27 სექტემბერს, 16:00 საათზე თბილისში ფონიჭალის ახალგაზრდულ ცენტრში ასოციაცია „ჰერა XXI"-ის თანასწორ-განმანათლებლები კამპანიის - „რეპროდუქციული კვირეული" ფარგლებში ჩაატარებენ საინფორმაციო-საგანმანათლებლო სესიას.

სესიაზე განხილული იქნება შემდეგი თემები:

- რეპროდუქციული ჯანმრთელობა და უფლებები, ჯანსაღი ცხოვრების წესი;

- სქესობრივი გზით გადამდები ინფექციები და მათი პრევენციის გზები;

- ახალგაზრდებზე მორგებული ჯანდაცვის სერვისების ხელმისაწვდომობა;

მონაწილეებს დაურიგდებათ საინფორმაციო ბროშურები ამ თემებზე. ასევე, ყველაზე აქტიურ მონაწილეებს გადაეცემათ სიმბოლური საჩუქრები „ჰერა XXI"-სგან.

გარდა ამისა, ორგანიზაციის თანასწორ-განმანათლებლები ტრენინგის მონაწილე ახალგაზრდებს გაუზიარებენ თავიანთი მოხალისეობრივი საქმიანობის გამოცდილებას, როგორც ადგილობრივ, ისე საერთაშორისო დონეზე.

წყარო: ორგანიზაცის ვებგვერდი სოციალურ ქსელში