სამოქალაქო საზოგადოების ინსტიტუტი (CSI), კამპანიის "ეს ქვეყანა შენიას“ ფარგლებში, აცხადებს, უკვე ტრადიციულ, კონკურსს ახალგაზრდებისთვის – „ეს ქვეყანა შენია“.

კონკურსის მიზანი:

ახალგაზრდული კონკურსის – „ეს ქვეყანა შენიას“ – მიზანია ახალგაზრდების სამოქალაქო პასუხისმგებლობის გაზრდა, აქტივიზმის ხელშეწყობა და ახალგაზრდების წახალისება ჩაერთონ ქვეყანაში სამოქალაქო საზოგადოების გაძლიერებაში.

ვის შეუძლია კონკურსში მონაწილეობის მიღება:

კონკურსში მონაწილეობის მიღება შეუძლია ნებისმიერ ახალგაზრდას ან ახალგაზრდების ჯგუფს. მათ შორის,  სტუდენტებს და სკოლის მოსწავლეებს (ასაკი 30 წლამდე). ჯგუფური განაცხადის შემთხვევაში, ჯგუფის წევრების რაოდენობა არ უნდა აღემატებოდეს 5 ადამიანს. მოსწავლეების შემთხვევაში თითოეულ ჯგუფს შესაძლოა ჰყავდეს ერთი კურატორ-მასწავლებელი.

კონკურსის ფორმატი:

2024 წელს კონკურსის დასახელებაა – დადექი ისტორიის სწორ მხარეს!

მონაწილეებმა უნდა დაგეგმონ და განახორციელონ რაიმე აქტივობა, მაგალითად: საინფორმაციო კამპანია, ფლეშმობი, სოციალური მედია კამპანია, ადგილობრივ საზოგადოებრივ ორგანიზაციებთან ერთობლივი ინიციატივები (მაგ. ერთობლივი დისკუსიების გამართვა, ერთობლივი კამპანიის ორგანიზება და ა.შ.) და სხვ. შემდეგ 2 თემაზე:

1. აღიდგინე დაკარგული მეხსიერება! მოიძიეთ და სხვებსაც გააცანით დაკარგული და დავიწყებული ისტორიები საქართველოში სამოქალაქო საზოგადოების დაბადების და განვითარების შესახებ. 2024 წლის 15 მაისს შესრულდა 145 წელი პირველი ქართული არასამთავრობო ორგანიზაციის, ქართველთა შორის წერა-კითხვის გამავრცელებელი საზოგადოების, დაფუძნებიდან. ამ საშვილიშვილო საქმეში ჩართულები იყვნენ ღვაწლმოსილი ადამიანები, პედაგოგები, სასულიერო პირები, ახალგაზრდები, საერთოდ თითქმის მთელი ქვეყანა. მაგალითად, მოძებნეთ თქვენს სოფელში, ქალაქში, რეგიონში, თქვენი წინაპრების მიერ ნაკეთები საზოგადო სიკეთეები და გააცანით ფართე საზოგადოებას.
2. დადექი ისტორიის სწორ მხარეს! შეუწყეთ ხელი ადამიანების სამოქალაქო პასუხისმგებლობის გაზრდას. არჩევნებში მონაწილეობა – პასუხისმგებლობის გაზიარება და საკუთარ თავზე აღებაა, თუ როგორ იქნება ქვეყანა, რომელშიც ჩვენ ვცხოვრობთ. საინფორმაციო კამპანიით ხელი შეუწყე თანატოლების, თანასოფლელების, თანაქალაქელების გააქტიურებას და არჩევნებში მონაწილეობას.

სასრგებლო ბმულები:

ქართველთა შორის წერა-კითხვის გამავრცელებელი (ქშწკგ საზოგადოება) საზოგადოების პროსოპოგრაფიული ბაზა (ილიას სახელმწიფო უნივერსიტეტი) – https://society.iliauni.edu.ge

საბჭოთა წარსულის კვლევის ლაბორატორია (სოვლაბი) – https://sovlab.ge

საქართველოს ეროვნული არქივი – https://archive.gov.ge

ცენტრალური საარჩევნო კომისია (ცესკო) – https://cesko.ge

საინფორმაციო ონლაინ შეხვედრები გაიმართება:

2024 წლის 17-18 სექტემბერს 13:00 საათზე 

ონლაინ შეხვედრების ბმული 

შეხვედრის ID: 821 0229 8378

კოდი: 6789 Invite 

ბმული: https://us02web.zoom.us

საკონკურსოდ წარმოსადგენი მასალა: 

საკონკურსოდ უნდა წარმოადგინოთ აქტივობის მოკლე ანგარიში (ფოტო ან ვიდეო რეპორტაჟი, ბმული და სხვა); 

(დეტალური ინსტრუქცია იხ. საკონკურსო განაცხადის ფორმა https://civilin.org).

შეფასება: 

კონკურსი ახალგაზრდებისთვის – „ეს ქვეყანა შენია“ გაიმართება მთელი ქვეყნის მასშტაბით და გამარჯვებულები გამოვლინდებიან რეგიონების მიხედვით. რეგიონის გამარჯვებულებს გამოავ-ლენს კომპეტენტური ჟიური, საზოგადოებრივი ორგანიზაციების წარმომადგენლების და სამოქა-ლაქო განათლების ექსპერტების მონაწილეობით. კონკურსში გამარჯვებულები დაჯილდოვდებიან სპეციალური პრიზებით.

საკონკურსო მასალების შეფასების კრიტერიუმები:

• შესაბამისობა კონკურსის მიზანთან (20%);
• ეფექტურობა – რამდენად სწორად და ეფექტურად მიაღწია კონკურსანტმა წინასწარ დასახულ მიზანს (25%); 
• მასშტაბი/მოცვა: რამდენად ბევრ ადამიანს შეეხო/ნახა/გააზიარა ეს აქტივობა, ან რამდენად ფართო გამოხმაურება მოყვა მას (25%); 
• კრეატიულობა – რამდენად ინოვაციურია იდეა და რამდენად ორიგინალურად არის იგი წარმოდგენილი (15%); 
• გავლენა – რამდენად არის ზეგავლენის მქონე, მამოტივირებელი, შთამაგონებელი და „აჰა“ განცდის მომგვრელი საკონკურსო აქტივობა.(15%).

კონკურსის ვადები: 

საკონკურსოდ წარმოდგენილი აქტივობა უნდა განხორციელდეს 2024 წლის ივნისიდან – 2024 წლის ოქტომბრის ჩათვლით. წარმოდგენილი საკონკურსო მასალა უნდა შეესაბამებოდეს კონკურსის პირობებს, წინააღმდეგ შემთხვევაში არ განხილება.

გთხოვთ, საკონკურსო მასალა გამოაგზავნოთ არაუგვიანეს 2024 წლის 31 ოქტომბრისა შემდეგ მისამართზე: csogeorgiage@gmail.com

პროექტის შესახებ: 

სამოქალაქო კამპანია „ეს ქვეყანა შენიას“ მიზანია საქართველოში სამოქალაქო საზოგადოების გაძ-ლიერება, საზოგადოებრივი ორგანიზაციების საქმიანობის წარმოჩენა და სამოქალაქო აქტივიზმის ხელშეწყობა. 

სამოქალაქო კამპანია „ეს ქვეყანა შენია“ მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარები-სთვის” ფარგლებში. 

პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

საკონტაქტო პირი:

თემურ ჯალიაშვილი, სამოქალაქო საზოგადოების ინსტიტუტი, ტელ: 599 759 724 ელ.ფოსტა: temuri@civilin.org

წყარო: სამოქალაქო საზოგადოების ინსტიტუტი