წამების მსხვერპლთა ფსიქო-სოციალური და სამედიცინო რეაბილიტაციის ცენტრი (GCRT) თბილისის ადამიანის უფლებათა სახლთან (HRHT) თანამშრომლობით, ჟურნალისტებისა და ბლოგერებისათვის აწყობს ვორქშოფს თემაზე: ნაბიჯი თავისუფლებისკენ - პატიმართა და ყოფილ პატიმართა მდგომარეობა საქართველოში.ვორქშოპი მოიცავს შემდეგ თემებს: ბრალდებულთა/მსჯავრდებულთა მდგომარეობა პენიტენციურ სისტემაში; პენიტენციური სტრესი და მისი გავლენა პიროვნებაზე; წამება და წამების შედეგები; არასრულწლოვან მსჯავრდებულთა მდგომარეობა; რესოციალიზაცია/რეინტეგრაციის პროგრამები ყოფილ მსჯავრდებულთათვის.ვორქშოფში მონაწილეობა შეუძლია მიიღოს ნებისმიერი მედიის (ბეჭდვითი თუ ელექტრონული) წარმომადგენლებმა და ბლოგერმა თბილისიდან. აღნიშნულ თემაზე GCRT აცხადებს ასევე კონკურსს ჟურნალისტებისა და ბლოგერებისათვის.