სამცხე–ჯავახეთი. დემოკრატ მესხთა კავშირის მიერ, პროექტ ნდობის მშენებლობა სამხრეთ კავკასიაში ფარგლებში წარმოებული ადვოკატირები კამპანიის შედეგად, ქალაქ ვალეს მოსახლეობამ მოითხოვა მოხმარებული სასმელი წყლის საფასურის კორექტირება და ზედმეტად გადახდილი თანხის მომდევნო თვეების გადასახადში ასახვა. მიუხედავად იმისა, რომ გაერთიანებული წყალმომარაგების კომპანია არ დაეთანხმა, მოქალქეთა აღნიშნულ მოთხოვნას (დეტალები იხილეთ გამოქვეყნებულ გადაწყვეტილებაში) მარეგულირებელმა კომისიამ მიიჩნია, რომ მოქალაქეების განცხადება უნდა დაკმაყოფილდეს, წყალმომარაგების კომპანიას უნდა დაევალოს დააკორექტიროს აბონენტებზე 2016 წლის ივნისსა და ივლისში დარიცხული სასმელი წყლის საფასური წესების მე-9 მუხლის მე-2 პუნქტის შესაბამისად და ზედმეტად გადახდილი თანხები მომხმარებლებს ჩაუთვალოს კომპანიასთან შემდგომ ანგარიშწორებისას”, ნათქვამი დემოკრატ მესხთა კავშირის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ჯამფსტარტ ჯორჯია" აქვეყნებს ვიზუალიზაციას: „ლარის გზამკვლევი". სრულად... წყარო: lari.jumpstart.ge

თბილისი. ადამიანის უფლებების სწავლებისა და მონიტორინგის ცენტრმა ახალი კამპანია „რას მოითხოვ შენ" დაიწყო. „რას მოითხოვ შენ?" კამპანია წარმოადგენს მცდელობას მოხდეს შრომისა და გარემოს დაცვის მიმართულებით არსებული საკანონმდებლო ხარვეზების, სისტემური პრობლემების იდენტიფიცირება. სრულად... წყარო: emc.org.ge

თბილისი. 10 თებერვალს, საკონსტიტუციო სასამართლომ EMC-ის მიერ წარდგენილი სარჩელი მიიღო ქუჩაში მცხოვრები მიუსაფარი პირებისთვის საარსებო შემწეობის შემზღუდავ რეგულაციებზე. „დასახელებულ სარჩელში EMC მუდმივი საცხოვრებელი ადგილის არმქონე, ქუჩაში მცხოვრები მიუსაფარი პირებისათვის საარსებო შემწეობის მიღების შემზღუდავი რეგულაციების არაკონსტიტუციურად ცნობას ითხოვს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ასოციაცია „ღირსეული სიბერის" თანამშრომლები უმწეო ხანდაზმულების ცხოვრების პირობებით მუდმივად ინტერესდებიან. „გეგმიური მონიტორინგის შედეგად ადვოკატირების ჯგუფმა 10-მდე ბენეფიციარი მოინახულა. მათი პრობლემების მოგვარება ორგანიზაციის საქმიანობის პრიორიტეტია", ნათქვამია ორგანიზაციის ვებ-გვერდზე.  ბენეფიციარებმა გაზრდილი კომუნალური გადასახადების გამო უკმაყოფილება გამოთქვეს. სრულად... წყარო: ორგანიზაციის ვებ-გვერდი სოციალურ ქსელში

თბილისი. 10 იანვარს, საქართველოს სოციალურ მუშაკთა ასოციაციაში სოციალურ მუშაკთა კლუბის პირველი შეხვედრა გაიმართა. „კლუბი დაარსდა 2016 წლის ოქტომბერში. კლუბის ადმინისტრაციის მხრიდან (თეონა გვალია, რეზო ხვედელიძე, სალომე დანელია) შეხვედრაზე წარდგენილ იქნა სტატია, რომელშიც განხილულ იქნა მოტივაციური სოციალური მუშაობა, განსაკუთრებით, ბავშვებთან და რეზისტენტულ მშობლებთან მუშაობისას. სოციალურ მუშაკთა კლუბი ასოციაციის თავმჯდომარის ინიციატივით შეიქმნა და მისი მიზანია, გააცნოს სოციალურ მუშაკებს გლობალურად სფეროში მიმდინარე სიახლეები (სხვადასხვა ქვეყნებში), რაც დაგვეხმარება პროფესიულ განვითარებაში, სწორი ხედვის ჩამოყალიბებასა და მიმდინარე გლობალურ პროფესიულ პროცესებში ჩართულობაში", ნათქვამია ორგანიზაციის ვებ-გვერდზე. სრულად... წყარო: gasw.org

თბილისი. 28 დეკემბერს, ცენტრმა „აფხაზეთმა" ევროკავშირის ფინანსური ხელშეწყობით 2016 წლის დეკემბერში ახალი პროექტის განხორციელება დაიწყო. „პროექტის ფარგლებში კახეთის, მცხეთა-მთიანეთის და შიდა ქართლის რეგიონში სოციალური საწარმოები დაფუძნდება, რომლებშიც მოზარდები დასაქმდებიან. აღნიშნული პროექტის თანა-განმცხადებლები გახლავთ საზოგადოება „ბილიკი" (გორი) და ორგანიზაცია „დივაინ ჩაილდ ფაუნდეიშენ ოფ ჯორჯია" (მცხეთა). პროექტის ბენეფიციარები აღნიშნულ რეგიონებში მცირე საოჯახო ტიპის სახლებსა და მინდობით აღზრდაში მყოფი მოზარდები არიან. ახლად დაფუძნებულ სოციალურ საწარმოებში მოხდება პროექტში ჩართული მოზარდების გადამზადება სხვა და სხვა უნარ-ჩვევების შეძენის მიზნით და შემდგომი მათი დასაქმება”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ცენტრი „აფხაზეთის" ვებ-გვერდი სოციალურ ქსელში

გურია. მოხალისეობის საერთაშორისო დღესთან დაკავშირებით, ახალგაზრდა პედაგოგთა კავშირის ახალგაზრდული ცენტრის ინიციატივით მოხალისეობრივი აქციები ჩატარდა ლაითურის, ნარუჯის, ხიდისთავისა და მოიდანახეს თემებში. „ცენტრის წევრებმა აღნიშნულ უბნებში მცხოვრები მარტოხელა მოხუცები და მრავალშვილიანი ოჯახები (5 ოჯახი) გამოავლინეს. აღნიშნული ოჯახების საჭიროებების შეფასების შემდგომ მოიძიეს მხარდამჭერები, რომლებმაც დახმარება გაუწიეს ოჯახებს, სახლის დალაგებაში, საკვების მომზადებასა და სხვა საოჯახო საქმეების მოწესრიგებაში. აქცია ორგანიზებული იყო „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში," ნათქვამია „ახალგაზრდა პედაგოგთა კავშირის" ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 8 დეკემბერს, „ევროკავშირისა” და „პური მსოფლიოსთვის” ფინანსური მხარდაჭერით, გაიმართა სოციალური მეწარმეობის ფორუმი - 2016. „ფორუმის მიზანი ქართველ სოციალურ მეწარმეებსა და ამ თემით დაინტერესებულ პირებს შორის კავშირურთიერთობის გაღრმავებაა, ფორუმი ყოველწლიურ ხასიათს ატარებს და ის 2012 წლიდან იმართება. 2016 წლის ფორუმზე, პირველად, გამოვლინდნენ გამარჯვებულები ნომინაციებში "წლის სოციალური საწარმო" და "წლის START UP სოციალური საწარმო". აღნიშნულ ნომინაციებში გამარჯვებულები გახდნენ სოციალური საწარმო " „ჰერა” და „არაბული Art-house”, ნათქვამია სოციალური მეწარმეობის ცენტრის ვებ-გვერდზე. სრულად... წყარო: ცენტრის ვებ-გვერდი სოციალურ ქსელში

თბილისი. ამ წუთებში, სასტუმრო Holliday Inn-ში, საქართველოს სტრატეგიული კვლევებისა და განვითარების ცენტრის (CSRDG), განათლების განვითარებისა და დასაქმების ცენტრის (KEDEC), საქართველოს არბაიტერ-სამარიტერ-ბუნდის (ASB) ორგანიზებით მიმდინარეობს „სოციალური მეწარმეობის ფორუმი – 2016". „სოციალური მეწარმეობის ფორუმი" 2012 წლიდან ტარდება და ყოველწლიურ ხასიათს ატარებს. „ფორუმის მიზანია სოციალურ მეწარმეებსა და ამ თემაზე მომუშავე ორგანიზაციებს შორის კავშირურთიერთობების გაღრმავება, ცნების პოპულარიზაციის ხელშეწყობა და ზოგადად, სოციალური მეწარმეობის განვითარების ხელშეწყობა საქართველოში", ნათქვამია ორგანიზაციის ვებ-გვერდზე. სრულად... წყარო: segeorgia.org

იმერეთი. 3 დეკემბერს, სოფელ პერევში, 3 სოციალურად დაუცველ ოჯახში, და სოფელ ბოდბისხევში, მოხუცთა პანსიონატში „ქალთა საინფორმაციო ცენტრი" საქართველოს ლატარიის კომპანიასთან ერთად ჩავიდა. „#ასეუფრომარტივია პროექტის მიზანია სოფლად მცხოვრები სოციალურად დაუცველი, მრავალშვილიანი ან მძიმე ყოფით პირობებში მცხოვრები ოჯახების დახმარება საყოფაცხოვრებო ტექნიკის საშუალებით, ასევე ბიზნეს სტრუქტურების წახალისება, სოციალური პასუხისმგებლობის ფარგლებში მხარი დაუჭირონ აღნიშნულ ინიციატივას და თავისი წვლილი შეიტანონ სოფლად მცხოვრები ოჯახების კეთილდღეობის საქმეში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგიც ცენტრი (EMC) აქვეყნებს სალომე ცოფურაშვილის პუბლიკაციას (ფოტოპროექტს): „ჭიათურა: საერთო ხედი სამოცდაათიოდე წლიანი ინტერვალით". „შორიდან, საერთო ხედით აღებული ყველაფერი ლამაზი და ფერადია, ხოლო რაც არ არის _ თეატრის გვერდით მდგომი შენობები, მაგალითად, _ ამასობაში წამოზრდილ ხეებში ჩამალულა. ქუჩებში იშვიათად, რომ ოც წელს ზემოთ ახალგაზრდა დაინახოთ. დანარჩენები ან წასულები არიან, ან მაღაროში მუშაობენ, ძირითადად, მამაკაცები. თუკი ვინმე არის კიდევაც, ათი წლით უფროსს მაინც ჰგავს, თავის ასაკთან შედარებით _ მძიმე შრომისა და ცხოვრების გამო", ნათქვამია ორგანიზაციის ვებ-გვერდზე. სრულად... წყარო: emc.org.ge

29 ნოემბერს, საქართველოს სოციალურ მუშაკთა ასოციაციაში შედგა სოციალური მომსახურების სააგენტოსა და ფსიქიკური ჯანმრთელობის სფეროში მომუშავე პრაქტიკოსი სოციალური მუშაკების შეხვედრა. „შეხვედრის მიზანი იყო ბენეფიციართა კეთილდღეობის ინტერესებიდან გამომდინარე სფეროში მომუშავე პრაქტიკოსებისა და სოციალური მომსახურების სააგენტოს სოციალურ მუშაკებისათვის პროდუქტული დიალოგის ხელშეწყობა იმ პრაქტიკულ საკითხებზე, რასაც ორივე მხარე აწყდება მუშაობისას, და არსებული ხარვეზების დაძლევის გზების ძიება. შეხვედრაში მონაწილეობა მიიღო 12 ადამიანმა. ფსიქიკური ჯანდაცვის სოციალურმა მუშაკებმა დეტალურად გააცნეს სააგენტოს სოციალურ მუშაკებს მათი მომსახურებები და გაუზიარეს ბენეფიციართა კეთილდღეობასთან დაკავშირებული გამოწვევები," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქუთაისის ახალგაზრდულმა ცენტრმა შეზღუდული შესაძლებლობის მქონე პირთა საერთაშორისო დღე აღნიშნა. „ცენტრის წევრები „მაკდონალდსთან" ერთად შეზღუდული შესაძლებლობის მქონე ბავშვთა დღის ცენტრს „ჯადოსნური სამყარო" ეწვივნენ და მათთან ერთად სხვადასხვა სახის შემეცნებით-გასართობი აქტივობები გამართეს. კომპანიამ ბავშვებს საჩუქრები გადასცა და ტკბილეულით გაუმასპინძლდა. ღონისძიების მიზანს წარმოადგენდა შშმ ბავშვების სოციალიზაცია და ინტეგრაცია საზოგადოებაში, მხარეთა სოციალური პასუხისმგებლობების განაწილება და ბავშვზე მზრუნველობა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 29 ნოემბერს, „ქალთა საინფორმაციო ცენტრი" საქართველოს ლატარიის კომპანიასთან ერთად სოფელ ტირძნისში ჩავიდა. „#ასეუფრომარტივია, ამ პროექტის ფარგლებში მათ სამ სოციალურად დაუცველ ოჯახში მყოფ ქალებს სარეცხი მანქანა გადასცეს. პროექტი #ასეუფრომარტივია 16 დღიანი კამპანიის ფარგლებში ხორციელდება, რომელიც ქალთა მიმართ ძალადობის აღმოფხვრას ემსახურება. პროექტის მიზანია სოფლად მცხოვრები სოციალურად დაუცველი, მრავალშვილიანი ან მძიმე ყოფით პირობებში მცხოვრები ოჯახების დახმარება საყოფაცხოვრებო ტექნიკის საშუალებით, ასევე ბიზნეს სტრუქტურების წახალისება, სოციალური პასუხისმგებლობის ფარგლებში მხარი დაუჭირონ აღნიშნულ ინიციატივას და თავისი წვლილი შეიტანონ სოფლად მცხოვრები ოჯახების კეთილდღეობის საქმეში,” ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. ნოემბრის თვეში გორის სამოქალაქო აქტივიზმის ცენტრმა დაიწყო კვლევა ადაპტირებული გარემოს შესახებ შშმ პირებისათვის. „ახალგაზრდები გავიდნენ ველზე და დააკვირდნენ შენობების ადაპტირებას, კონკრეტულად შშმ პირთათვის, რამდენად იყო პანდუსები შენობებთან, რათა შშმ პირმა შეძლოს შესვლა სხვადასხვა დაწებულებაში და თუ უკვე არსებობს პანდუსი შენობასთან, რამდენად ესადაგება სტანდარტებს. ახალგაზრდებთან ერთად შევარჩიეთ ის ობიექტები, რომლებშიც ყველაზე ხშირად უწევთ ადამიანებს შესვლა. ჩვენთვის საინტერესო იყო ადაპტირებული ობიექტები და შეძლებს თუ არა ეტლით მოსარგებლე სკოლაში სიარულს, მაღაზიაში, აფთიაქში, კაფეში შესვლას დაბრკოლების გარეშე. კვლევის შედეგებს ახალგაზრდები წარუდგენენ თვითმმართველობას რის შემდეგაც დაიგეგმება ადვოკატირების კამპანია და მოხდება ქალაქში ადაპტირებული გარემოს გაუმჯობესება”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. გაეროს ბავშვთა ფონდის მოსახლეობის კეთილდღეობის კვლევის 2015 წლის მონაცემების თანახმად, ბავშვთა სიღარიბე სოფლად დაახლოებით 50%-ით უფრო მაღალია, ვიდრე ქალაქში. „მოსახლეობის კეთილდღეობის კვლევა არის ოჯახების პანელური გამოკითხვა, რომელიც ყოველ ორ წელიწადში ერთხელ ტარდება და საქართველოს ხელისუფლების მიერ კონტროლირებულ ყველა რეგიონს მოიცავს. 2015 წლის კვლევის ფარგლებში 4533-მა შინამეურნეობამ შეავსო შესაბამისი კითხვარები და მიღებული შედეგები რეპრეზენტატიულია ქვეყნის მასშტაბით," ნათქვამია იუნისეფის ვებ-გვერდზე. კვლევა... წყარო: unicef.ge

თბილისი. 21 ნოემბერს, მოსახლეობის კეთილდღეობის კვლევის შედეგების პრეზენტაცია გაიმართა. „ყოველი მეხუთე ბავშვი სიღარიბის ზღვარს მიღმა ცხოვრობს, ხოლო ყოველი მეექვსე ბავშვი საარსებო მინიმუმზე ნაკლებს მოიხმარს; მიუხედავად იმისა, რომ გაიზარდა ოჯახების საშუალო მოხმარება, არ შეცვლილა მათი შემოსავალი. ღარიბ ბავშვებს კვლავ ნაკლები შესაძლებლობა აქვთ ისწავლონ საგანმანათლებლო დაწესებულებებში, ვიდრე მათ თანატოლებს მდიდარი ოჯახებიდან - ეს არის იუნისეფის მიერ დღეს წარმოდგენილი მოსახლეობის კეთილდღეობის კვლევის ზოგიერთი შედეგი", ნათქვამია იუნისეფის ვებ-გვერდზე. სრულად... წყარო: unicef.ge

თბილისი. 21 ნოემბერს, მწერალთა სახლში გაეროს ბავშვთა ფონდთან ერთად გაიმართა პანელ-დისკუსია - სოციალური თემები ხელოვნებასა და ლიტერატურაში. „დისკუსიის თემა იყო, რამდენად აისახება სოციალური თემები თანამედროვე ლიტერატურასა და ხელოვნებაში, როგორი ისტორიული გამოცდილება იყო ამ მხრივ წარსულში და რამდენად უნდა ეხმაურებოდეს ხელოვნება და ლიტერატურა იმ პრობლემებსა და გამოწვევებს, რაც საზოგადოებას აწუხებს. მომხსენებლებმა ისაუბრეს თუ როგორ და რა ფორმით არის შესაძლებელი სოციალური თემების ასახვა ხელოვნებასა და ლიტერატურაში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „შეზღუდული შესაძლებლობის მქონე პირთა განათლების და დასაქმების თანაბარი ხელმისაწვდომობის ადვოკატირება და ლობირება" ფარგლებში დასაქმების ფორუმი გაიმართა. „დასაქმების ფორუმზე, თბილისში მოქმედმა დიდმა და საშუალო საწარმოს ხელმძღვანელებმა სამუშაოს მაძიებელ შეზღუდული შესაძლებლობის მქონე პირებს ვაკანსიები შესთავაზეს და მათ საწარმოში დასაქმების ან სტაჟირების პროგრამაში ჩართვის შესაძლებლობა მისცეს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 19 ნოემბერს, სოციალური თერაპიის სახლის ტერიტორიაზე გაიმართება ულამაზესი ხელნაკეთი ნივთების გამოფენა-გაყიდვას, რომლებიც დამზადებულია შეზღუდული შესაძლებლობების მქონე ადამიანების მიერ. წარმოდგენილი იქნება ამ პოზიტიური და უსაყვარლესი ადამიანების მიერ დამზადებული ხის, სანთლის, მეორადი გადამუშავების ქაღალდის, ნაქსოვი და სტამბური პროდუქცია, რომლის ნახვის შემდეგაც ყველა დარწმუნდებით, რომ შესაძებლობები შეუზღუდავია! ულამაზესი ნივთების ავტორები გელიან ყველას! სრულად... წყარო: სოციალური თერაპიის სახლის ვებგვერდი სოციალურ ქსელში

თბილისი. 8 დეკემბერს, სასტუმრო „ჰოლიდეი ინ-ში" გაიმართება სოციალური მეწარმეობის ფორუმი 2016. დასწრების მსურველებმა უნდა შეავსონ აპლიკაციის ფორმა. აპლიკაციის ფორმა... წყარო: სოციალური ქსელი