არასამთავრობო ორგანიზაცია „სიტყვა ქართული" და საინფორმაციო-ანალიტიკური პორტალი „sazogadoeba.ge” აცხადებს კონკურსს: „ორიგინალური ვიდეო რეზიუმე".

კონკურსში მონაწილეობისთვის საჭიროა:

- თქვენივე გადაღებული (მობილურით, ვიდეოკამერით, ვებ-კამერით) ავტობიოგრაფია (ვიდეოს ხარისხს მნიშვნელობა არ აქვს) - არა უმეტეს 3 წთ-ისა

- სურვილი და მოტივაცია

- კრეატიულობა

ვიდეო რეზიუმე უნდა შეიცავდეს:

-მოკლე ინფორმაციას თქვენი დაბადების ადგილის, განათლების, სამუშაო გამოცდილების, ინტერესების და უნარების შესახებ

-მოტივაციას (რატომ გადაწყვიტეთ კონკურსში მონაწილეობის მიღება)

ვიდეო რეზიუმე თანდართულ საკონტაქტო ინფორმაციასთან ერთად უნდა გამოგვიგზავნოთ ელ.ფოსტაზე: info@sazogadoeba.ge, ან მოიტანოთ CD მისამართზე: ა. პოლიტკოვსკაიას 16.

გამარჯვებული გამოვლინდება 9 თებერვლას, 15.00 სთ-ზე არასამთავრობო ორგანიზაცია „სიტყვა ქართულის" სასწავლო ცენტრის ღია კარის დღეს, სადაც წარმოდგენილი იქნება ორგანიზაციის ყველა მიმდინარე სასწავლო პროგრამა.

გამარჯვებულს საშუალება ექნება, წარმოდგენილი მოკლევადიანი კურსებიდან აირჩიოს და საჩუქრად მიიღოს ერთ-ერთი (ხანგრძლივობა 3 თვე) და სურვილის შემთხვევაში, გაიაროს სტაჟირება პორტალზე sazogadoeba.ge (უფასოდ).

სასწავლო პროგრამები შეგიძლიათ ასევე იხილოთ ბმულზე: http://geoword.ge/index.php?menu_id=6

გამარჯვებულის გამოვლენა მოხდება კენჭისყრის საფუძველზე (ნაჩვენები იქნება 15 საუკეთესო ვიდეორგოლი, რომელსაც შეარჩევს კომპეტენტური ჟიური) და მასში მონაწილეობას მიიღებს ღონისძიებაზე დამსწრე საზოგადოება (დასწრება თავისუფალია).

ვიდეო რეზიუმეების მიღების ბოლო ვადაა 7 თებერვალი.

დამატებითი ინფორმაციისთვის დაუკავშირდი ტელეფონის ნომერზე:

(+995 577) 65 19 09; (+995 32) 2 77 95 77

წყარო: media.ge