„ახალგაზრდული ინიციატივები" აცხადებს განაცხადების მიღებას სტუდენტურ ბიზნეს ოლიმპიადაში მონაწილეობის მსურველთათვის. პროექტი გულისხმობს ბათუმის უმაღლესი სასწავლებლების სტუდენტების მომზადება–გადამზადებას პროექტების წერისა და მენეჯმენტის უნარ–ჩვევებში, სტუდენტებში აკუმულირებულ იდეებზე ბიზნეს გეგმების შედგენას და საუკეთესო ბიზნეს-პროექტების გამოვლენას. პროექტის დასრულების შემდეგ გადამზადებული სტუდენტებისაგან შეიქმნება სტუდენტური საკონსულტაციო ჯგუფი, რომლებიც დამოუკიდებლად იმუშავებენ სხვადასხვა ტიპის პროექტებზე და დაფინანსების მოძიებაზე.