არასამთავრობო ორგანიზაცია "საქართველოს საერთაშორისო განვითარების ასოციაცია" აცხადებს კონკურსს იურიდიული სამსახურის უფროსის მოადგილის თანამდებობაზე.

სამუშაოს აღწერა:

** იურიდიული დოკუმენტაციის წარმოება და მისი კანონმდებლობასთან შესაბამისობის უზრუნველყოფა;

** ორგანიზაციაში მომზადებული დოკუმენტების შემოწმება სამართლებრივი თვალსაზრისით;

** კანონმდებლობაში განხორციელებული ცვლილებების აღნუსხვა;

** ორგანიზაციის საქმიანობის პროცესში წამოჭრილი სხვადასხვა იურიდიული საკითხების ევროკავშირის კანონმდებლობასთან შესაბამისობის დადგენა;

** საჭიროების შემთხვევაში, ორგანიზაციის ინტერესების დაცვა სასამართლოში;

** საჭიროებისამებრ, სხვა იურიდიულ საკითხებზე მუშაობა.

მოთხოვნები:

** უმაღლესი იურიდიული განათლება (სასურველია მაგისტრის ხარისხი საერთაშორისო სამართლის განხრით);

** პროფესიით მუშაობის არანაკლებ 3 წლიანი გამოცდილება;

** საოფისე კომპიუტერული პროგრამების და ინტერნეტის ცოდნა;

** ინგლისური ენის პროფესიულ დონეზე საფუძვლიანი ცოდნა და ევროკავშირის კანონმდებლობაზე მუშაობის გამოცდილება ჩაითვლება უპირატესობად;

** სასურველია კანდიდატს ჰქონდეს ჩაბარებული ადვოკატთა საკვალიფიკაციო გამოცდა სამოქალაქო სამართლის სპეციალიზაციით.

გასაუბრებისთვის სავალდებულოა შემდეგი კანონმდებლობის სრულფასოვანი ცოდნა:

** "საქართველოს კოდექსი პროდუქტის უსაფრთხოებისა და თავისუფალი მიმოქცევის შესახებ"

** საქართველოს მთავრობის განკარგულება N965, "სტანდარტიზაციის, აკრედიტაციის, შესაბამისობის შეფასების, ტექნიკური რეგლამენტებისა და მეტროლოგიის სფეროში საქართველოს მთავრობის სტრატეგიის დამტკიცების შესახებ"

** "საქართველოს კანონი სახელმწიფო შესყიდვების შესახებ"

** ინგლისური ენის ცოდნის შემთხვევაში, ვაჭრობის მსოფლიო ორგანიზაციის ვაჭრობის ტექნიკური ბარიერების (WTO TBT Agreement) აღმოფხვრის თაობაზე შეთანხმების ცოდნა.

დამატებითი მოთხოვნები:

** პასუხისმგებლობის გრძნობა და პუნქტუალურობა;

** გუნდური მუშაობის უნარი;

** კონფიდენციალურობის პატივისცემა;

** ეთიკური ნორმების დაცვა.

დაინტერესებულმა პირებმა info@geaid.org მისამართზე გამოგზავნეთ შემდეგი საბუთები:

** CV (ავტობიოგრაფია);

** შრომის წიგნაკი (ასეთის არსებობის შემთხვევაში) ან/და სამუშაო გამოცდილების დამადასტურებელი დოკუმენტაცია;

** ინგლისური ენის დამადასტურებელი სერთიფიკატი TOEFL/IELTS (ასეთის არსებობის შემთხვევაში).

ორგანიზაცია დაუკავშირდება და გაესაუბრება მხოლოდ იმ პირებს, ვისაც ამოარჩევს წარმოდგენილი საბუთების საფუძველზე. ასევე, გასაუბრებამდე გთხოვთ, საფუძვლიანად გაეცნოთ ზევით ჩამოთვლილ კანონმდებლობას!

წყარო: jobs.ge