ასოციაცია ,,ათინათის’’ პროექტი ,,ახალგაზრდების ჩართულობა და განვითარება" კლუბის წევრებს ძალიან კარგ შესაძლებლობას სთავაზობს, კერძოდ, მონაწილეობა მიიღონ ორკვირიან ბანაკში, რომელიც გაიმართება ბრიტანეთში.

ბანაკში ახალგაზრდებს შესაძლებლობა ექნებათ:

იცხოვრონ მეგობრულ და უსაფრთხო ბრიტანულ ქალაქში;

გაიცნონ სხვა მოზარდები მთელი მსოფლიოდან;

გაიუმჯობესონ ინგლისური ენის ცოდნა;

ექსკურსიით მოინახულონ ისეთი ადგილები როგორიცაა: სალისბერი, სტოუნჰენგი, ლონდონი, ოქსფორდი და ვარვიკის ციხე;

ბანაკის პერიოდში ახალგაზრდები იცხოვრებენ ბრიტანულ ოჯახებში, სადაც ექნებათ შესაძლებლობა გაეცნონ მათ ტრადიციებსა და წეს-ჩვეულებებს.

გაიმართება ორი ბანაკი:

10 ივნისიდან-24 ივნისამდე

25 ივნისიდან-8 ივლისადმე

(თარიღები შეიძლება შეიცვალოს)

თითოეულ ბანაკში წასასვლელად შეირჩევა 6 ახალგაზრდა, მათ შორის 3 მონაწილე აფხაზეთიდან, ჯამში 12 ახალგაზრდა გაემგზავრება ბრიტანეთში.

ბანაკში მონაწილეობის მისაღებად კლუბის წევრებმა უნდა გაიარონ შემდეგი ეტაპები:

შეავსონ და გამოაგზავნონ აპლიკაცია 16 აპრილიდან - 24 აპრილამდე;

მონაწილეობა მიიღონ ინგლისური ენის ტესტირებაში - 30 აპრილი;

მონაწილოება მიიღონ გასაუბრებაში - 2 მაისი;

ბანაკში მონაწილეობის ხარჯებს პროექტი ანაზღაურებს.

აღნიშნული ბანაკი გათვალისწინებულია 15-16 წლის ახალგაზრდებისათვის, რომლებიც არიან პროექტის ,,ახალგარზდების ჩართულობა და განვითარება" პარტნიორი სკოლის მოსწავლეები და კლუბის წევრები.

პარტნიორი სკოლები: ოდიშის #1, ინგირის #1, კახათის #2, დარჩელის, ორსანტიის, კოკის, ზედაეწერის, ჩხორიის, ჭკადუაშისა და აფხაზეთის #11 საჯარო სკოლები.

წყარო: ასოციაცია ,,ათინათის’’ ვებგვერდი სოციალურ ქსელში