2014 წლიდან ″საქართველოს სტრატეგიული კვლევებისა და განვითარების ცენტრი″ იწყებს დასაქმებაზე ორიენტირებული სოციალური საწარმოების მხარდაჭერას. მხარდაჭერის პროგრამა 2 ეტაპიანია.

პირველ ეტაპზე დაინტერესებულ საზოგადოებრივ ორგანიზაციებს მიეცემათ შესაძლებლობა გაიარონ "სოციალური საწარმოს ბიზნეს გეგმის შემუშავების” ინტენსიური ტრენინგ კურსი.

მეორე ეტაპზე გამოცხადდება საგრანტო კონკურსი და გაიცემა მიკრო გრანტი დასაქმებაზე ორიენტირებული სოციალური საწარმოს დასაფუძნებლად/ განვითარებისთვის. საგრანტო კონკურსის ფარგლებში შერჩევისას უპირატესობა მიენიჭებათ პირველ ეტაპზე მონაწილე ორგანიზაციებს.

″საქართველოს სტრატეგიული კვლევებისა და განვითარების ცენტრი″ იწვევს საზოგადოებრივ ორგანიზაციებს მონაწილეობა მიიღონ ტრენინგში – ″ბიზნეს გეგმის შემუშავება სოციალური საწარმოებისთვის″, რომელიც ჩატარდება ქ. თბილისში, 2014 წლის 1-ლიდან 4 აპრილის ჩათვლით (ტრენინგის დაწყებამდე რამდენიმე დღით ადრე დავუკავშირდებით შერჩეულ კანდიდატებს ადგილის და დროის დასაზუსტებლად).

ტრენინგზე დასწრების შესაძლებლობა აქვთ:

1. არასამთავრობო ორგანიზაციის წევრებს;

2. ორგანიზაციას, რომელსაც თქვენ წარმოადგენთ, აქვს დასაქმებაზე ორიენტირებული სოციალური მეწარმეობის პრაქტიკა ან მისი განვითარების შესაძლებლობა და სურვილი;

3. მონაწილეებს, რომლებსაც შეუძლიათ სრულად დაესწრონ ტრენინგს 4 დღის განმავლობაში (1-4 აპრილი).

ტრენინგის შედეგად მონაწილეები

- მიიღებენ თეორიულ და პრაქტიკულ ინფორმაციას სოციალური მეწარმეობის შესახებ.

- შეისწავლიან სოციალური საწარმოს დაგეგმვის სპეციფიკას, სირთულეებს, რომელსაც აწყდებიან ორგანიზაციები სოციალურ და ეკონომიკურ მიზნებს შორის ბალანსის მისაღწევად.

- გაეცნობიან სოციალური შედეგების დაგეგმვის და შეფასების ტექნიკებს.

ტრენინგის მონაწილეთა რაოდენობა შეზღუდულია. მონაწილეთა შერჩევის მთავარი კრიტერიუმია ორგანიზაციაში სოციალური მეწარმეობის კუთხით არსებული გამოცდილება და/ან პოტენციალი.

ტრენინგზე დასწრების მსურველებმა არა უგვიანეს ა.წ. 20 მარტის, 16:00 საათისა უნდა წარმოადგინონ:

1. სამოტივაციო წერილი (მაქსიმუმ 1,5 გვერდი), სადაც მოკლედ აღწერთ:

აქვს თუ არა ორგანიზაციას დასაქმებაზე ორიენტირებული სოციალური მეწარმეობის გამოცდილება;

აპირებს თუ არა მომავალში მსგავსი პრაქტიკის გაფართოებას / დანერგვას;

კონკრეტულად, რას ელით დაგეგმილი ტრენინგიდან.

2. სრულად შევსებული სააპლიკაციო ფორმა

საბუთების წარმოდგენა შესაძლებელია:

1. ელექტრონული სახით: apply@csrdg.ge ან 2. ნაბეჭდი სახით, სტრატეგიული კვლევებისა და განვითარების ცენტრის ოფისში, მისამართზე: თბილისი, დელისის I შესახვევი, 5ა, ტელ.: (+995 32) 2399019/18.

საკონტაქტო პირი: სალომე ხუციშვილი

წყარო:cse.ge