„კავკასიის ახალგაზრდული კავშირი” და „მასტერფის საქართველო" ეძებს მოტივირებულ ახალგაზრდებს, ერასმუს + ის ახალგაზრდულ ტრენინგ კურსზე: „Be Active Be Empowered" მონაწილეობის მისაღებად.

პროექტი ჩატარდება ბაკურიანში, 22 სექტემბრიდან 30 სექტემბრის ჩათვლით; მონაწილეობას მიიღებს 25 ახალგაზრდა გერმანიიდან, პოლონეთიდან, ლიტვიდან, ავსტრიიდან, მოლდოვიდან, უკრაინიდან, სომხეთიდან და საქართველოდან;

მისი მიზნებია:

თეორიასა და პრაქტიკაზე დაფუძნებული ახალგაზრდული (ახალგაზრდები მოწყვლადი ჯგუფებიდან) საქმიანობის შესწავლა;

მონაწილეებისთვის აქტივიზმისა და სამოქალაქო ჩართულობის კონცეფციის სიღრმისეული შესწავლა;

შესაბამისი ახალგაზრდული საქმიანობის, ჩართულობასა და მონაწილეობაზე დაფუძნებული, გზამკვლევის შექმნა (Tool-Box)

პროექტში მონაწილეობისთვის საჭიროა ინგლისური ენის საკომუნიკაციო დონეზე ცოდნა.

მონაწილის მინიმალური ასაკი - 18 წელი;

პროექტში მონაწილეობა არის უფასო, ასევე ყველანაირ ხარჯს როგორიცაა მგზავრობა, ექსკურსია, სასტუმრო, კვება და ა.შ. დაფარავს პროექტი.

წყარო: ორგანიზაციის ვებგვერდი სოციალურ ქსელში