თბილისი. „ეკოჰაბში", გარემოსა და ბუნებრივი რესურსების დაცვის მინისტრი გიგლა აგულაშვილი გარემოსდაცვითი თემებით დაინტერესებულ პირებს შეხვდა. „შეხვედრას კერძო სექტორისა და სხვადასხვა უნივერსიტეტის სტუდენტები ესწრებოდნენ. გიგლა აგულაშვილმა შეხვედრის მონაწილეებს სამინისტროში მიმდინარე და დაგეგმილი პროექტების შესახებ ესაუბრა. შეხვედრა ინტერაქტიულ რეჟიმში 2 საათის განმავლობაში გაგრძელდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. გარემოსა და ბუნებრივი რესურსების დაცვის სამინისტროს და ბიოლოგიური მრავალფეროვნების შესახებ კონვენციის (CBD) სამდივნოს ორგანიზებით, რეგიონული სამუშაო შეხვედრა გაიმართა. შეხვედრა გაეროს განვითარების პროგრამის (UNDP) პროექტის - „გლობალური გარემოს მონიტორინგის გაუმჯობესებისა და მის შესახებ ცოდნის ამაღლების მიზნით ინფორმაციის მართვის ჰარმონიზება საქართველოში" ფინანსური მხარდაჭერით გაიმართა. სრულად... წყარო: ორგანიზაციის ვებ-გვერდი სოციალურ ქსელში

თბილისი. მწვანე ალტერნატივა აქვეყნებს შენიშვნებსა და კომენტარებს შპს „ჯორჯიან მანგანეზის" მანგანუმის მადნის გამამდიდრებელი ფაბრიკის მშენებლობის და ექსპლუატაციის პროექტის გარემოზე ზემოქმედების შეფასების ანგარიშის თაობაზე. „თავდაპირველად უნდა აღინიშნოს, რომ გარემოზე ზემოქმედების შეფასების დოკუმენტში, არაერთი საკითხი (ზოგიერთ შემთხვევაში კი მთლიანად ზოგიერთი ქვეთავიც) ზედაპირულად არის წარმოდგენილი და ხშირ შემთხვევაში დაზუსტებასა და საფუძვლიან შესწავლას/კვლევას საჭიროებს. ასეთი ქვეთავებია მაგალითად: „სეისმური პირობები", „გეოლოგიური საშიშროებები" - აღნიშნული ქვეთავები რამდენიმე წინადადებით არის წარმოდგენილი", ნათქვამია ორგანიზაციის ვებ-გვერდზე. სრულად... წყარო: greenalt.org

აჭარა. „საერთაშორისო გამჭვირვალობა - საქართველოს" ორგანიზებით, ბათუმის ბულვართან დაკავშირებით საჯარო დისკუსია გაიმართა. დისკუსიას ბულვარის შენარჩუნებით დაინტერესებული მოქალაქეები, საინიციატივო ჯგუფ „დაიცავი ძველი ბულვარის” წევრები, კულტუროლოგები, არქიტექტორები, სტუდენტები, არასამთავრობო სექტორისა და მედიის წარმომადგენლები ესწრებოდნენ. სრულად... წყარო: ორგანიზაციის ვებ-გვერდი სოციალურ ქსელში

აჭარა. 14-17 თებერვალს, ბათუმის ბოტანიკურ ბაღში საერთაშორისო სემინარი - „ბოტანიკურად მნიშვნელოვანი ტერიტორიების დადგენა საქართველოში" გაიმართა. შეხვედრის მიზანი იყო რეგიონში აღნიშნული სტატუსის მქონე ტერიტორიების გამოვლენა, კონსერვაცია, ბიომრავალფეროვნების შენარჩუნება და მცენარეთა კონსერვაციის რეგიონული სტრატეგიის განვითარება. საკუთარ ქვეყნებში არსებული გამოცდილებისა და მონაცემების შეგროვების მიზნით, სემინარში 5 ქვეყნის საერთაშორისო და ადგილობრივი ექსპერტები მონაწილეობდნენ. სემინარი ბოტანიკური ბაღების კონფერენციის საერთაშორისო საბჭოს ორგანიზებით გაიმართა.

თბილისი. მწვანე ალტერნატივა საჯარო პოლიტიკის ნარკვევს „საქართველოს გარემოზე ზემოქმედების შეფასების (გზშ) სისტემის ევროკავშირის შესაბამის მოთხოვნებთან დაახლოების გამოწვევები" აქვეყნებს. „ამ საჯარო პოლიტიკის ნარკვევში განხილულია საქართველოს გარემოსა და ბუნებრივი რესურსების დაცვის სამინისტროს ინიციატივით შემუშავებული ახალი ნორმატიული აქტის პროექტი, რომელიც გარემოზე ზემოქმედების შეფასების (გზშ-ს) ახალ, მოქმედისგან განსხვავებულ სისტემას გვთავაზობს. ანალიზიდან ჩანს, რომ კანონპროექტში მოცემული გზშ სისტემა, დიდწილად, შეესაბამება ევროკავშირის შესაბამისი დირექტივების მოთხოვნებს, თუმცა, მას აქვს ნაკლოვანებებიც, რომლებიც დაინტერესებულ მხარეებთან კონსულტაციის გზით, შეიძლება აღმოიფხვრას", ნათქვამია ორგანიზაციის ვებ-გვერდზე. სრულად... წყარო: greenalt.org

აჭარა. 4 დეკემბერს, ბათუმის შოთა რუსთაველის სახელმწიფო უნივერსიტეტის საკონფერენციო დარბაზში საჯარო შეხვედრა გაიმართა. საუბარი შეეხო მაჭახლის ეროვნული პარკის დაცვის, პოპულარიზაციის, ტურისტების მოზიდვის მიზნით „დაცული ტერიტორიების მდგრადი მართვის ინოვაციური პროექტის” განხორციელების დაწყებას. პროექტის ფარგლებში დაგეგმილია მაჭახელას ეროვნულ პარკში ფონური კვლევის ჩატარება, პარკის შესახებ ინფორმაციის მომზადება. ასევე, დაცული ბუნებრივი ტერიტორიების პოტენციალის მაქსიმალურად გამოყენებისთვისთვის ინოვაციური მეთოდების სადემონსტრაციო მოდელის შექმნა. პროექტის „დაცული ბუნებრივი ტერიტორიების მდგრადი მართვის ინოვაციების” ფარგლებში, გაიმართა ძირითადი მიზნებისა და აქტივობების, ასევე აჭარის დაცული ტერიტორიების შესახებ კვლევის პირველადი მონახაზის პრეზენტაცია.

30 ნოემბერს, ბათუმის  სასტუმრო „შერატონში",  პარიზის გაეროს კლიმატის ცვლილებების ჩარჩო კონვენციის რიგით 21-ე კონფერენცია გაიმართა, რომელიც  პარალელურად  თბილისშიც მიმდინარეობდა, სახელწოდებით: „2 გრადუსი ცელსიუსი_კლიმატის ცვლილების პოლიტიკის გააზრება და პარიზის კონფერენცია". აღნიშნულმა შეთანხმებამ საშუალება უნდა მისცეს მსოფლიოს, შეებრძოლოს კლიმატურ ცვლილებებს და გზა გაუკვალოს დაბალ-ნახშირბადიან ეკონომიკაზე გადასვლას. შეხვედრას გარემოს დაცვის მიმართულებით მომუშავე მესამე სექტორისა და ადგილობრივი ხელისუფლების წარმომადგენლები, პროფესორ–მასწავლებლები,  სკოლის მოსწავლეები და სტუდენტები ესწრებოდნენ.

29 ოქტომბერს, ბათუმის დემოკრატიული ჩართულობის ცენტრში ჰაინრიხ ბიოლის ფონდის რეგიონული ბიუროს ორგანიზებით მორიგი დისკუსია გაიმართა. ეკონომიკური და პოლიტიკური სისტემების გავლენა ბუნებრივ და სოციალურ გარემოზე - ამ თემაზე არასამთავრობო ორგანიზაციების წარმომადგენლები, პოლიტიკოსები და გარემოს დაცვის სპეციალისტები მსჯელობდნენ. ძირითადი მომხსენებელი ასოციაცია „მწვანე ალტერნატივას" ექსპერტი ირაკლი მაჭარაშვილი იყო. მან გააკრიტიკა სახელმწიფოს ეკონომიკური პოლიტიკა, რაც, მისი შეფასებით, გარემოს დაცვის ხარჯზე ვითარდება. ადგილობრივმა საზოგადოებრივმა ორგანიზაციებმა კი იმ პრობლემებზე ისაუბრეს, რაც აჭარაში მცხოვრებ მოსახლეობას მწვანე სივრცეების ნაკლებობით ექმნება.

აჭარა. 29 სექტემბერს, თამარის დასახლებაში პრესკაფეს ორგანიზებით, მუსიკალური პერფორმანსი გაიმართა. ღონისძიების მიზანი იყო გარემოს დასუფთავების წახალისება. „მოხალისეები მოყვარულ მუსიკოსებთან ერთად ასუფთავებენ ბათუმის სხვადასხვა უბნებს და ამგვარად ცდილობენ გარემოს დასუფთავების პოპულარიზაციას. აქტივობები ხორციელდება პროექტის ფარგლებში „ჩემი გარემო ჩემი სიამაყეა", ნათქვამია ორგანიზაცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 26 სექტემბერს, გორში, დემოკრატიული ჩართულობის ცენტრში, გარემოს დაცვით საკითხებზე ტრენინგი ჩატარდა. პროექტში მონაწილეობა მიიღო საჯარო სკოლების გარემოს დაცვის კლუბის მოსწავლეებმა. ტრენინგი გაიმართა პროექტის - „ახალგაზრდობის ჩართულობა და განვითარება" ფარგლებში, რომელსაც საქველმოქმედო ჰუმანიტარული ცენტრი „აფხაზეთი" UNICEF-თან პარტნიორობითა და USAID საქართველოს ფინანსური მხარდაჭერით ახორციელებს. „სემინარზე განხილული იყო მოსწავლეებისათვის საინტერესო და მნიშვნელოვანი საკითხები - გარემოსდაცვითი კლუბების შესაძლებლობის გაძლიერება და საქმიანობის შეფასება, პრობლემების/გამოწვევების გაანალიზება და გადაჭრის გზების ძიება, ბუნებაში მიმდინარე პროცესები (კვებითი ჯაჭვი, მზის ენერგია, მცენარეების მნიშვნელობა) და სხვა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) სტუდენტის, სტელა ნამგალაძის ფოტორეპორტაჟს გვთავაზობს. ფოტორეპორტაჟი ზესტაფონში მუშათა მდგომარეობასა და გამწვავებულ ეკოლოგიურ პრობლემებს ეხება. „ზესტაფონში არსებული მძიმე ეკოლოგიური მდგომარეობისა და მუშების უფლებების დარღვევის შესახებ ინფორმაცია, უკვე წლებია ვრცელდება. ფუნქციონირება გარემოზე ზემოქმედების ნებართვის გარეშე, ჰაერში გაფრქვეული მავნე ნივთიერებები, მტვერი, გაზრდილი დაავადები, მუშებსა და ადმინისტრაციას შორის მიღწეული შეთანხმებების შეუსრულებლობა – ეს ის საკითხებია, რომლებზეც გარემოს დამცველი ორგანიზაციები და პროფესიული კავშირები, უკვე წლებია, საუბრობენ მედიასა და სოციალურ ქსელებში", ნათქვამია ბლოგპოსტში. სრულად... წყარო: emc.org.ge

თბილისი. მწვანე ფესტივალის ფარგლებში, ჰედერ როჯერსის წიგნის „ხვალამდე გაქრება: ნაგვის გასაიდუმლოებული ისტორია" თარგმანის პრეზენტაცია გაიმართა. როჯერსი ახალგაზრდა ამერიკელი ჟურნალისტი და რეჟისორია. წიგნის დაწერამდე მან ამავე სახელწოდების დოკუმენტური ფილმი გადაიღო, რომელმაც არაერთი კინოფესტივალის ყურადღება მიიქცია. „ახალგაზრდა მწერალი ცდილობს, ნაგვის საშუალებით ჩვენს საზოგადოებაზე მრავალი საინტერესო რამ გვითხრას. თქვენ წინაშე ერთდროულად ნაგვის მოვლის ისტორიული მიმოხილვაცაა და კრიტიკული ანალიზიც. წიგნში დეტალურადაა აღწერილი, თუ როგორ და რის გამო წარმოვქმნით უფრო და უფრო მეტ ნაგავს. ეს მონაცემები დაგაფიქრებთ არა მხოლოდ ეკოლოგიურ, არამედ ეკონომიკურ და სოციალურ პრობლემებზე, რომელთა წინაშეც თანამედროვე ცივილიზაცია დგას", ნათქვამია სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჯამპსტარტ ჯორჯია აქვეყნებს ახალ ვიზუალიზაციას: „ნაგავში გადაყრილი ფული". ორგანიზაციამ ვიზუალურად გამოსახა გარემოს დაბინძურებისთვის გათვალისწინებული ჯარიმები, მათი რაოდენობა და ბიუჯეტში შესული თანხები. „გარემოს დაბინძურებისთვის სხვადსხვა ოდენობის ჯარიმას ითვალისწინებს. 6 თვეში წესების დარღვევის გამო დაჯარიმდა 7284 ადამიანი, ჯარიმებიდან შემოსული თანხის საერთო რაოდენობამ კი 232 660 ლარს გადააჭარბა", ნათქვამია ფერად ინფოზე. ვიზუალიზაცია... წყარო: feradi.info

თბილისი. სასტუმრო „ქორთიარდ მარიოტში" გარემოსა და ბუნებრივი რესურსების დაცვის სამინისტროსა და კავკასიის გარემოსდაცვითი არასამთავრობო ორგანიზაციების ქსელის (CENN) ორგანიზებით, პროექტის - „ტყის მდგრადი მართვა საქართველოში" საკოორდინაციო შეხვედრა გაიმართა. შეხვედრაზე განხილული იქნა სატყეო დარგში არსებული მიღწევები, გამოწვევები და პრიორიტეტები, რომელიც წარადგინეს გარემოსა და ბუნებრივი რესურსების დაცვის სამინისტროს, ეროვნული სატყეო სააგენტოს, სატყეო პოლიტიკის სამსახურის, დაცული ტერიტორიების სააგენტოს, აჭარის გარემოს დაცვის სამმართველოსა და თბილისის ეკოლოგიისა და გამწვანების სამსახურის ხელმძღვანელმა პირებმა. აგრეთვე, განხილულ იქნა კოორდინაციის კონკრეტული მექანიზმები - სახელმწიფო, სამეცნიერო და სამოქალაქო სექტორის, საქართველოს რეგიონებისა და პარტნიორი საერთაშორისო ორგანიზაციების მონაწილეობით. სრულად... წყარო: forestry.cenn.org

თბილისი. „საერთაშორისო გამჭვირვალობა სქართველო" სენაკის, მარტვილისა და ზუგდიდის მუნიციპალიტეტებში ტურისტული ობიექტების დაბინძურების შესახებ ბლოგპოსტს აქვეყნებს. ინფორმაციასა და ფოტომასალაში ასახულია დასუფთავების პრობლემები ტურისტულ ობიექტებში. „ბოლო რამდენიმე წელია, აქტიურად მიმდინარეობს ტურისტული ობიექტების რეკლამირება როგორც საქართველოში, ასევე საზღვარგარეთ. თუმცა ხშირია შემთხვევები, როდესაც ვიზიტორებს ტურისტული ობიექტები მოუწესრიგებელი და დაბინძურებული ხვდებათ. ეს მაშინ, როდესაც ტურიზმის განვითარება ქვეყნის ერთ-ერთ პრიორიტეტად არის დასახული", ნათქვამია ორგანიზაციის ვებ-გვერდზე. „საერთაშორისო გამჭვირვალობა საქართველო" განცხადების ბოლოს პრობლემასთან დაკავშირებით საკუთარ პოზიციას აფიქსირებს... სრულად... წყარო: www.transparency.ge

თბილისი. ორგანიზაცია „მწვანე ალტერნატივა" ავრცელებს შენიშვნებსა და კომენტარებს თბილისის მერიის მიერ გავრცელებული თბილისის გარემოსდაცვითი სტრატეგიის (2015–2020) დოკუმენტის შესახებ. „დოკუმენტი ზოგადი ხასიათისაა. მართალია, ქალაქში არსებული პრობლემების აღწერა შეესაბამება არსებულ სიტუაციას, მათი გადაჭრის გზები და მიდგომები არ არის ჩამოყალიბებული. ეს დოკუმენტის მთავარ ნაკლოვანებას წარმოადგენს, ვინაიდან, სწორედ ამ გზებით უნდა მიაღწიოს ქალაქმა დასახულ მიზნებს. ამასთან, ბუნდოვანია დროში გაწერილად მოსალოდნელი შედეგები და სტრატეგიის განხორციელების კავშირი ქალაქის ბიუჯეტის ფორმირებასთან, არ მოიცავს ანგარიშგებისა და შეფასების ინდიკატორებს, რაც საბოლოო ჯამში გაართულებს როგორც დოკუმენტის შესრულებას, ასევე მის მონიტორინგს და განხორციელების შეფასებას", ნათქვამია ორგანიზაციის ვებგვერდზე. შენიშვნები და კომენტარები... წყარო: greenalt.org  

თბილისი. 16 ივლისს, სტუდენტურმა მოძრაობამ „მწვანე მუშტმა" ჰიდროპროექტების შესახებ მსვლელობა გამართა რუსთაველის მეტროდან თსუ–ს მეორე კორპუსამდე. „დედაბუნება გიხმობს" – ამ სახელწოდების აქცია მსვლელობაში, „ნეტგაზეთის" ინფორმაციით, ასევე მონაწილეობას იღებდნენ ორგანიზაცია „მწვანე ალტერნატივის" ველოსიდეპისტთა კლუბის, პროფკავშირების, საყდრისის გადარჩენის კომიტეტისა და რამდენიმე არასამთავრობო ორგანიზაციის წარმომადგენელი. სრულად... წყარო: netgazeti.ge

თბილისი. ეკონომიკური პოლიტიკის კვლევის ცენტრმა, 30 ივნისს, ფონდ „ღია საზოგადოება – საქართველოს" ოფისში გამართა ახალი ანგარიშის პრეზენტაცია. ანგარიშის მთავარი საკითხია: საქართველო რუსული ექსპანიონიზმის და ფინანსური კრიზისის ფონზე. ანგარიშში განხილულია რუსული ეკონომიკის გამოწვევები, რუსულ-ქართული ეკონომიკური კავშირები და რუსული ექსპანსიონიზმისა და ფინანსური კრიზისის გავლენა საქართველოზე ვაჭრობის, ინვესტიციების, ფულადი გზავნილების, ტურიზმისა და ენერგეტიკის თვალსაზრისით. ანგარიში ასევე განსაზღვრავს რუსული ექსპანსიონისტური პოლიტიკით განპირობებულ შესაძლო რისკებს საქართველოსათვის და გვთავაზობს რეკომენდაციებს. ანგარიში... წყარო: www.osgf.ge

თბილისი. საერთაშორისო გამჭვირვალობა – საქართველო აქვეყნებს ახალ ბლოგს, რომელიც სახელმწიფო შესყიდვებს ეხება. შესაბამისი კანონის თანახმად, კონკურსი ელექტრონული ტენდერისგან განსხვავებული, სახელმწიფო შესყიდვის ალტერნატიული მეთოდია, რომელიც საპროექტო მომსახურების შესყიდვისთვის გამოიყენება. გამჭვირვალობის ინფორმაციით, „ტენდერებისგან განსხვავებით, კონკურსის მეშვეობით შესყიდვები ხორციელდება სახელმწიფო შესყიდვების სააგენტოს გვერდის ავლით. ეს პროცესი ნაკლებად გამჭვირვალეა, რადგან ელექტრონულად არ ტარდება და არც კონკურსის შედეგების სახელმწიფო შესყიდვების სააგენტოს დავების საბჭოში გასაჩივრების შესაძლებლობა არსებობს... 1 ივლისს ამოქმედდება სახელმწიფო შესყიდვების სააგენტოს თავმჯდომარის ახალი ბრძანებაც კონკურსის მეშვეობით საპროექტო მომსახურების სახელმწიფო შესყიდვის ახალი წესისა და პირობების დამტკიცების შესახებ. ეს ერთმნიშვნელოვნად წინგადადგმული ნაბიჯი იქნება სახელმწიფო შესყიდვების გამჭვირვალობისა და კონკურენციის გაუმჯობესების კუთხით. „საერთაშორისო გამჭვირვალობა – საქართველო" მიესალმება პროგრესს საკანონმდებლო დონეზე და იმედს იტოვებს, რომ პრაქტიკა თანხვედრაში იქნება ახალ რეგულაციასთან და ელექტრონული კონკურსები რეალურად გამოასწორებს არსებული სისტემის ხარვეზებს"... სრულად... წყარო: transparency.ge

თბილისი. არასამთავრობო ორგანიზაცია „მწვანე ალტერნატივა" აქვეყნებს 13–14 ივნისს თბილისში სტიქიური მოვლენებით გამოწვეული კატასტროფის მიზეზების წინასწარ ანალიზს. „...13–14 ივნისს თბილისში სტიქიური მოვლენებით გამოწვეული კატასტროფის მიზეზების დადგენა ძალზე მნიშვნელოვანია იმისთვის, რომ მომხდარიდან გამოვიტანოთ გაკვეთილები და შემდგომში თავიდან ავიცილოთ მსგავსი შემთხვევები, ან თუ ეს შეუძლებელია მინიმუმამდე დავიყვანოთ ზიანი..", ნათქვამია პუბლიკაციაში. სრულად... წყარო: greenalt.org

თბილისი. არასამთავრობო ორგანიზაცია კავკასიის გარემოსდაცვითი არასამთავრობო ორგანიზაციების ქსელი (CENN) აქვეყნებს 2015 წლის 13 ივნისს თბილისში, მდინარე ვერეს ხეობაში, მომხდარ კატასტროფულ წყალდიდობასთან დაკავშირებით მოკლე მიმოხილვას და ანალიზს. სრულად... წყარო: cenn.org