„უფლებები საქართველო“, „ლელიანის ზრდასრულთა განათლების ცენტრთან“ პარტნიორობით, იწვევს ლაგოდეხის მუნიციპალიტეტში მცხოვრებ 14-დან 25 წლის ჩათვლით ასაკის ეთნიკურად აზერბაიჯანელ, ოს და ქართველ ახალგაზრდებს ორდღიან ტრენინგში მონაწილეობის მისაღებად. 

ტრენინგი მოიცავს შემდეგ საკითხებს:

• ახალგაზრდების უფლება-მოვალეობები, მუნიციპალიტეტის საქმიანობაში ჩართულობის მექანიზმები და ინსტრუმენტები;
• ადვოკატირება და ეფექტიანი კომუნიკაცია;
• ინიციატივების/პეტიციების წარდგენის ტექნიკები და მეთოდები;
• გენდერის, უმცირესობების და თანასწორობის საკითხები;
• ინკლუზიური, არადისკრიმინაციული და არაძალადობრივი მმართველობა და მიდგომები;

ტრენინგი გაიმართება 2022 წლის 19-20 ნოემბერს, „ლელიანის ზრდასრულთა განათლების ცენტრის“ შენობაში, ლაგოდეხის მუნიციპალიტეტის სოფელ ლელიანში.

ტრენინგში მონაწილეობის მისაღებად გთხოვთ, შეავსოთ სააპლიკაციო ფორმა...

წყარო: ორგანიზაციის გვერდი სოციალურ ქსელში