ევროკავშირის წარმომადგენლობა საქართველოში აცხადებს სატენდერო წინადადებების მიღებას შეთანხმებაზე დაფუძნებული დაბალი ღირებულების პროცედურის გამოყენებით შემდეგი მომსახურების გაწევაზე:

სამიზნე ჯგუფების ინფორმირება ევროკავშირი-საქართველოს ურთიერთობებისა და საქართველოს ევროპული მისწრაფების შესახებ ევროკავშირთან დაკავშირებული მცდარი ინფორმაციისა და დეზინფორმაციის გასაქარწყლებლად:

„მე და ევროპა“ დოკუმენტური ფილმების არაკომერციული ჩვენებები თანმდევი დისკუსიებით და საუბრები ევროკავშირისა და საქართველოს შესახებ;

საზაფხულო სკოლა დეზინფორმაციის მიმართ ახალგაზრდა ლიდერების მედეგობის გასაძლიერებლად;

ადგილობრივი მედიის მიერ ზემოაღნიშნული ღონისძიებების გაშუქება და ჩართულობა.

ამ ტენდერში მონაწილეობის სურვილის გამოხატვა ორგანიზაციებს შეუძლიათ ელ. ფოსტით, 2023 წლის 4 სექტემბრის ჩათვლით. დეტალები იხილეთ ბმულზე (ინგლისურად): https://europa.eu/!6jMfRC

დაინტერესებულ ორგანიზაციებს ტენდერში მონაწილეობის მოწვევა და დამატებითი ინფორმაცია გაეგზავნებათ 8 სექტემბრისთვის.

წყარო: www.eeas.europa.eu