ადამი-ქსელი უკვე მესამედ დააჯილდოვებს აღმოსავლეთ პარტნიორობის ექვსი ქვეყნის (საქართველოს, სომხეთის, აზერბაიჯანის, ბელარუსის, მოლდოვას და უკრაინის) მედიის წარმომადგენლებს გამორჩეული მიღწევებისათვის კინოს, ტელევიზიის და ინტერნეტის პროგრამებში მიგრაციის, ინტეგრაციის და კულტურული მრავალფეროვნების თემებზე.
ინიციატივა "ადამი" მიზნად ისახავს ამ თემებისადმი მედიის ინტერესის გაძლიერებას და ამით წვლილის შეტანას მონაწილე ქვეყნებში სამოქალაქო საზოგადოებრივ დისკუსიაში, რომელიც ეხება კულტურულ მრავალფეროვნებას. ამავე დროს ამ ინიციატივით აღმოსავლეთ ევროპის მედიის სფეროში მომუშავე პირებს ექმნებათ პლატფორმა კავშირების დამყარებისა და გამოცდილების გაზიარებისთვის. კონკურსის მხარდამჭერია გერმანიის საგარეო საქმეთა სამინისტრო. მონაწილეობის პირობები, განაცხადების შეტანის ვადები და სხვა ინფორმაცია იხილეთ შემდეგ ვებ-გვერდზე:
წყარო:adamimediaprize.eu