თბილისი. 15 ივნისის ადგილობრივი თვითმმართველობის არჩევნებს, მთელი ქვეყნის მასშტაბით საარჩევნო გარემოს განვითარების ცენტრის 100-ზე მეტი დამკვირვებელი აკვირდებოდა. გრძელვადიანი და მოკლევადიანი დამკვირვებლები განაწილებულები იყვნენ ყველა საარჩევნო ოლქში და შემთხვევით შერჩეულ საარჩევნო უბნებზე დაესწრნენ უბნის გახსნას, კენჭისყრის პროცესს და უბნის დახურვის პროცედურებს. ცენტრის დამკვირვებლების მიერ, როგორც თბილისში ასევე რეგიონებში დაფიქსირდა პროცედურული დარღვევები, მიღებული იქნა შესაბამისი ზომები. საარჩევნო გარემოს განვითარების ცენტრის სადამკვირვებლო მისია აგრძელებს არჩევნების შემდგომი პერიოდის და საუბნო საარჩევნო კომისიის მიერ შედგენილი შემაჯამებელი ოქმების მონიტორინგს.

თბილისი. „სამართლიანი არჩევნებისა და დემოკრატიის საერთაშორისო საზოგადოებამ" არჩევნების დღის საბოლოო შედეგები გამოაქვეყნა. ორგანიზაციამ არჩევნების მონიტორინგი საქართველოს მთელს ტერიტორიაზე ყველა საარჩევნო ოლქში განახორციელა. სრულად... წყარო: isfed.ge

თბილისი. საერთაშორისო გამჭვირვალობა – საქართველო 2914 წლის ადგილობრივი თვითმმართველობის არჩევნების შეფასებას აქვეყნებს. 2014 წლის 15 ივნისის ადგილობრივი თვითმმართველობის არჩევნებს ორგანიზაციის 450 ადგილობრივი დამკვირვებლი აკვირდებოდა. „...კენჭისყრის დღემ, საერთო ჯამში, მშვიდ გარემოში ჩაიარა. საარჩევნო უბნები, ძირითადად, დროულად გაიხსნა და კენჭისყრის დაწყების პროცედურებიც კანონის შესაბამისად წარიმართა. საარჩევნო უბნები უზრუნველყოფილი იყო ყველა საჭირო დოკუმენტაციით. არ დაფიქსირებულა ბიულეტენების გატაცების ან ბეჭდების დაკარგვის ფაქტი. გამონაკლისს წარმოადგენდა მარტვილის საარჩევნო ოლქის #16 უბანი, საიდანაც დილის საათებში მოხდა საარჩევნო დოკუმენტაციის გატაცება. ამ ფაქტზე შინაგან საქმეთა სამინისტრომ აღძრა საქმე. ...ზოგადად, არ ყოფილა ჟურნალისტებისთვის ხელის შეშლის მცდელობა. საარჩევნო უბანზე აგიტაციის ფაქტებიც ნაკლებად ფიქსირდებოდა. კენჭისყრის დასასრულს „საერთაშორისო გამჭვირვალობა – საქართველოს" ქვეყნის მასშტაბით 30-მდე სერიოზული და 15 შედარებით ნაკლებად მნიშვნელოვანი დარღვევა აქვს დაფიქსირებული...", ნათქვამია ორგანიზაციის შეფასებაში. სრულად... წყარო: transparency.ge

თბილისი. სამართლიანმა არჩევნებმა PVT–ის, ანუ ხმების პარალელური დათვლის შედეგები გამოაქვეყნა. ამ დროისთვის გამოქვეყნებული აქვს PVT შედეგები თბილისის მერის არჩევნებისთვის, PVT შედეგები მცხეთის მერის არჩევნებისთვის. ასევე,  PVT შედეგები ქუთაისის მერის არჩევნებისთვის, PVT შედეგები რუსთავის მერის არჩევნებისთვის, PVT შედეგები ამბროლაურის მერის არჩევნებისთვის, PVT შედეგები ბათუმის მერის არჩევნებისთვის, PVT შედეგები ფოთის მერის არჩევნებისთვის, PVT შედეგები თელავის მერის არჩევნებისთვის, PVT შედეგები გორის მერის არჩევნებისთვის, PVT შედეგები ზუგდიდის მერის არჩევნებისთვის, PVT შედეგები ოზურგეთის მერის არჩევნებისთვის. PVT შედეგები... რას წარმოადგენს PVT წყარო: ორგანიზაციის ვებგვერდი

თბილისი. ახალგაზრდა იურისტთა ასოციაციამ 15 ივნისის ადგილობრივი თვითმმართველობის არჩევნების კენჭისყრის დღის შეფასება გამოაქვეყნა. „... 15 ივნისს ადგილობრივი თვითმმართველობის არჩევნების დღეს საია თბილისისა და 10 რეგიონის 40 საარჩევნო ოლქში 500 - მდე დამკვირვებლით აკვირდებოდა. მიუხედავად გარკვეული დარღვევებისა, კენჭისყრის პროცესი ძირითადად მიმდინარეობდა მშვიდ ვითარებაში. ამომრჩეველს ჰქონდა ნების თავისუფალი გამოვლენის შესაძლებლობა. საარჩევნო ადმინისტრაცია უმრავლეს შემთხვევაში ადეკვატურად რეაგირებდა საიას დამკვირვებლების მიერ მიცემულ შენიშვნებზე და ასწორებდა საარჩევნო კანონმდებლობის პროცედურულ დარღვევებს...", ნათქვამია ორგანიზაციის ვებგვერდზე გამოქვეყნებულ შეფასებაში. სრულად... წყარო: gyla.ge

თბილისი. სახალხო დამცველმა ადგილობრივი თვითმმართველობის არჩევნების შესახებ განცხადება გაავრცელა. „სახალხო დამცველი მიიჩნევს, რომ ადგილობრივი თვითმმართველობის არჩევნები მთელი საქართველოს მასშტაბით მშვიდ და დემოკრატიულ გარემოში ჩატარდა, რაც ადამიანის უფლებებისა და კანონის უზენაესობის დაცვის გზაზე კიდევ ერთი წინგადადგმული ნაბიჯია". სრულად... წყარო: www.ombudsman.ge

თბილისი. ადამიანის უფლებათა ცენტრმა ადგილობრივი თვითმმართველობის შემაჯამებელი ინფორმაცია გამოაქვეყნა. ორგანიზაცია 28 დამკვირვებლით დააკვირდა კახეთის რეგიონის ეთნიკური უმცირესობებით დასახლებულ სოფლებში და იმერეთის რეგიონის, კერძოდ - საჩხერის მუნიციპალიტეტის კონფლიქტისპირა სოფლებში. სრულად... წყარო: www.humanrights.ge

თბილისი. „საერთო სამოქალაქო მოძრაობა - მრავალეროვანი საქართველო" ადგილობრივი თვითმართველობის არჩევნების დარღვევებისა და ხარვეზების შესახებ განცხადებას აქვეყნებს. ორგანიზაციის სადამკვირვებლო მისია ეთნიკური უმცირესობებით დასახლებულ საქართველოს 5 რეგიონის 19 მუნიციპალიტეტსა და ცენტრალურ საარჩევნო კომისიაში გავრცელდა. სრულად... წყარო: ორგანიზაციის გვერდი სოციალურ ქსელში

თბილისი. სამართლიანმა არჩევნებმა გამოაქვეყნა თვითმმართველობის არჩევნებზე ხმების პარალელური დათვლის შედეგები (PVT). ამ დროისთვის გამოქვეყნებულია შედეგები თბილისის მერის არჩევნებისთვის. სამართლიანი არჩევნები სხვა თვითმმართველი ქალაქების მერების და პროპორციული საარჩევნო სისტემით ჩატარებული PVT–ის შედეგებს დღეს გამოაცხადებს. PVT–ის შედეგები თბილისის მერის არჩევნებისთვის წყარო: ორგანიზაციის ვებგვერდი სოციალურ ქსელში

თბილისი. სამართლიანმა არჩევნებმა გამოაქვეყნა ინფოგრაფიკები თვითმმართველობის არჩევნებზე ხმის მიცემისა და უბნების დახურვის შესახებ ინფოგრაფიკები გამოაქვეყნა. ინფოგრაფიკები წყარო: isfed.ge

თბილისი. 15 ივნისს, საერთაშორისო გამჭვირვალობა - საქართველო მიმდინარე საარჩევნო პროცესების შესახებ განცხადებებს მთელი დღის განმავლობაში აქვეყნებდა. „კენჭისყრის დასასრულს „საერთაშორისო გამჭვირვალობა – საქართველოს" ქვეყნის მასშტაბით 25-მდე სერიოზული და 15 შედარებით ნაკლებად მნიშვნელოვანი დარღვევა აქვს დაფიქსირებული. ჩვენს დამკვირვებლებს 20:00 საათისთვის 15 საჩივარი აქვთ დაწერილი. მთლიანობაში, საარჩევნო პროცესი მშვიდ გარემოში მიმდინარეობდა, თუმცა ზოგიერთი ოლქი – მაგალითად, მარტვილი და ზუგდიდი – დარღვევების რაოდენობითა და დაძაბულობით გამოირჩეოდა", ნათვამია ორგანიზაციის გვერდზე. კენჭისყრის დღის მოვლენების საბოლოო შეფასებებს „საერთაშორისო გამჭვირვალობა – საქართველო" ორშაბათს, 16 ივნისს, 13 საათზე წარმოადგენს არასამთავრობო ორგანიზაციების მედიაცენტრში. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციამ განცხადება გაავრცელა. „საიას დამკვირვებელთა ინფორმაციით, ხონის საარჩევნო ოლქში იქმნება რეალური საშიშროება, რომ მოხდეს ცალკეულ უბნებზე გარკვეული პირების შეჭრა და ხმის დათვლის და შედეგების შეჯამების პროცედურის ჩაშლა. როგორც ცნობილია, ხონის 22-ე უბანზე მოხდა უცხო პირების შეჭრა და საარჩევნო ყუთის დამტვრევა. ამ წუთებში ადგილი აქვს ხონის მე-19 უბანზე შეჭრის მცდელობას. არის სხვა უბნებში შეჭრის საშიშროება. ... მოვუწოდებთ სამართალდამცავ ორგანოებს დაუყოვნებლივ მიიღონ სათანადო ზომები, რათა არ მოხდეს ხმის დათვლის პროცესის ჩაშლა", ნათვამია განცხადებაში. სრულად... მთელი 15 ივნისს მთელი დღის განმავლობაში საია აქვეყნებდა კენჭისყრის დღის დაკვირვების შედეგებს. სრულად... წყარო: gyla.ge

თბილისი. სამართლიანმა არჩევნებმა, საერთაშორის გამჭვირვალობამ და საიამ, 14 ივნისს, ერთობლივად შეაფასეს წინასაარჩევნო გარემო. „სამი არასამთავრობო ორგანიზაციის მონიტორინგმა აჩვენა, რომ, 2012 წლის საპარლამენტო არჩევნებთან შედარებით, 2014 წლის წინასაარჩევნო პერიოდში ნაკლები იყო საარჩევნო კანონმდებლობის სხვადასხვა ტიპის დარღვევები, მათ შორის ადმინისტრაციული რესურსების საარჩევნო მიზნით გამოყენების შემთხვევები, ამომრჩევლის მოსყიდვის, პოლიტიკური აქტივისტების დაშინებისა და დაკავების ფაქტები. თუმცა, 2013 წლის საპრეზიდენტო არჩევნებთან შედარებით, პრობლემები 2014 წლის ადგილობრივი თვითმმართველობის არჩევნებისწინა პერიოდში გაცილებით მეტი იყო", ნათქვამია ანგარიშში. ანგარიში... წყარო: isfed.ge

თბილისი. საერთაშორისო გამჭვირვალობა - საქართველომ ორი კვლევის პრეზენტაცია გამართა.  „2014 წლის ადგილობრივი თვითმმართველობის არჩევნებისთვის ადმინისტრაციული რესურსების გამოყენების მონიტორინგი" 2014 წლის 1 იანვრიდან 12 ივნისამდე დროის შუალედს მოიცავს. „პოლიტიკური გაერთიანებების დაფინანსების გამჭვირვალობასთან და მათ ანგარიშვალდებულებასთან დაკავშირებულ საკითხებზე" ანგარიშში კი მოცემულია 2013 წლის საპრეზიდენტო არჩევნებში მონაწილე პოლიტიკური გაერთიანებების წლიური დეკლარაციების, მათ შორის, პარტიების საპრეზიდენტო კანდიდატთა საარჩევნო კამპანიის შემოსავლებისა და ხარჯების ანალიზი. გარდა ამისა, ანგარიშში მიმოხილულია 2014 წლის გარკვეული საკითხებიც, კერძოდ, კი პოლიტიკური გაერთიანებების შემოწირულობებთან დაკავშირებული საინტერესო ტენდენციები. „2014 წლის ადგილობრივი თვითმმართველობის არჩევნებისთვის ადმინისტრაციული რესურსების გამოყენების მონიტორინგი" პოლიტიკური პარტიების ფინანსები 2013 წელს წყარო: transparency.ge

თბილისი. არასამთავრობო ორგანიზაციები: საარჩევნო გარემოს განვითარების ცენტრი, განვითარებისა და დემოკრატიის ცენტრი და ჩვენი ჯანსაღი მომავლისთვის, ცესკოს წევრებთან ერთად აკვირდებიან საარჩევნო ბიულეტენების ბეჭდვის პროცესს. ბეჭდვა 10 ივნისს დაიწყო და 2014 წლის 15 ივნისის თვითმმართველობის არჩევნებისთვის ბიულეტენები 11 სტამბაში იბეჭდება. წყარო: საარჩევნო გარემოს განვითარების ცენტრი

თბილისი. საარჩვნო გარემოს განვითარების ცენტრმა სოციალურ ქსელში განცხადება გაავრცელა. „11 ივნისს ადგილობრივი თვითმმართველობის არჩევნებისთვის, არჩევნებში ჩართულ მხარეებთან აქტიური თანამშრომლობის საფუძველზე, ცენტრალური საარჩევნო კომისიის ორგანიზებით შეიქმნა სპეციალური ჯგუფი, რომელიც ხმის მიცემის უფლების მქონე პატიმრებისთვის თავისუფლების აღკვეთის დაწესებულებებში სააგიტაციო მასალების განთავსებას უწევს მონიტორინგს. 16 კაციანი ჯგუფი, რომელშიც შედიან არასამთავრობო ორგანიზაციების ... დამკვირვებლები და საარჩევნო სუბიექტების წარმომადგენლები, მონიტორინგს, აღმოსავლეთ და დასავლეთ საქართველოს სასჯელაღსრულების 10 დაწესებულებაში ახორციელებს.მონიტორინგი განხორციელდება 7 ივნისიდან 14 ივნისის ჩათვლით. მონიტორინგის დასრულებიდან 10 დღის ვადაში, ჯგუფი გაწეული მონიტორინგის შესახებ ინფორმაციას წარუდგენს ცესკოს". წყარო: ორგანიზაციის გვერდი სოციალურ ქსელში

თბილისი. 15 ივნისს, არჩევნების დღეს, საქართველოს ჟურნალისტური ეთიკის ქარტიის აღმასრულებელი რგოლი და საბჭო ცხელი ხაზის რეჟიმში იმუშავებს. ქარტია სთავაზობს და სთხოვს ჟურნალისტებს, დაუკავშირდნენ ნებისმიერი პრობლემისთანავე, რომელიც მათ საარჩევნო უბნებზე ან არჩევნების გაშუქების რომელიმე სხვა ეტაპზე შეექმნებათ. ამგვარად, ქარტია ეცდება აღრიცხოს ჟურნალისტებისთვის პროფესიულ საქმიანობაში ხელის შეშლის, შეურაცხყოფის ან ზეწოლის ფაქტები და მოახდინოს შესაბამისი რეაგირება. ასევე მედიის წარმომადგენლებს შეუძლიათ მიმართონ შეკითხვებით. სრულად... წყარო: qartia.org.ge

თბილისი. წინასაარჩევნო მედიამონიტორინგის ანგარიში გამოაქვეყნეს არასამთავრობო ორგანიზაციებმა, რომლებიც ევროკავშირისა და გაეროს განვითარების პროგრამის მიერ დაფინანსებული პროექტის „პროფესიონალური მედია არჩევნებისთვის" ფარგლებში განხორციელდა. კვლევა 15 აპრილი - 23 მაისის პერიოდს მოიცავს. სრულად... წყარო: media.ge

თბილისი. სამართლიანი არჩევნები აქვეყნებს ვიდეო–რგოლს „რა არის ხმების პარალელური დათვლა?". ორგანიზაცია დაინტერესებულ პირებს ვიდეო–რგოლით სთავაზობს ინფორმაციას თუ რას ითვალისწინებს ხმების პარალელური დათვლა და რა უპირატესობები აქვს ამ მეთოდოლოგიით არჩევნების დაკვირვებას. ორგანიზაცია თვითმმართველობის არჩევნებზე ხმების პარალელური დათვის მეთოდოლოგიას გამოიყენებს. ვიდეო–რგოლი წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ წინასაარჩევნო გარემოს მონიტორინგის მეორე შუალედური ანგარიში გამოაქვეყნა. ორგანიზაცია წინასაარჩევნო პერიოდს რეგიონული ოფისების მეშვეობით, საქართველოს 9 რეგიონში: აჭარაში, გურიაში, იმერეთში, შიდა ქართლში, სამცხე–ჯავახეთში, ქვემო კართლში, კახეთში, მცხეთა–მთიანეთში, სამეგრელოსა დათბილისში აკვირდებოდა. ანგარიში მოიცავს 1 მაისიდან 10 ივნისადმე პერიოდს. ანგარიში... წყარო: gyla.ge

თბილისი. საერთაშორისო გამჭვირვალობა საქართველო აქვეყნებს ბლოგს „აჭარის უმაღლესი საბჭოს მიერ დახარჯული სამივლინებო, საჩუქრებისთვის და მიღებებისთვის გაწეული ხარჯები (2013–2014 წლები)". სრულად... წყარო: transparency.ge

თბილისი. 6 ივნისს, ახალგაზრდა იურისტთა ასოციაციამ საქართველოში აკრედიტებული ელჩების და დიპლომატიური მისიების წარმომადგენლებისთვის კვლევის: „საყდრისი–ყაჩაღიანი კულტურული მემკვიდრეობიდან ოქროს თანამედროვე მოპოვებამდე" – პრეზენტაცია გამართა. კვლევა ორ მნიშვნელოვან საკითხს ეხება. პირველი მათგანი საყრისი–ყაჩაღიანის, როგორც კულტურული მემკვიდრეობის ობიექტის ირგვლივ განვითარებულ მოვლენებთან არის დაკავშირებული, ხოლო მეორე – საზოგადოებისთვის ამ დრომდე ნაკლებად ცნობილ, სახელმწიფოს მიერ გაცემულ (გაგრძელებულ) იმ ლიცენზიას, რომელიც უაღრესად მნიშვნელოვანია საყდრისი–ყაჩაღიანზე სრული წარმოდგენის შესაქმნელად. კვლევაში წარმოდგენილია ასევე ინფორმაცია იმ კომპანიების შესახებ, რომლებიც ბოლო წლებში აქტიურად არიან ჩართულნი ძვირფასი ლითონების მოპოვების პროცესში, ნათქვამია ორგანიზაციის ვებგვერდზე. კვლევა: საყდრისი–ყაჩაღიანი – კულტურული მემკვიდრეობიდან ოქროს თანამედროვე მოპოვებამდე წყარო:http://gyla.ge