"გადასახადის გადამხდელთა კავშირი" აცხადებს ესეების კონკურსს თემაზე: "ჩემი აზრით, არამიზნობრივი სახელმწიფო ხარჯი არის...".

კონკურსის მიზანია საზოგადოებრივი აზრის კვლევა სახელმწიფო საბიუჯეტო პოლიტიკის შესახებ. მასში მონაწილეობის მიღება შეუძლიათ 18-დან 35 წლამდე ასაკის ახალგაზრდებს, ვისაც სურს გამოხატოს თავისი შეხედულება სახელმწიფოს მიერ გაწეულ ხარჯებზე.

ნაშრომი უნდა შეიცავდეს ავტორის არგუმენტირებულ მოსაზრებას თემებზე:

** სახელმწიფო ხარჯების პრიორიტეტულობა და მიზნობრიობა;

** გადასახადების გადამხდელთა უფლებები და მთავრობის პასუხისმგებლობა;

** სახელმწიფოს ფისკალური პოლიტიკა.

საუკეთესო ესეს ავტორს პრიზად გადაეცემა Samsung-ის პლანშეტური კომპიუტერი;

მეორე ადგილის მფლობელი მიიღებს ვაჟა-ფშაველას ხუთტომეულს;

საუკეთესო ესეები გამოქვეყნდება ორგანიზაციის ვებ-გვერდზე, ხოლო მათ ავტორებს ორგანიზაცია შესთავაზებს თანამშრომლობას.

კონკურსის წესები:

ესეს მოცულობა უნდა შეადგენდეს მაქსიმუმ 3 გვერდს და შესრულებული უნდა იყოს ქართულ ენაზე. ესეების გამოგზავნის ბოლო ვადაა 2014 წლის 20 იანვარი.

მონაწილეებმა ნაშრომი უნდა გამოაგზავნონ ორგანიზაციის მისამართზე: info@tpu.org.ge 2014 წლის 15 თებერვლამდე.