ორგანიზაცია "პარტნიორობა ბავშვებისთვის" აცხადებს კონკურსს მცირე საოჯახო ტიპის სახლის ძირითადი მზრუნველების (დედობილ/მამობილი) ვაკანსიაზე რუსთავში.

მომსახურების აღწერა:

მცირე საოჯახო ტიპის სახლი წარმოადგენს ოჯახის ჩამნაცვლებელ მომსახურებას, რომლის მიზანია ოჯახურ გარემოს მოკლებული ბავშვები უზრუნველყოს საჭირო ზრუნვით. ბავშვები ცხოვრობენ სახლში, სადაც მათზე მშობლის მსგავს ზრუნვას ახორციელებს ორი ძირითადი (დედობილ/მამობილი) და ორი ჩამნაცვლებელი (დეიდა/ბიძა) მზრუნველი.

სახლი ზრუნავს 8 ბავშვის (ასაკი 6-დან 18 წლამდე) ოჯახურ გარემოში აღზრდასა და განვითარებაზე. ასევე, იმ სასიცოცხლო უნარ-ჩვევების ჩამოყალიბებაზე, რომლებიც ხელს შეუწყობს მათ შემდგომ დამოუკიდებელ ცხოვრებას საზოგადოებაში.

დედობილი და მამობილი კვირის განმავლობაში ახორციელებენ ბავშვებზე ზრუნვას, ხოლო შაბათ-კვირას მათ ცვლიან ჩამნაცვლებელი აღმზრდელები - დეიდა და/ან ბიძა.

მზრუნველთა ძირითად მოვალეობებს წარმოადგენს:

** ბავშვისათვის უსაფრთხო და მზრუნველი გარემოს შექმნა

** ბავშვის ღირსების, საყოველთაოდ აღიარებული უფლებებისა და თავისუფლებების დაცვა

** ბავშვის ემოციური, ფიზიკური, ინტელექტუალური და სოციალური განვითარების ხელშეწყობა

** ბავშვზე ზრუნვა ინდივიდუალური საჭიროების შესაბამისად.

კანდიდატები უნდა აკმაყოფილებდნენ შემდეგ მოთხოვნებს და გააჩნდეთ შემდეგი კვალიფიკაცია:

** ბავშვებსა და მოზარდებთან მუშაობის გამოცდილება

** სასურველია უმაღლესი განათლება

** კარგი ორგანიზაციული, ხელმძღვანელობის, დროის მართვის, პრობლემების გადაჭრის უნარ-ჩვევები

** კარგი კომუნიკაციის, კონფლიქტების გადაწყვეტის, გუნდური მუშაობის უნარ-ჩვევები

** შემოქმედებითი და ანალიტიკური აზროვნების უნარი

** ძირითადი აღმზრდელების შემთხვევაში, შესაძლებლობა დასაქმდეს კვირაში 5 დღე 24 საათის განმავლობაში.

** მოტივაცია დაიცვან ბავშვთა უფლებები

** ბავშვზე ზრუნვის საკითხებში პროფესიული განვითარების კურსის წარმატებით გავლა (რომელსაც უზრუნველყოფს ორგანიზაცია "პარტნიორობა ბავშვებისთვის").

დაინტერესებულ პირებს აპლიკაციის შევსება ადგილზე შეგიძლიათ შემდეგ მისამართებზე:

თბილისი, ი. აბაშიძის 37, მე-2 სადარბაზო, მე-3 სართული;

საკონტაქტო პირი: ია კლდიაშვილი

ტელ: 2 22 40 07; 2 91 32 74

წყარო:jobs.ge