თბილისი. ჟურნალისტური ეთიკის ქარტია გაეროს ბავშვთა ფონდის დახმარებით ახორციელებს პროექტს „ბავშვთა საკითხების ეთიკური გაშუქება", რომლის ერთ-ერთი კომპონენტია ბავშვთა საკითხების გაშუქების მედიამონიტორინგი. „მედიამონიტორინგის მიზანი ელექტრონულ, ონლაინ და ბეჭდურ მედიაში ბავშვთა საკითხებზე გამოქვეყნებული მასალების შესწავლა, ბავშვთა უფლებებთან, ეთიკურ ნორმებსა და სიღრმისეულად გაშუქების პროფესიულ სტანდარტებთან შესაბამისობის ანალიზია", ნათქვამია გაეროს ბავშვთა ფონდის ვებ-გვერდზე. სრულად... წყარო: unicef.ge

თბილისი. დაცვის სამინიტროს ინიციატივით, საქართველოს იუსტიციის სასწავლო ცენტრში, ელექტრონული და ბეჭდური მედიის წარმომადგენლებისთვის სემინარი გაიმართა. „კონვენციის მნიშვნელობა, ბირთვული და რადიაციული უსაფრთხოების სფეროში განსახორციელებელი პროექტები, ადრეული შეტყობინების სისტემა დევდორაკსა და ამალის ხეობაში, ევროკავშირი-საქართველოს ასოცირების შესახებ შეთანხმების გარემოსდაცვითი ნაწილის აპროქსიმაციის პროცესი, ნარჩენების კოდექსი და ეროვნული სატყეო კონცეფცია - ეს იმ საკითხების ჩამონათვალია, რომელზეც უწყების წარმომადგენლებმა ვრცლად ისაუბრეს", ნათქვამია გარემოს დაცვის სამინისტროს ვებ-გვერდზე სოციალურ ქსელში. სრულად... წყარო: სამინისტროს ვებ-გვერდი სოციალურ ქსელში

თბილისი. 24 დეკემბერს, საქართველოს ჟურნალისტური ეთიკის ქარტიის მე-8 კრება გაიმართა. „კრებაზე დღის წესრიგით განიხილეს რამდენიმე საკითხი, მათ შორის: ქარტიის საბჭოს ახალი წევრების არჩევა, ეთიკის ქარტიის 2016 წლის პრიზის გამარჯვებულთა დასახელება. ქარტიის საბჭოს ახალი წევრები გახდნენ გიორგი მგელაძე (სტუდია მონიტორი, monitori.ge) თამარ უჩიძე ( სამხრეთის კარიბჭე, sknews.ge ) და თეა ზიბზიბაძე ( ქუთაისიპოსტი, kutaisipost.ge) საბჭოს განახლებულმა შემადგენლობამ თავმჯდომარედ გიორგი მგელაძე აირჩია. მან ამ თანამდებობაზე ნინო ზურიაშვილი შეცვალა, რომელსაც საბჭოს წევრობის სამწლიანი ვადა ამოეწურა. საბჭო 9 წევრისგან შედგება, საერთო კრება ექვვს რეგიონებიდან ირჩევს, სამს-თბილისიდან. წევრთა უფლებამოსილების ვადა 3 წლით განისაზღვრება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 16 დეკემბერს, გორის სამოქალაქო აქტივიზმის ცენტრის მოხალისეებისათვის ჩატარდა ტრენინგი „ახალგაზრდების ურთიერთობა მედიასთან". „ახალგაზრდებმა მოისმინეს თუ რას ნიშნავს საზოგადოებასთან ურთიერთობის სამსახური, მედიასთან ურთიერთობის მნიშვნელობა, როგორ უნდა მოვიქცეთ კრიზისულ სიტუაციებში და როგორ აღმოვფხვრათ კრიზისი და პრობლემა. ასევე, როგორ უნდა დავწეროთ პრესრელიზი სხვადასხვა მედია საშუალებებისთვის და როგორ დავგეგმოთ ღონისძიება", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჟურნალისტური ეთიკის ქარტიამ კონკურსი გამოაცხადა შემდეგ ხუთ ნომინაციაში: სატელევიზიო/ვიდეორეპორტაჟი მულტიმედია პროექტი (1 მასალა ან სერია) სტატია ან ნარკვევი ბეჭდურ ან ონლაინ მედიაში ჟურნალისტური გამოძიება ბავშვთა საკითხები. პროცედურები და შერჩევის კრიტერიუმები: მონაწილეობის მსურველებმა უნდა წარადგინონ ჟურნალისტური პროდუქტი, რომელიც გამოქვეყნდა 2015 წლის 1 დეკემბრიდან 2016 წლის 30 ნოემბრამდე პერიოდში საკონკურსოდ მასალის წარდგენა შეუძლია როგორც ინდივიდუალურ ჟურნალისტს, ისე მედიასაშუალებას მონაწილეობის მსურველმა უნდა წარადგინოს ვიდეო რეპორტაჟის და მულტიმედიის შემთხვევაში ჩანაწერი ან ბმული, სტატიის შემთხვევაში კი მისი სკანირებული ან სქრინ ვერსია. მონაწილეობის მსურველმა უნდა წარადგინოს მოკლე ავტობიოგრაფია და საკონკურსო ნაშრომის მოკლე ანოტაცია მონაწილეობის თითოეულ მსურველს შეუძლია ერთი საკონკურსო ნაშრომის წარდგენა ერთ ნომინაციაში, რაც ასევე მითითებული უნდა იყოს საკონკურსო ნაშრომი გამოქვეყნებული უნდა იყოს საქართველოში მოქმედ რომელიმე მედიასაშუალებაში მონაწილეობის მსურველებმა განაცხადი უნდა გამოგზავნონ შემდეგ ელექტრონულ მისამართზე: Ethicscharter@gmail.com ნამუშევრების მიღების ბოლო ვადაა 2016 წლის 1 დეკემბერი, 18.00 საათი წყარო: ჟურნალისტური ეთიკის ქარტია  

თბილისი. 21-29 ნოემბერს, 45 ჟურნალისტს სამხრეთ კავკასიის რეგიონიდან ტრენინგები ჩაუტარდა სხვადასხვა მიმართულებით. „ეს მიმართულებებია-„კულტურული ღირებულებების გაშუქება"; „კრიზისებისა და კონფლიქტური სიტუაციების გაშუქება"; "ბიზნესის, ფინანსების და ეკონომიკის საკითხების გაშუქება". პროგრამა სამწლიანია და მოიცავს (2018 წელს) შერჩეული მონაწილეებისთვის სასწავლო ტურს ბერლინსა და პოსტდამში. სამი წლის მანძილზე კი ჟურნალისტებს (საქართველოდან, აზერბაიჯანიდან და სომხეთიდან) ეძლევათ შესაძლებლობა, რომ საერთაშორისო და რეგიონული ექსპერტების დახმარებით, იმუშაონ სხვადასხვა თემაზე," ნათქვამია ორგანიზაციის ვებ-გვერდზე. სრულად... წყარო: www.media.ge

თბილისი. მედიაჩექერი აქვეყნებს ლაშა ქავთარაძის ბლოგპოსტს: „ხუმრობიდან კიბერბულინგამდე". „„ერთ დროს ინტერნეტში ჯესი სლოტერად მიცნობდნენ. პირადმა გამოცდილებამ ჩამომაყალიბა ისეთად, როგორიც ვარ. მაქვს ბიპოლარული აშლილობა, პოსტტრავმული სტრესის აშლილობა და მოსაზღვრე პიროვნული აშლილობა. ფიზიკურადაც შეზღუდული შესაძლებლობების მქონე ვარ, მაქვს სუსტი იმუნური სისტემა, ქრონიკული ასთმა, ფიბრომიალგია და კანის დაავადება. მაგრამ მაინც ვცდილობ ცხოვრებით დავტკბე. მიყვარს ხელოვნება, მუსიკა და საჭმელი, დავდივარ კონცერტებსა და შოუებზე",- ეს ჩანაწერი დემიენის ამჟამინდელი Tumblr-იდანაა. ეს შემთხვევა კიბერბულინგის  ერთ-ერთ პირველ მასშტაბურ აქტად მიიჩნევა დღემდე. მისი შედეგები საკმაოდ დრამატული გამოდგა", ნათქვამია ბლოგპოსტში. სრულად... წყარო: mediachecker.ge

თბილისი. 21-22 ნოემბერს, თბილისში ჩატარდა მედიაციის დღეები - ორდღიანი საერთაშორისო კონფერენცია. შეხვედრის მიზანი იყო მედიაციის, როგორც დავების მოგვარების ალტერნატიული მექანიზმის, განვითარება საქართველოში და მართლმსაჯულების სისტემის რეფორმის ხელშეწყობა. თბილისის მედიაციის დღეები განხორციელდა ევროკავშირისა და გაეროს განვითარების პროგრამის (UNDP) ხელშეწყობით. სრულად... წყარო: ორგანიზაციის ვებ-გვერდი სოციალურ ქსელში

თბილისი. კომუნიკაციების მარეგულირებელი კომისიის მიერ ჩატარებული კვლევის შედეგად გაირკვა, რომ საქართველოს მოსახლეობის 40% ინფორმაციას უცხოური მაუწყებლებისგან იღებს. ამ მაუწყებლებს შორის რუსული მედიასაშუალებები განსაკუთრებით გამოირჩევა. „პირდაპირ აკრძალვაზე მსჯელობის პარალელურად, „გადართვის" პოლიტიკის გატარებაა აუცილებელი, მის განსახორციელებლად კი ადგილობრივი მედიის გამოყენება და გაძლიერებაა საჭირო", ამბობს საქართველოს რეგიონულ მაუწყებელთა ასოციაციის აღმასრულებელი დირექტორი. სრულად... წყარო: garb.ge

თბილისი. საერთაშორისო გამჭვირვალობა - საქართველო „რუსთავი 2"-ის საქმესთან დაკავშირებით განცხადებას ავრცელებს. „ჩვენთვის მიუღებელია ხელისუფლების მიმართ კრიტიკულ მედია საშუალებასთან ამ ფორმით ბრძოლა. მიგვაჩნია, რომ ამ სიტუაციაში „რუსთავი 2"-ის სარედაქციო დამოუკიდებლობის და ჟურნალისტების დაცვა ქვეყნის ინტერესებში უნდა იყოს, რადგანაც მრავალფეროვანი მედია გარემო ხელს უწყობს ქვეყანაში დემოკრატიის მაღალი სტანდარტის დამკვიდრებას", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა – საქართველომ" წარმოადგინა საზოგადოებრივი მაუწყებლის მონიტორინგის შუალედური ანგარიში, რომელიც მაუწყებელზე არსებულ სამუშაო გარემოს მიმოიხილავს. „ანგარიშში განხილულია მაუწყებელში რეორგანიზაციის ფონზე არსებული მთავარი გამოწვევები. არსებული გამოწვევების ფონზე, მაუწყებელში გაზრდილია ჟურნალისტური თავისუფლების ხარისხი. ჟურნალისტები მიუთითებენ, რომ 2012 წლამდე პერიოდისგან განსხვავებით, გარეშე პირების მხრიდან მათ საქმიანობაში ჩარევა არ ხდება. თუმცა, საზოგადოებრივი მაუწყებლისთვის კვლავ პრობლემად რჩება ეფექტური კომუნიკაცია თანამშრომლებს შორის. თანამშრომლებს ბუნდოვანი წარმოდგენა აქვთ მაუწყებელზე მიმდინარე პროცესების შესახებ; მათ შორის, არ აქვთ საკმარისი ინფორმაცია მიმდინარე რეორგანიზაციის პროცესთან დაკავშირებით," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ამ წუთებში, არასამთავრობო ორგანიზაცია „მედიის და კომუნიკაციის საგანმანათლებლო და კვლევითი ცენტრის" (MCERC) ორგანიზებით და „დოიჩე ველე აკადემიის" (DW Akademie) დაფინანსებით, კავკასიის მედიის სკოლაში საერთაშორისო კონფერენცია მიმდინარეობს. „კონფერენციაში სახელწოდებით „ახალი სტანდარტები და მიდგომები: ჟურნალისტური განათლება, მედიის და მასკომუნიკაციის კვლევები" მონაწილეობენ საქართველოს, სომხეთისა და აზერბაიჯანის მედია სკოლების წარმომადგენლები", ნათქვამია მედია პორტალის ვებ-გვერდზე. სრულად... წყარო: www.media.ge

კახეთი. „სიდა" ახორციელებს პროექტს „მიგრაციის მართვის გაუმჯობესება ეკომიგრანტების ეკონომიკური და ინფრასტრუქტურული შესაძლებლობების გაძლიერების გზით” ქვემო ქართლის, კახეთის და სამცხე-ჯავახეთის რეგიონებში. პროექტი ითვალისწინებს ეკომიგრანტებისთვის სოციალური და ეკონომიკური შესაძლებლობების ზრდას. „პროექტის ფარგლებში, „სიდას" ორგანიზებით, კახეთის ორ სოფელში (სამთაწყარო და ჰერეთისკარი) გაიმართა მედიატური. ჟურნალისტებს საშუალება ჰქონდათ გაცნობოდნენ „სიდას" მიერ განხორციელებულ პროექტებს, მათ მოინახულეს ეკომიგრანტების საცხოვრებელი პირობები და ადგილზე ნახეს თუ რა პირობებში უწევთ მათ ცხოვრება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. ახალციხის ახალგაზრდული ცენტრის წევრებმა, მაუწყებელთა თვითრეგულირების კომისიაში არმენოფობიული მედია გაშუქების შემთხვევაზე იმსჯელეს. შეხვედრა მედიის განვითარების ფონდისა და დემოკრატ მესხთა კავშირის ორგანიზებით შედგა. „ღონისძიება ორგანიზებულ იქნა, ტოლერანტობის სამოქალაქო ცნობიერებისა და ინტეგრაციის მხარდამჭერი პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით, პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირი”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „საზოგადოებრივმა მაუწყებელმა შესაძლოა TNS-ს ეგზითპოლების საფასური არ გადაუხადოს". „საზოგადოებრივი მაუწყებლის ეგზითპოლის მონაცემები ცენტრალური საარჩევნო კომისიის მიერ გამოქვეყნებულ არჩევნების საბოლოო შედეგებს მნიშვნელოვნად აცდა. ... შედეგების ცდომილებამ რისკის ქვეშ დააყენა მაუწყებლის სანდოობა და რეპუტაცია. აღნიშნული ცდომილების გამო საზოგადოებრივი მაუწყებელი არ აპირებს შესრულებული სამუშაოსთვის თანხა გადაუხადოს ეგზითპოლების ჩამტარებელ კომპანიას, მაშინ როცა TNS-ს მიაჩნია, რომ მან კონტრაქტით ნაკისრი ვალდებულებები პირნათლად შეასრულა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრმა (EMC) საჯარო დისკუსია გამართა იძულებითი ნარკოლოგიური შემოწმების პრაქტიკულ და სამართლებრივ ხარვეზებზე. „იძულებითი ნარკოტესტირება ქვეყანაში არსებული რეპრესიული და არაეთიკური ნარკოპოლიტიკის თვალსაჩინო გამოვლენაა. ნარკოტესტირებაზე გადაყვანილ პირებთან EMC-ის მიერ ჩატარებული ინტერვიუები მიუთითებს, რომ სამართალდამცავი ორგანოების მხრიდან ამ მეთოდის გამოიყენებას ხშირად ახლავს უფლებადარღვევის, იძულებისა თუ გადაცდომის პრაქტიკები”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. მედიის განვითარების ფონდი (MDF) აქვეყნებს ბლოგპოსტს: „საქართველოში არაეფექტურად იძიებენ ჟურნალისტებზე ზეწოლის ფაქტებს". მედიის განვითრების ფონდმა „მთავრობის ადამიანის უფლებათა სამთავრობო გეგმის" 2014-2015 წლების მონიტორინგის ანგარიში გამოაქვეყნა. დოკუმენტში ვკითხულობთ, რომ „სამართალდამცავი და საგამოძიებო ორგანოები არასათანადო კვალიფიკაციას აძლევენ და ეფექტიანად არ იძიებენ იმ საქმეებს, სადაც ჟურნალისტთა პროფესიული საქმიანობის ხელისშეშლის დანაშაულის ნიშნები იკვეთება". სრულად... პერიოდული ანგარიში... წყარო: www.media.ge

თბილისი. საქართველოს კომუნიკაციების ეროვნულმა კომისიამ 2016 წლის 8 ოქტომბრის საქართველოს პარლამენტის არჩევნების წინასაარჩევნო პერიოდის მედიამონიტორინგი 2016 წლის 8 ივნისს დაიწყო. კომისია ოთხი თვის განმავლობაში 24 საათიან რეჟიმში ორმოცდაცამეტ ტელეკომპანიას დააკვირდება. „წინასაარჩევნო პროცესის მეხუთე შუალედური ანგარიში 2016 წლის 23 სექტემბრიდან 8 ოქტომბრის ჩათვლით პერიოდს მოიცავს. მონიტორინგის შედეგად შემდეგი შინაარსის დარღვევები გამოვლინდა...", ნათქვამია ორგანიზაციის ვებ-გვერდზე. სრულად... წყარო: gncc.ge

თბილისი. 6 ოქტომბერს გამართულ პრეს კონფერენციაზე ქართულმა არასამთავრობო ორგანიზაციებმა წარადგინეს 2016 წლის საპარლამენტო არჩევნების მედიამონიტორინგის შედეგები. მედიამონიტორინგი ხორციელდება ევროკავშირისა და გაეროს განვითარების პროგრამის (UNDP) მხარდაჭერით და მოიცავს ორმოცზე მეტ მედია საშუალებას -  ტელეკომპანიას, რადიოს, ბეჭდურ და ონლაინ მედიას. სრულად... წყარო: www.ge.undp.org

თბილისი. საქართველოს ახალგაზრდა იურისტთა ასოციაცია (საია) მოუწოდებს კვალიფიციურ საარჩევნო სუბიექტებს წინაასარჩევნო დებატების ფორმატში საზოგადოებრივ მაუწყებელთან აქტიურად ითანამშრომლონ. „მიგვაჩნია, რომ კვალიფიციური საარჩევნო სუბიექტის მხრიდან, საზოგადოებრივი მაუწყებლის მიერ ორგანიზებულ წინასარჩევნო დებატებში მონაწილეობაზე უარის თქმა, წარმოადგენს ამომრჩევლებისადმი და თავად საზოგადოებრივი მაუწყებლისადმი, როგორც ინსტიტუციისადმი უპატივცემულობას”, ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. „საქართველოს დემოკრატიულმა ინიციატივამ" გამართა ანგარიშის „მედიის „თავისუფლების" 4 წელი საქართველოში" პრეზენტაცია. ანგარიში მოიცავს 2012-2016 წლებში მედიის თავისუფლების საკითხებს და მიმოიხილავს ყველა იმ პრობლემას, რომელიც მოცემულ პერიოდში ამ კუთხით შეიქმნა. სრულად... წყარო: gdi.ge

თბილისი. 3 ოქტომბერის „საერთაშორისო გამჭვირვალობა – საქართველომ" წარადგინა საზოგადოებრივი მაუწყებლის მონიტორინგის შუალედურ ანგარიშს, რომელიც მაუწყებელზე არსებულ სამუშაო გარემოს მიმოიხილავს. „არსებული გამოწვევების ფონზე, მაუწყებელში გაზრდილია ჟურნალისტური თავისუფლების ხარისხი. ჟურნალისტები მიუთითებენ, რომ 2012 წლამდე პერიოდისგან განსხვავებით, გარეშე პირების მხრიდან მათ საქმიანობაში ჩარევა არ ხდება. თუმცა, საზოგადოებრივი მაუწყებლისთვის კვლავ პრობლემად რჩება ეფექტური კომუნიკაცია თანამშრომლებს შორის. თანამშრომლებს ბუნდოვანი წარმოდგენა აქვთ მაუწყებელზე მიმდინარე პროცესების შესახებ; მათ შორის, არ აქვთ საკმარისი ინფორმაცია მიმდინარე რეორგანიზაციის პროცესთან დაკავშირებით", ნათქვამია ორგანიზაციის ვებ-გვერდზე. სრულად... წყარო: www.transparency.ge