საქართველოს სტრატეგიული კვლევებისა და განვითარების ცენტრი იწვევს საზოგადოებრივ ორგანიზაციებს მონაწილეობა მიიღონ ტრენინგში – "სოციალური საწარმო – სოციალური შედეგების დაგეგმვა და შეფასება".

ტრენინგი ტარდება "სოციალური მეწარმეობა - ახალი გამოწვევა საზოგადოებრივი ორგანიზაციებისათვის" – პროექტის ფარგლებში, რომელიც ხორციელდება "ღია საზოგადოება – საქართველოს" ფინანსური მხარდაჭერით.

ტრენინგი განკუთვნილია საზოგადოებრივი ორგანიზაციებისთვის, რომლებიც ეწევიან სოციალურ მეწარმეობას, ან აპირებენ სოციალური მეწარმეობის განვითარებას და გააჩნიათ იდეა.

ტრენინგი მიზნად ისახავს სოციალური მეწარმეობის, როგორც საზოგადოებრივ ორგანიზაციებში მდგრადი განვითარების ერთ-ერთი ფორმის დანერგვას. ტრენინგის მონაწილენი მიიღებენ თეორიულ და პრაქტიკულ ინფორმაციას სოციალური მეწარმეობის შესახებ, შეისწავლიან სოციალური საწარმოს დაგეგმვის სპეციფიკას, სირთულეებს, რომელსაც აწყდებიან ორგანიზაციები სოციალურ და ეკონომიკურ მიზნებს შორის ბალანსის მისაღწევად და სოციალური შედეგების დაგეგმვის და შეფასების ტექნიკებს.

შერჩევის მთავარი კრიტერიუმია ორგანიზაციაში სოციალური მეწარმეობის კუთხით არსებული გამოცდილება და/ან პოტენციალი, რომელსაც წარმოადგენთ სააპლიკაციო ფორმითა და სამოტივაციო წერილით. ტრენინგში მონაწილე ორგანიზაციების რაოდენობა შეზღუდულია.

სრულად შევსებული სააპლიკაციო ფორმა (შეგიძლიათ ჩამოტვირთოთ აქვე) ან დოკუმენტი ჩამოტვირთეთ ორგანიზაციის ვებ-გვერდებიდან: www.csrdg.ge ანwww.cse.ge)

ელექტრონული სახით: apply@csrdg.ge ან ნაბეჭდი სახით, სტრატეგიული კვლევებისა და განვითარების ცენტრის ოფისში; მისამართზე: თბილისი, დელისის I შესახვევი, 5ა, ტელ.: (+995 32) 2399019/18. საკონტაქტო პირი: ნათია ქალდანი