CENN აცხადებს კონკურსს ჟურნალისტებისათვის მედიაპროექტში – სატყეო რეფორმა მონაწილეობის მისაღებად.

პროექტი მოიცავს:

• 5-დღიან ტრენინგს სფეროს წამყვანი ექსპერტების მონაწილეობით (ტყის მდგრადი მართვა, ტყეების ეკონომიკური ღირებულება და პოტენციალი, ტყის დამოუკიდებელი მონიტორინგის მექანიზმები, სატყეო პოლიტიკა და სტრატეგია, საერთაშორისო პრაქტიკის მიმოხილვა) - 3-7 ივლისი, 2017;
• სასწავლო ტურებს საქართველოს ტყეების მოწყვლად უბნებზე - ივლისი-აგვისტო, 2017;
• მედია კონკურსს.

მედია პროექტის დაწყებისთანავე, ჟურნალისტებს საშუალება მიეცემათ, წარმოაჩინონ საკუთარი შესაძლებლობები და საკონკურსოდ წარმოადგინონ თავიანთი ნამუშევრები შემდეგ ნომინაციებში პრიზის მოსაპოვებლად:

• აქტიური სატელევიზიო გაშუქება;
• აქტიური ბეჭდური გაშუქება;
• საუკეთესო სატელევიზიო რეპორტაჟი;
• საუკეთესო სტატია ბეჭდურ მედიაში;
• საუკეთესო აუდიო-ვიზუალური რეპორტაჟი;
• საზოგადოების რჩეული.

დამატებითი ინფორმაციისათვის ეწვიეთ გარემოსდაცვითი ცოდნის პორტალს https://goo.gl/AJs3Nc