თბილისი. ადამიანის უფლებათა ცენტრის ინიციატივით, საჯარო რეესტრს საოკუპაციო ხაზთან მდებარე მიწის ნაკვეთის ი.ბ.-სთვის საკუთრებაში დარეგისტრირება დაევალა.  „სოფელ დიცის მკვიდრმა ი.ბ.-მ იმის დასამტკიცებლად, რომ ნაკვეთი ოკუპირებულ ზონაში არ იყო მოქცეული, სასამართლო დავა 2018 წელს დაიწყო. რაიონულმა და სააპელაციო სასამართლოებმა ფაქტი დაადასტურეს. ორი ინსტანციის გადაწყვეტილება საჯარო რეესტრს უზენაეს სასამართლოში აღარ გაუსაჩივრებია, რაც ნიშნავს იმას, რომ ი.ბ. მიწის ნაკვეთის დარეგისტრირებას შეძლებს“, ნათქვამია ორგანიზაციის ვებგვერდზე.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) ინფორმაციით, ჟურნალისტმა ეკა კვესიტაძემ, დღეს, თბილისის საქალაქო სასამართლოში შპს „სამაუწყებლო კომპანია რუსთავი 2“-ის წინააღმდეგ სარჩელი წარადგინა. მის ინტერესებს საქართველოს ახალგაზრდა იურისტთა ასოციაცია იცავს. „სამაუწყებლო კომპანია რუსთავი 2-ის გენერალური დირექტორმა ეკა კვესიტაძე სამსახურიდან გაათავისუფლა.  "მოსარჩელე მიიჩნევს, რომ გათავისუფლების ბრძანების შინაარსი არ შეესაბამება შრომის კოდექსით დადგენილ მოთხოვნებს და დამსაქმებელი მისი გათავისუფლებისას არამართლზომიერად მოქმედებდა“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. „კოალიცია თანასწორობისთვის“ სოლიდარობას უცხადებს თამთა თოდაძეს და პროკურატურას ქალის მიმართ სექსუალური და ფიზიკური ძალადობის შემაშფოთებელი შემთხვევის დროული და ეფექტიანი გამოძიებისკენ მოუწოდებს. „სავარაუდო ბრალდებული პირის თანამდებობრივი სტატუსის გათვალისწინებით, კოალიცია ასევე მოუწოდებს ხელისუფლების წარმომადგენლებს, შეინარჩუნონ ობიექტურობა ამ საქმეზე საჯარო პოზიციონირების დროს და საკუთარი განცხადებებით ხელი არ შეუწყონ ქალთა მიმართ ძალადობის შეწყნარებასა და ლეგიტიმაციას“, ნათქვამია განცხადებაში.  სრულად... წყარო: gyla.ge

თბილისი. 20-21 ივნისის მოვლენებთან დაკავშირებით, დაზარალებულად უფრო მეტი სამართალდამცავია ცნობილი, ვიდრე აქციის მონაწილე.  „20-21 ივნისის მოვლენებთან დაკავშირებით მიმდინარე სისხლის სამართლის საქმეებზე ინფორმაციის დაზუსტებით მიზნით საიამ საქართველოს გენერალურ პროკურატურას მიმართა. მიღებული ინფორმაციის თანახმად: შინაგან საქმეთა სამინისტროში გამოძიება მიმდინარეობს 2 საქმეზე, რომლის ფარგლებში აქციის 17 მონაწილეს წარედგინა ბრალი, ხოლო დაზარალებულად 67 სამართალდამცავია ცნობილი; საქართველოს გენერალურ პროკურატურის საგამოძიებო ნაწილში მიმდინარე გამოძიების ფარგლებში ბრალდება წარედგინა შინაგან საქმეთა სამინისტროს 3 თანამშრომელს, ხოლო შსს-ს თანამშრომელთა მხრიდან შესაძლო დანაშაულებრივ ქმედებასთან დაკავშირებით დაზარალებულად ცნობილია აქციის 4 მონაწილე. საია აგრძელებს 20-21 ივნისის მოვლენების შესწავლას და სამართლებრივ შეფასებას უახლოეს პერიოდში წარუდგენს საზოგადოებას“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი ეხმიანება გავრცელებულ ინფორმაციას თბილისის საკრებულოს დეპუტატის მიერ მისივე თანამშრომლის მიმართ განხორციელებული სავარაუდო სექსუალური და ფიზიკური ძალადობის შესახებ.  „საკითხის სიმძიმიდან და მგრძნობელობიდან გამომდინარე, საქართველოს სახალხო დამცველი მოუწოდებს საქართველოს გენერალურ პროკურატურას ეფექტურად წარიმართოს გამოძიება, მათ შორის, დროულად ჩაატაროს ყველა საჭირო საგამოძიებო თუ სხვა საპროცესო მოქმედება. ამასთან, მნიშვნელოვანია გამოირიცხოს ყველა ეჭვი საქმის მიკერძოებით თუ პოლიტიკური ინტერესით განხილვის მიმართულებით და საგამოძიებო ორგანომ აქტიურად ითანამშრომლოს სავარაუდო მსხვერპლთან და მის წარმომადგენელთან”, - აღნიშნულია სახალხო დამცველის განცხადებაში.  სრულად...  წყარო: ორგანიზაციის ვებგვერდი

7 ოქტომბერს, 11.00-ზე, ორგანიზაცია "საფარის" ოფისში, გაიმართება პრესკონფერენცია თამთა თოდაძის საქმესთან დაკავშირებით. სრულად... წყარო: თბილისი, გახოკიძის ქ. N11ა

2019 წლის 25 სექტემბერს, საქმეზე - „იდენტობა და სხვები საქართველოს წინააღმდეგ“ ევროსაბჭოს მინისტრთა კომიტეტმა, საქმის გაძლიერებული ზედამხედველობის პროცესის ფარგლებში, დასკვნა გამოაქვეყნა.  ადამიანის უფლებების სწავლებისა და მონიტორინგის ცენტრის ინფორმაციით, დასკვნაში მიმოხილულია ის ძირითადი ხარვეზები, რაც საქმეზე ევროსასამართლოს მიერ მიღებული გადაწყვეტილების აღსრულების პროცესში, სახელმწიფოს მხრიდან ვლინდება.  სრულად...  წყარო: https://emc.org.ge

თბილისი. გენდერული საინფორმაციო პორტალის ინფორმაციით, გაეროში სიტყვით გამოვიდა საქართველოს ახალგაზრდობის წარმომადგენელი ესმა გუმბერიძე.  „თავის გამოსვლაში ესმა გუმბერიძემ ისაუბრა შეზღუდული შესაძლებლობების მქონე პირების სოციალური, პოლიტიკური, ეკონომიკური და კულტურული ცხოვრების ყველა ასპექტში ჩართვის აუცილებლობაზე. მისი თქმით, მნიშვნელოვანია, მოხდეს ასეთი ადამიანებისა და ბარიერების იდენტიფიცირება და პირველ რიგში, მათი ხმის გაგონება“, ნათქვამია პორტალის ვებგვერდზე.  სრულად... წყარო: www.ginsc.net

თბილისი. „საერთაშორისო გამჭვირვალობა საქართველო“ „პერსონალურ მონაცემთა დაცვის შესახებ“ კანონში დაგეგმილი ცვლილებების შეფასებას აქვეყნებს.  „მნიშვნელოვანია ევროკავშირის რეგულაციები ზუსტად აისახოს კანონმდებლობაში და გონივრულ ვადებში მოხდეს მისი იმპლემენტაცია. კანონპროექტით გათვალისწინებული ინფორმაციის დამუშავების საფუძვლები სრულად არ შეესაბამება GDPR-ით განსაზღვრულ სტანდარტს და ბუნდოვანია. GDPR ითვალისწინებს სახელმწიფოს უფლებამოსილებას დაადგინოს გარკვეული გამონაკლისები საჯარო და ლეგიტიმური ინტერესის გათვალისწინებით, რაც ადეკვატურად უნდა იყოს გათვალისწინებული აღნიშნული კანონმდებლობის შემუშავების პროცესში“, ნათქვამია ორგანიზაციის ვებგვერდზე.  სრულად... წყარო: transparency.ge

თბილისი. 3 ოქტომბერს, ბათუმის შოთა რუსთაველის სახელმწიფო უნივერსიტეტში, ნატოს გენერალური მდივნის მოადგილე როუზ გიოტმიოლერი დასავლეთ საქართველოს უმაღლესი სასწავლებლების სტუდენტებს შეხვდა.  „საქართველოს ნატოსთან თანამშრომლობა მოიცავს ყველა პრაქტიკულ და პოლიტიკურ ინსტრუმენტს იმისთვის, რომ საქართველო გახდეს ნატოს წევრი მაშინ, როდესაც გაიხსნება შესაძლებლობის ფანჯარა,"- განაცხადა თავის გამოსვლაში როუზ გიოტმიოლერმა, რომელიც საქართველოს ჩრდილოატლანტიკური საბჭოს ვიზიტის ფარგლებში.  სრულად...  წყარო: საინფორმაციო ცენტრი ნატოსა და ევროკავშირის შესახებ

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგ პოსტს: საქართველოს სტრატეგიისა და საერთაშორისო ურთიერთობების კვლევის ფონდი.  „სტატიაში შეგიძლიათ გაეცნოთ 2019 წლის სექტემბერში მომხდარ მნიშვნელოვან მოვლენებს, რომლებიც აფხაზეთსა და ცხინვალის რეგიონში კრემლის პოლიტიკას უკავშირდება“, ნათქვამია ორგანიზაციის ვებგვერდზე.  სრულად... წყარო: kremlin-roadmap.gfsis.org

თბილისი. ადამიანის უფლებების სწავლებისა და მონიტორინგის ცენტრი (EMC) მიიჩნევს, რომ მუსლიმი მესხი სტუდენტის, ხალილ სარვაროვისთვის საქართველოში შემოსვლაზე შსს-ს უარი თვითნებურია და ის რეპატრიაციის პროცესს აზიანებს.  „EMC მიიჩნევს, რომ საქართველოს შინაგან საქმეთა სამინისტროს მხრიდან საზღვრის კვეთის შეზღუდვის მსგავსი პრაქტიკა ეწინააღმდეგება საქართველოს კონსტიტუციისა და კანონმდებლობის მოთხოვნებს, ხოლო შინაგან საქმეთა სამინისტროს მოუწოდებს: •მოახდინოს ხალილ სარვაროვის მიმართ მიღებული გადაწყვეტილების რევიზია და კანონის და ადამიანის უფლებების სტანდარტებზე დაფუძნებული ახალი გადაწყვეტილების მიღება;  •უზრუნველყოს თითოეულ საქმეში ქვეყანაში შემოსვლაზე უარის თქმის ჯეროვანი დასაბუთება შესაბამისი სამართლებრივი საფუძვლის მითითებით, რაც თვითნებური და დისკრიმინაციული პრაქტიკის აღმოფხვრის წინაპირობას შექმნის.  •გაითვალისწინოს მის მიერ მიღებული თვითნებური გადაწყვეტილებების მძიმე სოციალური ეფექტი კონკრტული სოციალური ჯგუფებისთვის (საზღრის კვეთის დროს როგორც წესი მნიშნელოვან ბარიერებს, სწორედ, ეთნიკური და რელიგიური უმცირესობები აწყდებიან) და გადაწყვეტილებები საქმის დეტალურ და ზედმიწევნით შესწავლას დააფუძნოს.  •შექმნას სამუშაო ჯგუფი, რომელიც რელევანტური სახელმწიფო უწყებების გარდა, ადამიანის უფლებებზე მომუშავე ინსტიტუტებს და აქტორებს გააერთანებს და კანონში არსებულ ხარვეზისა და დამკვიდრებული თვითნებური პრაქტიკის აღმოფხვრას შეუწყობს ხელს“, - ვკითხულობთ EMC-ის მიერ გავრცელებულ განცხადებაში.  სრულად...  წყარო: ორგანიზაციის ვებგვერდი

თბილისი. ახალგორელი ჟურნალისტის და აქტივისტის, თამარ მეარაყიშვილის უფლებებს ხელახლა აღძრულ სისხლის სამართლის საქმეზე ადვოკატი დაიცავს. თბილისის ადამიანის უფლებათა სახლი დონორების – “Human Rights House Foundation”-ის და “Urgent Action Fund” ის ფინანსური მხარდაჭერით მთლიანად დაფარავს თამარ მეარაყიშვილის ადვოკატის ხარჯებს. თამარ მეარაყიშვილი 2017 წლის აგვისტოში რამდენიმე საათით გაიტაცეს და ოკუპირებული ცხინვალის დე-ფაქტო ხელისუფლებამ მის წინააღმდეგ საქმე აღძრა. ახალგორის რაიონულმა სასამართლომ მეარაყიშვილს ყველა ბრალდება მოუხსნა, მაგრამ ე.წ. პროკურატურამ საქმე სასამართლოში 2019 წლის ივლისში ხელახლა დააბრუნა. სრულად...  წყარო: ორგანიზაციის ვებგვერდი

თბილისი. საქართველოს დემოკრატიული ინიციატივა (GDI) აქვეყნებს ბლოგპოსტს: სიძულვილის ენა საჯარო სამსახურში.  „კვლევაში განხილულია საკანონმდებლო ჩარჩო, რომელიც ადგენს საჯარო სექტორში დასაქმებული პირების მიერ სიძულვილის ენის გამოუყენებლობას. ამ მხრივ განსაკუთრებული ყურადღება გამახვილებულია მთავრობის N200 დადგენილებაზე („საჯარო დაწესებულებაში ეთიკისა და ქცევის ზოგადი წესების განსაზღვრის შესახებ“) და „საჯარო სამსახურის შესახებ“ საქართველოს კანონზე, რომელიც განსაზღვრავს დისციპლინური წარმოების პროცედურებს. კვლევის პროცესში მოხდა იმ საჯარო მოხელეთა იდენტიფიცირება, რომლებიც იყენებენ სიძულვილის ენას საჯარო სივრცეში“, ნათქვამია ორგანიზაციის ვებგვერდზე.  სრულად... წყარო: gdi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ შალვაშვილის ბლოგპოსტს: დმანისობა - გადაწერილი დღესასწაული და კულტურული დომინაციის მექანიზმი.  „საკუთარი კულტურის აღნიშვნისა და წარმოჩენის მაგივრად, ამ დღესასწაულზე, მათივე თქმით, ადგილობრივი ხელისუფლება ირიბად ეუბნებოდა, რომ მათი კულტურა საქართველოს კულტურაში არ მოიაზრება. თემის რამდენიმე აქტივისტი დმანისობას დიდი ხანია აპროტესტებს და ამბობს, რომ ეს დღესასწაული შექმნის დროიდან პრობლემურია. თემის სხვა წევრების თქმით, ეს დღე აზერბაიჯანული კულტურის გარიყვის, საქართველოში საქართველოს აზერბაიჯანელების მეორეხარისხოვნობის და ქართული კულტურის დომინაციის ჩვენების დღედ იქცა და ეს მათი თქმით, ყველაზე მძაფრად წელს იგრძნობოდა“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. ადამიანის უფლებათა ევროპული სასამართლოს 2019 წლის 27 სექტემბრის ოფიციალური წერილით, ადამიანის უფლებებს სწავლებისა და მონიტორინგის ცენტრს (EMC) ეცნობა, რომ ევროპულმა სასამართლომ 23 სექტემბერს მიიღო გადაწყვეტილება მაჩალიკაშვილის საქმის არსებითი განხილვის შესახებ და მთავრობასთან კომუნიკაცია დაიწყო.  „მნიშვნელოვანია, რომ ევროპულმა სასამართლომ საქმის არსებითი განხილვა დროულად და პრიორიტეტულად დაიწყო, რაც, მათ შორის, ამ საქმეზე უფლების დარღვევის სიმძიმეს და კონვენციისთვის სიცოცხლის უფლების დაცვის მაღალ ხარისხსა და მნიშვნელობას უკავშირდება“, ნათქვამია ორგანიზაციის ვებგვერდზე.  სრულად... წყარო: emc.org.ge

კახეთი. საქართველოს სახალხო დამცველის აპარატის კახეთის ოფისის თანამშრომლებმა ახმეტის ინოვაციების ცენტრში გამართეს შეხვედრა კახეთის პოლიციის დეპარტამენტის რაიონული სამმართველოების თანამშრომლებთან.  „შეხვედრის მიზანს წარმოადგენდა ქალთა მიმართ და ოჯახში ძალადობის საკითხებზე საქართველოს სახალხო დამცველის რეკომენდაციების და პრაქტიკის გაზიარება, ასევე ინფორმაციის მიწოდება გენდერული ნიშნით ძალადობის მახასიათებლებზე. საუბარი შეეხო ძალადობის პრევენციის მიზნით გასატარებელ ღონისძიებებს და პოლიციის როლს“, ნათქვამია ომბუდსმენის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს გიორგი ხასაიას და ვაკო ნაცვლიშვილის პუბლიკაციას პროექტის „სოციალური სამართლიანობა კრიზისის დროს“ ფარგლებში.  „სექტემბრის ხელფასების არჩარიცხვის შემდეგ ვალით წელნატკენი და შიმშილის პირას მდგარი, მაგრამ მამაცი ტყიბულელი ხალხი გარეთ გამოვიდა. ბავშვებს კარგად ესმით, რატომ არ აცვიათ ახალი ფეხსაცმელი ახალ სასწავლო წელს; მასწავლებლებმა იციან, რა აწუხებთ მოსწავლეებს და მათ მშობლებს – ამავე მასწავლებლების ყოფილ მოსწავლეებს; მაღაზიის გამყიდველმა იცის, რატომ არ ეყიდება პური და ძეხვი. და ისიც იციან, რომ არსებობს ერთად ყოფნისა და ერთად ბრძოლის სიხარული, რომელსაც ტყიბულში სულ უფრო ატანენ გემოს და სულ უფრო რწმუნდებიან მის ძალაში“, ნათქვამია ბლოგპოსტში.  სრულად... წყარო: emc.org.ge

თბილისი. „ქალები საქართველოდან“ აქვეყნებს მკითხველის წერილს, რომელიც მწვანე აქტივისტის გრეტა თუნბერგის გაეროს სამიტზე გამოსვლას და ამ გამოვლის გამოხმაურებებს ეხება. „მე არ მიკვირს გრეტას განწყობა, რადგან მახსოვს მომენტი, როდესაც ჩემი გოგო გაიტაცა პლანეტებმა და ასტრონომიამ. ტელესკოპიც ვიყიდეთ და სხვადასხვა წიგნები ასტრონომიის შესახებ. მახსოვს ვნახეთ ვიდეო, სადაც ნაჩვენები იყო, რომ მზე X წლის შემდეგ ჩაქრება და მოკვდება. ეს ამბავი ძალიან განიცადა, შეეცოდა მზე, შეეცოდა პლანეტა, მცენარეები, ცხოველები და ადამიანები. მთელი კვირა მის დამშვიდებას მოვუნდი. როდესაც გრეტას ვუყურებ, ჩემს წინ ტიპური მაღალფუნქციური აუტიზმის მქონე გოგონა დგას - ძალიან ნიჭიერი, ჭკვიანი და მამაცი. მიხარია და იმედი მაქვს, რომ ჩემი შვილისთვის იგი მისაბაძი მაგალითი გახდება და არამხოლოდ, კლიმატის ცვლილების და გლობალური დათბობის შესახებ გაზრდის საზოგადოების ცნობიერებას, არამედ ქალებში და გოგონებში აუტისტური სპექტრის შესახებაც დაანგრევს სტერეოტიპებს“, ნათქვამია წერილში.  პროექტი „ქალები საქართველოდან“ ხორციელდება ქალთა საინიციატივო ჯგუფის მიერ (ავტორები: მაიკო ჩიტაია, იდა ბახტურიძე, ნინო გამისონია, ფოტოგრაფები: ნინო ბაიდაური, სალომე ცოფურაშვილი). პლატფორმა შეიქმნა ეროვნულ-დემოკრატიული ინსტიტუტის (NDI) მხარდაჭერით და შვედეთის განვითარების სააგენტოს (SIDA) დაფინანსებით. ამჟამად, ახალი ინტერვიუების ჩაწერა და სტატიების ნაწილის მომზადება ხდება აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.  სრულად...  წყარო: „ქალები საქართველოდან“ გვერდი სოციალურ ქსელში ადამიანის უფლებები ეკოლოგია ჯანდაცვა

თბილისი. „საერთაშორისო - გამჭვირვალობა საქართველო“ ჟურნალისტების ნანუკა ჟორჟოლიანისა და ნოდარ მელაძის უფლებებს სასამართლოში დაიცავს. „გასაჩივრებულია ტელეკომპანია „რუსთავი 2“-ის გენერალური დირექტორის პაატა სალიას გადაწყვეტილება, რომლითაც ნანუკა ჟორჟოლიანი და ნოდარ მელაძე სამსახურებრივი მოვალეობის უხეში დარღვევის მოტივით უკანონოდ გაანთავისუფლეს ტელეკომპანიიდან. ჩვენი ორგანიზაციისათვის მნიშვნელოვანია ჟურნალისტები არ იდევნებოდნენ მათი პროფესიული საქმიანობის განხორციელებისას, მათ მიერ გამოთქმული მოსაზრებებისა თუ შეხედულებებისათვის. ასევე, შრომის კოდექსის დარღვევით არ ხდებოდეს მათი სამსახურიდან განთავისუფლება და საქართველოს კონსტიტუციით გარანტირებული უფლებების დარღვევა“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინფორმაციას ბათუმის მეჩეთის საქმის გადაწყვეტილებაზე. „კერძოდ, სასამართლომ დაადგინა, რომ ბათუმის მერიის მიერ გამოცემული სამართლებრივი აქტი, რომლითაც მუსლიმ თემს ბათუმში ახალი მეჩეთის მშენებლობაზე უარი ეთქვა, უკანონო და დისკრიმინაციულია. სამწუხაროდ, სასამართლომ არ დააკმაყოფილა მოსარჩელის ის მოთხოვნა, რაც მერიისთვის მშენებლობის ნებართვის გაცემის დავალდებულებას გულისხმობდა და მიღებული გადაწყვეტილების უფრო ეფექტიანი და დროული აღსრულების საფუძველი გახდებოდა“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. საქართველოს ახლაგაზრდა იურისტთა ასოციაციის ინფორმაციით, „რუსეთს დეპორტირებული მოქალაქეებისთვის კომპენსაცია დღემდე არ გადაუხდია“.  „2019 წლის 31 იანვარს ევროპული სასამართლოს დიდმა პალატამ სახელმწიფოთაშორის საქმეზე „საქართველო რუსეთის წინააღმდეგ“ (I) რუსეთიდან დეპორტირებულებისთვის კომპენსაციის მინიჭების თაობაზე იმსჯელა და რუსეთის ფედერაციას საქართველოს მოქალაქეების სასარგებლოდ 10 მილიონი ევროს გადახდა დააკისრა. იქიდან გამომდინარე, რომ წინამდებარე გადაწყვეტილება ევროპული სასამართლოს დიდმა პალატამ მიიღო, იგი გამოქვეყნებისთანავე საბოლოო გახდა. რუსეთის ფედერაციას განესაზღვრა სამ-თვიანი ვადა სასამართლოს მიერ დაკისრებული თანხის გადასახდელად. აღნიშნული ვადა 2019 წლის 30 აპრილს ამოიწურა ისე, რომ რუსეთმა კომპენსაცია არ გადაიხადა“, ნათქვამია ორგანიზაციის ვებგვერდზე.  სრულად...  წყარო: gyla.ge