არასამთავრობო ორგანიზაცია "ჯანმრთელობის კვლევის კავშირი" (Health research Union)აშშ-ის საელჩოს მხარდაჭერით, საუნივერსიტეტო კვლევის პროგრამის ფარგლებში ახორციელებს ორწლიან საგანმანათლებლო პროექტს: "სამეცნიერო და წერითი უნარ-ჩვევების გაუმჯობესება საქართველოს ახალგაზრდა აკადემიური პერსონალისთვის".

პროექტი ხორციელდება ნიუ-იორკის სახელმწიფო უნივერსიტეტის (State University of New York) პროფესორებისა და ამავე უნივერსიტეტის კურსდამთავრებული ქართველი სპეციალისტების თანამონაწილეობით. სწავლება ჩატარდება ქართულ და ინგლისურ ენაზე (საჭიროების შემთხვევაში უზრუნველყოფილი იქნება თარგმანი).

პროგრამის მიზანი:

** ახალგაზრდა ქართველ მეცნიერებში სამეცნიერო კვლევითი უნარ-ჩვევების განვითარება (მაგ.:კრიტიკული აზროვნება, მონაცემთა სტატისტიკური ანალიზი, საგრანტო პროექტის წერა, სამეცნიერო ნაშრომების მომზადება პუბლიკაციისათვის).

** ადგილობრივი და საერთაშორისო ექსპერტების მიერ პროექტის ბენეფიციარების მენტორობა;

** ვებ-გვერდის შექმნა საგანამანათლებლო მასალების ხელმისაწვდომობის გაზრდისა და ახალგაზრდა ქართველ მეცნიერთა უნივესიტეტთაშორისი, პერსონალური და თანამენტორული ქსელის განვითარების მიზნით.

კანდიდატების შერჩევის პირობები:

საგანმანათლებლო პროექტში მონაწილების მისაღებად მოწვეულნი არიან საქართველოს უმაღლესი სასწავლებლების ახალგაზრდა პედაგოგები, მაგისტრანტები და დოქტორანტები, ასევე სამეცნიერო-კვლევითი დაწესებულებების ახალგაზრდა მეცნიერები, რომლებიც მუშაობენ საჯარო პოლიტიკაზე გავლენის მქონე რომელიმე დარგში (მაგ.: მედიცინა, საზოგადოებრივი ჯანდაცვა, სოციოლოგიური მეცნიერებები, განათლება, გარემოს დაცვა და სხვა მონათესავე დისციპლინები).

კანდიდატების შერჩევა მოხდება კონკურსის გზით წარდგენილი საბუთებისა და წინასწარი გასაუბრების საფუძველზე.

კანდიდატებისთვის განსაზღვრული დამატებითი მოთხოვნები:

** კანდიდატი სასურველია ჩართული იყოს კვლევაში და ჰქონდეს მონაცემები;

** ან გააჩნდეს საკმარისი საბაზისო მონაცემები საინტერესო სამეცნიერო იდეის/ჰიპოთეზის გენერირებისათვის;

** სალაპარაკო და წერითი ინგლისური ენის ცოდნა რეკომენდებულია.

წარსადგენი საბუთები:

** შევსებული და ხელმოწერილი განაცხადის ფორმა (დოკუმენტი)

** ავტობიოგრაფია-CV (ქართულ ან ინგლისურ ენაზე, მაქსიმუმ 3გვერდი)

** განათლების და სამეცნიერო/აკადემიური ხარისხის დამადასტურებელი დოკუმენტების ასლი (მაგ.:დიპლომი, სერთიფიკატი, ა.შ.)

** სარეკომენდაციო წერილი შესაბამისი დაწესებულებიდან, სადაც მითითებული იქნება მონაწილის პოზიცია/სტატუსი დაწესებულებაში, ხელმძღვანელის თანხმობა მონაწილის პროგრამაში ჩართვის შესახებ.

ზემოთ ჩამოთვლილი საბუთები წარმოდგენილი უნდა იქნას დისკზე ჩაწერილი ელექტრონული სახით (2 ეგზ.) შემდგომ მისამართზე:

ჯანმრთელობის კვლევის კავშირი

თბილისი 0177, ნუცუბიძის ქ. 8 ან გადმოგზავნეთ ელექტრონულ მისამართზე: marina_topuridze@yahoo.com

განაცხადების მიღება ბოლო ვადაა 15 ნოემბერი. არასრული ან დაგვიანებით შემოსული განაცხადები არ განიხილება.

პროექტის შესახებ დამატებითი ინფორმაციისათვის შეგიძლიათ მიმართოთ, მარინა თოფურიძეს.

ტელ: 2144447 მობ:591 706 781

ელ-ფოსტა: marina_topuridze@yahoo.com

წყარო:jobs.ge