თბილისი. პარტნიორობა ადამიანის უფლებებისთვის აქვეყნებს ქეთი კოპალიანის დისტოპიურ ჩანახატებს „ბავშვის კოდექსის" კანონპროექტის შესახებ. „ბავშვთა უფლებების დაცვის შესახებ ევროპული კონვენციის სტანდარტის გამოყენების ნაცვლად, საბჭოთა კავშირთან სწორების ტენდენცია ბადებს საშიშროებას, რომ ყველაზე მნიშვნელოვანი და აქტუალური პრობლემები, დაწყებული ბავშვთა მიმართ ძალადობით, დასრულებული მართლმსაჯულებაზე ხელმისაწვდომის უფლების შეზღუდვით, ყურადღების მიღმა დარჩეს; „ბრძოლის ველმა" კი, რეალურად არსებული პრობლემებიდან ქაღალდის წისქვილებთან, –  ყალბი მორალიზმისა და უსარგებლო პათეტიკის შემცველ საკანონმდებლო ნორმებთან გადაინაცვლოს", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინფოგრაფიკას: ბავშვების მიერ ინტერნეტის უსაფრთხოდ მოხმარება: რჩევები მშობლებს. „გამოიყენეთ გუგლის უსაფრთხო საძიებო სისტემა. მისი ჩართვა გუგლის პარამეტრებიდან შეგიძლიათ. ის ყველა ბრაუზერსა და მოწყობილობაზე ცალ-ცალკე უნდა ჩართოთ". სრულად... წყარო: idfi.ge

თბილისი. დღეს, "ადამიანის უფლებათა სახლში", არასამთავრობო ორგანიზაცია „ადამიანის უფლებათა ცენტრმა" საქართველოში ქალი და არასრულწლოვანი პატიმრების მდგომარეობის შესახებ სპეციალური ანგარიში წარმოადგინა. ანგარიში მომზადდა ბულგარეთის განვითარების ფონდის ფინანსური მხარდაჭერით, „ადამიანის უფლებათა ცენტრის" პროექტის - „ქალი და არასრულწლოვანი პატიმრების მდგომარეობის მონიტორინგი" ფარგლებში. სრულად  წყარო: სახალხო დამცველის ვებგვერდი

სამეგრელო. 26 ივნისს, ასოციაცია „ათინათის" ახალგაზრდული ცენტრის წევრებმა, ანა ცირდავამ და ალექსანდრე გაბესკირიამ მოპოვებული მცირე საგრანტო პროექტის ფარგლებში ჩაატარეს ვორქშოფი თემაზე „რესურსების რაციონალური გამოყენება". „ახალგაზრდებმა წარმოადგინეს საკუთარი თვალით დანახული იდეალური ქალაქის სახე და ძველი, გამოუსადეგარი ნივთებისგან შექმნეს ეკოლოგიურად სუფთა, გამწვანებული ქალაქების მაკეტები. ვორქშოფი მიზნად ისახავდა ახალგაზრდების ცნობიერების ამაღლებას, ისეთ საკითხებზე როგორიცაა მდგრადი განვითარება, რესურსების რაციიონალური მართვა, ნარჩენების გადამუშავება, გლობალური დათბობა", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 23 ივნისს ზუგდიდის ახალგაზრდული ცენტრის წევრებმა, ანა ცირდავამ და ალექსანდრე გაბესკირიამ, მოპოვებული მცირე გრანტის პროექტის ფარგლებში ჩაატარეს თანატოლთა განათლების ტრენინგი თემაზე „რესურსების რაციონალური მართვა". „ახალგაზრდებმა ისაუბრეს ბუნებრივი რესურსების მხრივ არსებულ მდგომარეობაზე მსოფლიოში, რაციონალურად მართვის დადებით მხარეებსა და შედეგებზე, ასევე ადამიანის როლზე და პრობლემის გადაჭრის ალტერნატიულ გზებზე", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. მუჟალისა და ბეჩოს საჯარო სკოლებში წყლის მისაწვდომობისა და სანიტარიულ–ინფრასტრუქტურული გარემოს მოწყობის თაობაზე, საქართველოს სახალხო დამცველმა მესტიის მუნიციპალიტეტს მიმართა. სახალხო დამცველის რეკომენდაციით, აუცილებელია გატარდეს გადაუდებელი ღონისძიებები წყლის, სანიტარიისა და ჰიგიენური პირობების კეთილმოწყობისათვის, საპირფარეშოების რეაბილიტაციასა და სანიტარული კვანძების გაუმჯობესებისთვის. გონივრულ ვადებში უნდა მოხდეს სოფელ ბეჩოს საჯარო სკოლის რეაბილიტაციისთვის საჭირო ღონისძიებების განხორციელება, ხოლო სოფელ მუჟალის საჯარო სკოლაში წყლის ხელმისაწვდომობის უზრუნველყოფად. სრულად  წყარო: სახალხო დამცველის ვებგვერდი

ოზურგეთი. 22 ივნისს, ბავშვის უფლებათა დღისადმი მიძღვნილი კვირეულის ფარგლებში კიდევ ერთი საჯარო ლექცია ჩატარდა. ბავშვის ძალადობასთან დაკავშირებული ნაწარმოებების „პერსეპოლისი" და „ურჩხული გიხმობს" განხილვა ლიტერატორმა, აღნიშნული წიგნების მთარგმნელმა მიხეილ ციხელაშვილმა ჩაატარა. „ყურადღება გამახვილდა ძალადობისა და ჩაგვრის ფორმებზე, ასევე იმ საკითხზე თუ რა როლი აქვს ბავშვის განვითარებაში კულტურას, რელიგიას და იმ ღირებულებებს, რომელშიც ბავშვს უწევს ჩამოყალიბება. მნიშვნელოვანია მოზარდებს მიეცეთ აზრის გამოხატვის შესაძლებლობა, თუნდაც ეს აზრი არასწორი იყოს, რადგან დისკუსიაში, მსჯელობაში უნდა დაიბადოს ჭეშმარიტება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისში მასშტაბური მოხალისეობრივი ფორუმი გაიმართა. აღნიშნული ფორუმი ერთმანეთთან აკავშირებს მოხალისეების მაძიებელ ორგანიზაციებსა და მოხალისეობის მსურველ პირებს. მოხალისეობრივ ფორუმს 22 ივნისს აკაკი წერეთლის სახელმწიფო უნივერსიტეტმა უმასპინძლა. ფორუმში მონაწილეობა 40 ორგანიზაციამ მიიღო, მათ შორის ადგილობრივი არასამთავრობო ორგანიზაციების, თვითმართველობის, ბიზნესისა და მედია საშუალებების წარმომადგენლებმა. მოხალისეობის ფორუმი ორგანიზება "ადგილობრივი დემოკრატიის სააგენტო საქართველომ" , "განათლების, განვითარების და დასაქმების ცენტრი"-ს მხარდაჭერითა და ,,სამოქალაქო საზოგადოების განვითარების ინიციატივის’’(2017-2020) ფარგლებში უზრუნველყო. აღნიშნული ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მოქალაქეების მიმართ მათი ანგარიშვალდებულების გაზრდას და სხვა აქტორებთან კავშირების განმტკიცებას. 45 თვის განმავლობაში “სამოქალაქო საზოგადოების განვითარების ინციატივა” ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. ინიციატივის ღონისძიებებში, მთელი საქართველოს მასშტაბით, სამოქალაქო საზოგადოების სულ მცირე 2500 წარმომადგენელი ჩაერთვება. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ

თბილისი. 21 ივნისს, 18:00 საათზე, „ღია გალერეა" უმასპინძლებს ქართველი მხატვრის, თამარ შიუკაშვილის ნახატების გამოფენას, რომელიც ბავშვთა ჰოსპისს „ციცინათელების ქვეყანას" ეძღვნება. ნახატების გაყიდვით შეგროვილი თანხა ბავშვთა ჰოსპისს „ციცინათელების ქვეყანას" გადაერიცხება. „თამარის ნახატები დადებით ემოციას იწვევს და კარგ განწყობას ქმნის. პერსონაჟების და თემების მრავალფეროვნების წყალობით, თამარის ნამუშევრების ადგილი ყველგან მოიძებნება", - ნათქვამია გამოფენასტან დაკავშირებით გავრცელებულ ინფორმაციაში. სრულად  წყარო: http://www.osgf.ge

სამცხე–ჯავახეთი. 145 დარეგისტრირებული ახალგაზრდა და 15 მონაწილე ორგანიზაცია, ახალციხეში, სამცხე-ჯავახეთის სახელმწიფო უნივერსიტეტში, პირველი მოხალისეობის ფორუმი გაიმართა. მოხალისეობის ფორუმის ორგანიზება, ევროკავშირის ხელშეწყობით, პროექტ სამოქალაქო საზოგადოების განვითარების ინიციატივას ფარგლებში გახდა შესაძლებელი და მასში მონაწილეობდნენ, სამცხე-ჯავახეთში მოქმედი ორგანიზაციები: ახალციხის ზრდასრულთა განათლების ცენტრი, ახალქალაქის ზრდასრულთა განათლების ცენტრი, ახალციხის ახალგაზრდული ცენტრი, სამხრეთის კარიბჭე, სამცხე-ჯავახეთის სახელმწიფო უნივერსიტეტი, მეცხრე არხი, ტოლერანტი,  დემოკრტ ქალთა საზოგადოება, თანადგომა შვილებს, საქართველოს გარემოს დაცვისა და სოფლის მეურნეობის სამინისტროს სამცხე-ჯავახეთის რეგიონული სამმართველო, საინფორმაციო სააგენტო Jnews , ასოციაცია ახალქალაქის კარტოფილი, დემოკრატ მესხთა კავშირი, ტალიტა კუმი, მწვანე სახლი იღებდნენ მონაწილეობას. ფორუმის მიმდინარეობისას, ახალგაზრდებს შესაძლებლობა ჰქონდათ გაცნობოდნენ, თითოეულ ორგანიზაციას, მიეღოთ ამომწურავი ინფორმაცია, მათი საქმიანობების (მიზნების) შესახებ და ინტერესთა თანხვედრის შემთხვევაში შეევსოთ კითხვარი, რომლითაც მომდევნო ეტაპზე საზოგადოებრივი ორგანიზაციების წარმომადგენლები შეძლებენ დაუკავშირდნენ მათ.  მოხალისეობის ფორუმი ორგანიზებული იყო სამცხე-ჯავახეთის რეგიონული ჰაბის მიერ, განათლების განვითარების და დასაქმების ცენტრისა და სამცხე-ჯავახეთის სახელმწიფო უნივერსიტეტის მხარდაჭერით, პროექტ ,,სამოქალაქო საზოგადოების განვითარების ინიციატივის’’ (2017-2020) ფარგლებში.  პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ

თბილისი. საქართველოს სახალხო დამცველი მწუხარებას გამოთქვამს ბათუმში, 4 წლის ბავშვის სავარაუდო ცემისა და მკვლელობის თაობაზე და სპეციალურ განცხადებას ავრცელებს და სახელმწიფო უწყებებს ფაქტის დროული გამოკვლევისკენ მოუწოდებს. „საქართველოში, არა ერთი წელია, მწვავე პრობლემად რჩება ბავშვის მიმართ ძალადობის შემთხვევათა დროული გამოვლენა, ბავშვის დაცვა ძალადობისა და არასათანადო მოპყრობისგან და დახმარების ღონისძიებების ეფექტიანი განხორციელება. სამწუხაროდ, ბავშვის მიმართ ძალადობრივ დამოკიდებულებას ადგილი აქვს საზოგადოებაში, ოჯახში, საგანმანათლებლო და სააღმზრდელო დაწესებულებებში. თუმცა, საზოგადოებაში დამკვიდრებულ სტერეოტიპებთან ერთად, ბავშვის ძალადობის ნებისმიერი ფორმისგან დაცვის მაჩვენებელზე საგანგაშოდ აისახება სახელმწიფოს მხრიდან რეაგირების სისტემური ხარვეზები", - აღნიშნულია განცხადებაში. სრულად  წყარო: სახალხო დამცველის ვებგვერდი

თბილისი. გაეროს ბავშვთა ფონდი (UNICEF) აქვეყნებს მოსახლეობის კეთილდღეობის კვლევას რომლის თანახმადაც, სოციალური დაცვის პროგრამები უკეთ ხედავს ბავშვიან ღარიბ ოჯახებს, თუმცა სიღარიბე კვლავ რჩება გამოწვევად. „ბავშვთა სიღარიბის შესამცირებლად აუცილებელია ყოვლისმომცველი სოციალური დაცვის სისტემა, ასევე უნდა გაიზარდოს ბავშვთა დახმარება როგორც მოცულობის, ასევე დაფარვის თვალსაზრისით. ამავდროულად უნდა გაუმჯობესდეს ოჯახის მხარდაჭერის მომსახურებები და ბავშვზე ზრუნვის სისტემა, რათა ბავშვიან ოჯახებს საქართველოში მეტი მხარდაჭერა ჰქონდეთ". სრულად... წყარო: unicef.ge

თბილისი. 1 ივნისს, საქართველოში დაიწყო საკომუნიკაციო კამპანია, რომელიც მიზნად ისახავს ბავშვთა მიმართ ძალადობის საკითხებთან დაკავშირებული სოციალური ნორმების ცვლილებას.  „ინიციატივა, რომელსაც გაეროს ბავშვთა ფონდი ევროკავშირის მხარდაჭერით ახორციელებს წლის ბოლომდე გაგრძელდება და ხელს შეუწყობს საზოგადოებაში ერთიანი ხედვის ჩამოყალიბებას, თუ რა არის ბავშვთა მიმართ ძალადობა და შეთანხმებას, რომ ძალადობა მიუღებელია. კამპანია ეფუძნება კვლევას, რომლის ფარგლებშიც  შესწავლილ იქნა  ძალადობის განმსაზღვრელი სოციალური ნორმები და რომელმაც დაადასტურა, რომ ბავშვის აღზრდისას ძალადობრივი მეთოდების გამოყენება სოციალური ნორმაა.  ოჯახებში/სკოლაში ჯერ კიდევ ხშირია ბავშვის დასჯა”, ნათქვამია ორგანიზაციის ვებგვერდზე. სრულად... წყარო: unicef.ge

აჭარა. 6 ივნისს, აჭარის რეგიონული ჰაბის (ახალგაზრდა მეცნიერთა კავშირი „ინტელექტი“) მიერ, განათლების განვითარების და დასაქმების ცენტრის მხარდაჭერით, სასტუმრო „შერატონში“, მოხალისეობის ფორუმი გაიმართა. ფორუმი მიზნად ისახავდა მოხალისეობრივი საქმიანობის ხელშეწყობასა და საზოგადოებაში მის პოპულარიზაციას; მოხალისეობის მსურველებისა და მოხალისეთა მაძიებელი ორგანიზაციების ერთმანეთთან დაკავშირებას; ფორუმის მონაწელეთათვის ადგილობრივი, საერთაშირისო და სამოქალაქო საზოგადოების ორგანიზაციათა გამოცდილების გაზიარებასა და ამ კუთხით არსებულ გამოწვევებსა და მისი გადაჭრის ეფექტურ გზებზე მსჯელობას. ფორუმში მონაწილეობას იღებდა 20-მდე ორგანიზაცია (100-ზე მეტი სტუმარი), მათ შორის ადგილობრივი არასამთავრობო ორგანიზაციების, თვითმართველობის, ბიზნესისა და მედიასაშუალებების წარმომადგენლები. მოხალისეობის ფორუმი გაიმართა პროექტის - „სამოქალაქო საზოგადოების განვითარების ინიციატივა“ #CSSIGE (2017-2020) ფარგლებში. ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ და კავშირების განმტკიცებას სხვა აქტორებთან. 45 თვის განმავლობაში “სამოქალაქო საზოგადოების განვითარების ინციატივა” ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. ინიციატივის ღონისძიებებში სამოქალაქო საზოგადოების სულ მცირე 2500 წარმომადგენელი ჩაერთვება მთელი საქართველოს მასშტაბით. პროექტი დაფინანსებულია ევროკავშირისა #EU და გერმანიის ეკონომიკური თანამშრომლობისა და განვითარების ფედერალური სამინისტროს #BMZ მიერ. პროექტს ახორციელებს ოთხი ქართული ორგანიზაციისგან შემდგარი კონსორციუმი - სამოქალაქო საზოგადოების ინსტიტუტი #CSI, საქართველოს სტრატეგიული კვლევებისა და განვითარების ცენტრი #CSRDG, კონსულტაციისა და ტრენინგის ცენტრი #CTC, განათლების განვითარების და დასაქმების ცენტრი #EDEC - კონრად ადენაუერის ფონდის #KAS ხელმძღვანელობით, მთელი საქართველოს მასშტაბით, ათი რეგიონული ჰაბის მეშვეობით. ახალგაზრდა მეცნიერთა კავშირი „ინტელექტი“ პროექტში მონაწილოებს, როგორც სამოქალაქო საზოგადოების ორგანიზაციათა აჭარის რეგიონული ჰაბი და პროექტით გათვალისწინებულ საქმიანობებს ახორციელებს აჭარის ავტონომიურ რესპუბლიკაში.

სამეგრელო–ზემო სვანეთი. 7 ივნისს, ზუგდიდში, ტექნოპარკის საკონფერენციო დარბაზში გაიმართა მოხალისეობის ფორუმი, რომელიც მიზნად ისახავდა სამეგრელო-ზემო სვანეთის რეგიონში მოხალისეობის პოპულარიზაციისა და ხელშეწყობას. ფორუმმა ერთმანეთთან დააკავშირა სხვადასხვა სექტორის წარმომადგენელი ორგანიზაციები/დაწესებულებები ვინც ეძებდა მოხალისეებს და მათ, ვისაც მოხალისეობა სურდა. ფორუმის პირველი ნაწილი დაეთმო პრეზენტაციებს, რომლების საქართველოში და კერძოდ რეგიონში მოხალისეობის ისტორიას შეეხო: „მოხალისეობა კოლხურ ტრადიციებში“; „პროგრამა - საქართველოს მოხალისე - წარ-წარმატებული პრაქტიკა, მაგალითები“; „დროის ბანკის“ კომპონენტის მიმოხილვა - შედეგები/წარმატებული გარიგებები“. ასევე რეგიონში მოქმედმა ორგანიზაციებმა გაუზიარეს დამსწრეებს მოხალისეობასთან დაკავშირებული გამოცდილება. ფორუმის მეორე ნაწილში გაიმართა მოხალისეების მაძიებელ ორგანიზაციებსა და მოხალისეებს შორის მოლაპარაკებები/გარიგებები. ფორუმში მონაწილეობა მიიღო 30-მა მოხალისეების მაძიებელმა რეგიონში მოქმედმა არასამთავრობო და ბიზნეს ორგანიზაციამ, 100-მა მოხალისემ, დაიდო 100-ზე მეტი გარიგება. მოხალისეობის ფორუმს რეგიონის მუნიციპალიტეტების თვითმმართველობების წარმომადგენლებიც დაესწრო. ფორუმის მონაწილეებმა ხაზი გაუსვეს მოხალისეობის პოპულარიზებისა და განვითარების მნიშვნელობას ქვეყანაში სამოქალაქო საზოგადოების განვითარებისთვის. მოხალისეობის ფორუმი ორგანიზებული იყო სამეგრელო-ზემო სვანეთის რეგიონული ჰაბის მიერ, განათლების განვითარების და დასაქმების ცენტრის მხარდაჭერით და ,,სამოქალაქო საზოგადოების განვითარების ინიციატივის’’ (2017-2020) ფარგლებში. ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ და კავშირების განმტკიცებას სხვა აქტორებთან. პროექტს, რომელიც დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ, ახორციელებს ორგანიზაციათა კონსორციუმი კონრად ადენაუერის ფონდის თაოსნობით. კონსორციუმში აგრეთვე შედიან ორგანიზაციები: სამოქალაქო საზოგადოების ინსტიტუტი, საქართველოს სტრატეგიული კვლევებისა და განვითარების ცენტრი, კონსულტაციისა და ტრენინგების ცენტრი, განათლების განვითარებისა და დასაქმების ცენტრი.

იმერეთი. ქუთაისის ახალგაზრდული ცენტრის წევრებისთვის მოეწყო სადისკუსიო კლუბის მორიგი შეხვედრა თემაზე: „აგრესია და ძალადობა, აგრესიის ფორმები და მისი გამომწვევი მიზეზები". მისი მიზანი იყო მონაწილეთა ცნობიერების ამაღლება აგრესიის, ძალადობის ფორმების, მისი გამომწვევი მიზეზების და პრევენციის შესახებ. სრულად... წყარო: ორგანიზაციის ვებგვერდი სოციალურ ქსელში

გურია. მოხალისეობის პოპულარიზაციისა და ხელშეწყობისათვის, 5 ივნისს, სოფელ ლიხაურში, ექვთიმე თაყაიშვილის მუზეუმში, გაიმართა მოხალისეობის ფორუმი. ფორუმზე შესაძლებელი გახდა ერთმანეთს დაკავშირებოდნენ ისინი, ვინც ეძებდა მოხალისეებს და ისინი, ვისაც მოხალისეობა სურს. ფორუმში მონაწილეობა მიიღო 11 ორგანიზაციამ, მათ შორის ადგილობრივმა არასამთავრობო ორგანიზაციამ, სურსათის უვნებლობის სააგენტომ, საინიციატივო ჯგუფებმა, ბიზნესისა და მედია საშუალებების წარმომადგენლებმა. მოხალისეობის ფორუმი ორგანიზებული იყო გურიის რეგიონული ჰაბის (ინოვაციებისა და სამოქალაქო განვითარების ცენტრი - „პროგრესის სახლი“ ყოფილი ახალგაზრდა მეცნიერთა კლუბი) მიერ, განათლების განვითარების და დასაქმების ცენტრის მხარდაჭერით პროექტის ,,სამოქალაქო საზოგადოების განვითარების ინიციატივის’’ (2017 -2020) ფარგლებში. პროექტი მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ და კავშირების განმტკიცებას სხვა აქტორებთან. 45 თვის განმავლობაში „სამოქალაქო საზოგადოების განვითარების ინციატივა” ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. ინიციატივის ღონისძიებებში სამოქალაქო საზოგადოების სულ მცირე 2500 წარმომადგენელი ჩაერთვება მთელი საქართველოს მასშტაბით. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

შიდა ქართლი. 5 ივნისს, გორში, კინოთეატრ გამარჯვების შენობაში, მოხალისეობის პოპულარიზაციისა და ხელშეწყობის მიზნით, გაიმართა მოხალისეობის ფორუმი. ფორუმს მასპინძლობდა გორის საინფორმაციო ცენტრი, განათლების, განვითარებისა და დასაქმების ცენტრის (EDEC) მხარდაჭერით. ფორუმი ჩატარდა პროექტის ,,სამოქალაქო საზოგადოების განვითარების ინიციატივა“ ფარგლებში. ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ და კავშირების განმტკიცებას სხვა აქტორებთან. პროექტი “სამოქალაქო საზოგადოების განვითარების ინციატივა” ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. პროექტში სამოქალაქო საზოგადოების სულ მცირე 2500 წარმომადგენელი ჩაერთვება მთელი საქართველოს მასშტაბით. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. ფორუმის მიზანი იყო მოხალისეობის საქმიანობის პოპულარიზაცია და ხელშეწყობა. ფორუმის პირველ ნაწილში მოხდა მონაწილეების რეგისტრაცია, რომელთაც გადაეცათ ბრენდირებული საჩუქრები. ასევ მოეწყო სხვადასხვა არასამთავრობო ორგნაიზაცეიბისთვის კუთხე, სადაც ორგანიზაციებმა გამოფინეს მათი საქმიანობის ამსახველი ფოტომასალა და სხვადასხვა სახის საინფორმაციო ბუკლეტები. ფორუმის მეორე ნაწილი გახსნა გორის საინფორმაციო ცენტრის წარმომადგენელმა ბატონმა მიხეილ ჩიტაძემ, რომელმაც ისაუბრა პროექტის შესახებ და მოუწოდა ახალგაზრდებს მოხალისეობრივი საქმიანობისკენ. განათლების განვითარებისა და დასაქმების ცენტრის (EDEC) წარმომადგენელმა, ქალბატონმა ნათია ნამიჭეიშვილმა სიტყვით გამოსვლისას დამსწრე საზოგადოებას გააცნო პროგრამის არსი და რეგიონალური ჰაბების მნიშვნელობა, ასევე ხაზი გაუსვა მოხალისეობის კომპონენეტს და მოუწოდა იქ მყოფ საზოგადოებას მიიღონ მონაწილეობა და გახდნენ მოხალისეები სხვადასხვა ორგანიზაციებში. განათლების განვითარებისა და დასაქმების ცენტრის (EDEC) კიდევ ერთმა წარმომადგენელმა ბატონმა ავთო მაჩიტაძემ, პროექტის ერთ-ერთი კომპონენტის „დროის ბანკის“ პრეზენტაცია წარუდგინა მონაწილებს, და მოუწოდა დარეგისტრირებულიყვნენ დროის ბანკში. დასკვნითი ნაწილში კი არასამთავრობო ორგანიზაციების წარმომადგენლებმა ისაუბრეს საკუთარი ორგანიზაციის შესახებ და შესთავაზეს ახალგაზრდებს თანამშრომლობა და მათ ორგანიზაციაში გაწევირანება მოხალისეობრივ საწყისებზე. ფორუმში მონაწილეობა მიიღო 80 - მდე მონაწილემ, ახალგაზრდებმა, ადგილობრივი არასამთავრობო ორგანიზაციების, თვითმართველობის და მედიასაშუალებების წარმომადგენლებმა.

თბილისი. საქართველოს სახალხო დამცველმა, სპეციალური პრევენციული ჯგუფის წევრებთან ერთად, თბილისის N202 საჯარო სკოლის (უსინათლო ბავშვთა სკოლა-პანსიონი) მონიტორინგი განახორციელა. სახალხო დამცველი შეხვდა და გაესაუბრა სკოლის მოსწავლეებს, მასწავლებლებსა და სხვა პერსონალს, დაათვალიერა სკოლის ფიზიკური გარემო. როგორც სახალხო დამცველის აპარატის მიერ გავრცელებულ ინფორმაციაში ვკითხულობთ, ვიზიტის შედეგად, გამოიკვეთა მრავალი დარღვევა, რომელიც აბრკოლებს შეზღუდული შესაძლებლობის მქონე მოსწავლეთა განათლების უფლების ეფექტიანად რეალიზებას. სრულად  წყარო: სახალხო დამცველის ვებგვერდი

თბილისი. ასოციაცია ჰერა XXI-მ შექმნა ინოვაციური მობილური აპლიკაცია მშობლებისთვის, რომელიც მიზნად ისახავს მათ ინფორმირებასა და ცნობიერების ამაღლებას რეპროდუქციული ჯანმრთელობის საკითხებზე, რათა მიაწოდონ შვილებს სწორი და ასაკზე მორგებული ინფორმაცია. მობილური აპლიკაციის გადმოწერა შესაძლებელია Android-ის და iOS-ის მომხმარებლისთვის. Android-ის აპლიკაცია... iSO-ის აპლიკაცია…  წყარო: ორგანიზაციის ვებგვერდი სოციალურ ქსელში

სამეგრელო. 1 ივნისს ზუგდიდის ახალგაზრდული ცენტრის "PITA" ინიციატივითა და ორგანიზებით გაიმართა ვორქშოპი თემაზე ბავშვთა უფლებები და გენდერული თანასწორობა. „აქტივობის ფარგლებში, მონაწილე ახალგაზდები დაიყვნენ ორ თემატურ ჯგუფად: ბავშვთა უფლებადამცველისა და გენდერული თანასწორობის მხარდამჭერთა გუნდებად. თითოეულმა გუნდმა შეადგინა დავალებების ნუსხა კონკურენტი ჯგუფისთვის, რომელსაც პირობითად ეწოდა „6 შეუსრულებელი მისია”, აღნიშნული დავალებები მოიცავდა ისეთ აქტივოებს როგორციაა, ქუჩის ინტერვიუები და საზოგადოებრივი აზრის კვლევა, მინი ფლეშ-მობების მოწყობა ქალაქის ცენტრში, ვიდეო და ფოტო მესიჯების მომზადება ბავშვთა უფლებებისა და გენდერული თანასწორობის შეახებ. ვორქშოპის მიზანია, ახალგაზრდებში უფლებებისა და თანასწორობის შესახებ ცნობიერების დონის ამაღლება და მათი ჩართულობა აღნიშნულ საკითხებზე საზოგადოების ინფორმირების პროცესში”, ნათქვამია ორგანიზაციის ვებგვერდზე სოციალურ ქსელში. სრულად...  წყარო: ორგანიზაციის ვებგვერდი სოციალურ ქსელში

თბილისი. 31 მაისს, საქართველოს სახალხო დამცველი, ნინო ლომჯარია, ბავშვთა და ახალგაზრდობის ეროვნული ცენტრის მოწვევით სკოლის მოსწავლეებს შეხვდა და ბავშვთა უფლებებზე ესაუბრა. „შეხვედრისას საუბარი შეეხო სახალხო დამცველის უფლებამოსილებას და ბავშვთა უფლებების მიმართულებით მიმდინარე საქმიანობას. ომბუდსმენმა აღნიშნა, რომ აპარატის საქმიანობის ყველაზე საინტერესო და მნიშვნელოვანი ნაწილი ბავშვებთან ურთიერთობაა, რადგან მათ ყველაზე უკეთ იციან რა აწუხებთ, რა შეიძლება გაკეთდეს იმისთვის, რომ კეთილსაიმედო გარემოში იცხოვრონ. ასეთი შეხვედრები კი ყოველთვის იძლევა სივრცეს მოსაზრებების გაზიარების და შემდგომში პრაქტიკაში განხორციელებისთვის", ნათქვამია ომბუდსმენის ვებგვერდზე. სრულად... წყარო: ombudsman.ge