებრივი ორგანიზაციების წარმომადგენლების და სამოქალაქო განათლების ექსპერტების მონაწილეობით. კონკურსში გამარჯვებულები დაჯილდოვდებიან სპეციალური პრიზებით.

  საკონკურსო მასალების შეფასების კრიტერიუმები: 
• შესაბამისობა კონკურსის მიზანთან;
• აქტუალობა - რამდენად მნიშვნელოვანია დასმული საკითხი და რამდენად ითვალისწინებს რეგიონის/ქვეყნის კონტექსტს;
• ეფექტურობა - რამდენად სწორად და ეფექტურად მიაღწია კონკურსანტმა წინასწარ დასახულ მიზანს;
• მასშტაბი/მოცვა: რამდენად ბევრ ადამიანს შეეხო/ნახა/გააზიარა ეს აქტივობა, ან რამდენად ფართო გამოხმაურება მოყვა მას;
• კრეატიულობა - რამდენად ინოვაციურია იდეა და რამდენად ორიგინალურად არის იგი წარმოდგენილი;
• გავლენა - რამდენად არის ზეგავლენის მქონე, მამოტივირებელი, შთამაგონებელი და „აჰა“ განცდის მომგვრელი საკონკურსო აქტივობა.

  კონკურსის ვადები:
საკონკურსოდ წარმოდგენილი აქტივობა უნდა განხორციელდეს 2022 წლის მაისიდან - 2022 წლის ოქტომბერის ჩათვლით.
წარმოდგენილი საკონკურსო მასალა უნდა შეესაბამებოდეს კონკურსის პირობებს, წინააღმდეგ შემთხვევაში არ იქნება განხილული.
გთხოვთ, საკონკურსო მასალა გამოაგზავნოთ არაუგვიანეს 2022 წლის 31 ოქტომბრისა შემდეგ მისამართზე: csogeorgiage@gmail.com

  პროექტის შესახებ: 
სამოქალაქო კამპანია „ეს ქვეყანა შენიას“ მიზანია საქართველოში სამოქალაქო საზოგადოების გაძლიერება, საზოგადოებრივი ორგანიზაციების საქმიანობის წარმოჩენა და სამოქალაქო აქტივიზმის ხელშეწყობა.

სამოქალაქო კამპანია „ეს ქვეყანა შენია“ მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.

პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაცებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

  საკონტაქტო პირი: 
თემურ ჯალიაშვილი
სამოქალაქო საზოგადოების ინსტიტუტი
ტელ: 599 759 724
ელ–ფოსტა: temuri@civilin.org