„ქალთა ფონდი საქართველოში" ღია კარის საგრანტო პროგრამას აცხადებს. პროგრამა მიესალმება ქალთა ინოვაციურ ინიციატივებს, რომლებიც ფონდის მთავარ პრიორიტეტებს შეესაბამება. საგრანტო თანხა შეადგენს 500–დან 3000–მდე აშშ დოლარს. კონკურსში მონაწილეობის მიღება შეუძლიათ რეგისტრირებულ და არარეგისტრირებულ ჯგუფებს, რომელთა მთავარი მიმართულებაა ქალთა უფლებების დაცვა და მათთან დაკავშირებული საკითხები. ასევე ფონდი მხარს დაუჭერს მკვლევარი ან ხელოვანი ქალების ინდივიდუალურ ინიციატივებს. საგრანტო პროგრამის გეოგრაფიული ფოკუსია საქართველოს დედაქალაქი და რეგიონები. საპროექტო განაცხადები მიიღება შეუზღუდავად 2013 წლის განმავლობაში.