თბილისი. 18 იანვარს, ივანე ჯავახიშვილის სახელობის თბილისის სახელმწიფო უნივერსიტეტში აკაკი ჩხენკელის მემორიალური ალბომის პრეზენტაცია გაიმართა. „ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევის მიმართულების ხელმძღვანელმა, ანტონ ვაჭარაძემ ისაუბრა მემორიალური ალბომის შინაარსსა და გამოყენებულ საარქივო მასალათა მნიშვნელობაზე, მიმოიხილა აკაკი ჩხენკელის გადადგმული ნაბიჯები და გამოკვეთა მისი განსაკუთრებული როლი საქართველოს პოლიტიკური ისტორიის შექმნაში. აკაკი ჩხენკელი იყო საქართველოს დემოკრატიული რესპუბლიკის საგარეო საქმეთა პირველი მინისტრი, 1921 წლიდან კი საქართველოს ელჩი საფრანგეთში. უნივერსიტეტის დამფუძნებელთა მოწვევით, მას ხვდა წილად უნივერსიტეტის გახსნის დღეს, 1918 წლის 26 იანვარს, პირველი სიტყვის წარმოთქმის პატივი“. სრულად... წყარო: idfi.ge

თბილისი. 19 იანვარს სტრასბურგის სასამართლომ მაჩალიკაშვილის საქმეზე გადაწყვეტილება გამოაქვეყნა. სოციალური სამართლიანობის ცენტრის ცნობით, ამ გადაწყვეტილებით ნაწილობრივ დაკმაყოფილდა განმცხადებლების მოთხოვნა და დადგინდა სიცოცხლის უფლების პროცედურული დარღვევა მაჩალიკაშვილის სიცოცხლის ხელყოფის საქმეზე ჩატარებულ გამოძიებაში გამოვლენილი ფუნდამენტური დარღვევების გამო. დიდწილად სწორედ გამოძიებაში არსებული ხარვეზები გახდა იმის მიზეზი, რომ სასამართლომ, ვერ უპასუხა საკვანძო კითხვას - იყო თუ არა თემირლანის წინააღმდეგ გამოყენებული ძალა არაპროპორციული, და შესაბამისად, ვერ შეძლო სიცოცხლის უფლების შინაარსობრივი დარღვევის აღიარება. ორგანიზაცია გთავაზობთ გადაწყვეტილების მიმოხილვას, რომელშიც წარმოდგენილია სასამართლოს შეფასება ყველა საკვანძო საკითხზე...  სრულად... წყარო: socialjustice.org.ge

თბილისი. ღირსეული შრომის პლატფორმის წევრი ორგანიზაციები, სოლიდარობას უცხადებენ სასწრაფოს ექიმების პროტესტს, რომელიც მერვე თვეა გრძელდება და სახელმწიფოს მხრიდან სათანადო რეაგირების არარსებობის პირობებში, კიდევ უფრო მწვავდება. „ქვეყანაში არსებული ინფლაციის მაღალი მაჩვენებლისა და გაძვირებული საცხოვრებელი პირობების გამო, სასწრაფოს ექიმებისა და მძღოლების ხელფასი, რომელიც მძიმე და სისტემატური მორიგეობების შედეგად, 1300 ლარს თუ აღწევს, სრულიად არაადეკვატურია, დასაქმებულთა პირველადი საჭიროებების დასაკმაყოფილებლად. ამ ადამიანების შრომაზე, კი უამრავი სხვა ადამიანის სიცოცხლე და ჯანმრთელობაა დამოკიდებული“. სრულად... წყარო: პლატფორმის გვერდი სოციალურ ქსელში

კახეთი. სოციალური სამართლიანობის ცენტრი ღრმა მწუხარებას გამოთქვამს, წუხელ, საგარეჯოში მომხდარი უმძიმესი დანაშაულის გამო და უსამძიმრებს დაღუპული მშვიდობიანი მოქალაქეების და პოლიციელის ოჯახებს. დაჭრილებს კი გამოჯანმრთელებას უსურვებს.  „სამართლებრივი საკითხების მიღმა, მნიშვნელოვანია მომხდარ ტრაგედიასთან დაკავშირებით, დავსვათ კითხვები, რომლებიც ამგვარი ძალადობის სტრუქტურულ მიზეზებს შეიძლება ხსნიდეს, მათ შორის:   როგორია ყოფილი სამხედრო პირების სოციალური დაცვის გარანტიები და როგორ მუშაობს ფსიქო-სოციალური მხარდაჭერის პროგრამები მათი საჭიროებების საპასუხოდ? ამ კონკრეტულ შემთხვევაში თავდაცვის სამინისტროს ჰქონდა თუ არა შეფასებული ყოფილი სამხედრო პირის მდგომარეობა და რა ზომები მიიღო მისი ქცევის მართვისთვის? ჰქონდა თუ არა/უნდა ჰქონოდა თუ არა თავდაცვის სამინისტროს და პოლიციას მისგან მომდინარე რისკების შესახებ ინფორმაცია და რამდენად ეფექტიანი იყო მათ მიერ მიღებული პრევენციული ზომები ამ შემთხვევაში?  ეს შემთხვევა თავდაცვის სექტორში დასაქმებული ადამიანებისა და ყოფილი სამხედროების მიმართ სოციალური პოლიტიკისა და ფსიქო-სოციალური მხარდაჭერის პროგრამების გაძლიერების საფუძველი უნდა გახდეს და იმედი გვაქვს, რომ სახელმწიფო, სამოქალაქო და პოლიტიკური ჯგუფები დისკუსიებსა და სამუშაოებს სწორედ ამ მიმართულებით წარმართავენ“. სრულად... წყარო: ორგანიზაციის გვერდი სოციალურ ქსელში ფოტო: რადიო თავისუფლება

სამეგრელო. ასოციაცია „ილი“ სამეგრელო-ზემო სვანეთის რეგიონში 2022 წლის საუკეთესო დამწყები სამოქალაქო საზოგადოების ორგანიზაცია გახდა. „2022 წლის სექტემბერ-ნოემბრის თვეში სამეგრელო-ზემო სვანეთის რეგიონული ჰაბის ინიციატივით გამოცხადდა კონკურსი 2022 წლის საუკეთესო დამწყები სამოქალაქო საზოგადოების ორგანიზაციის გამოსავლენად სამეგრელო-ზემო სვანეთის რეგიონში. კონკურსის მაქსიმალური ობიექტურობისთვის კონკურსის გამარჯვებულის გამოსავლენად მოწვეულ იქნა დამოუკიდებელი ჟიური, რომელშიც შევიდა კახეთის, გურიისა და შიდა ქართლის რეგიონული ჰაბების წარმომადგენლები. კონკურსი ჩატარდა სამეგრელო-ზემო სვანეთის რეგიონული ჰაბის ინიციატივით პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, ევროკავშირისა და კონრად ადენაუერის ფონდის მხარდაჭერით“. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ინფორმაციით, იუსტიციის სამინისტროს განცხადება, თემირლან მაჩალიკაშვილის საქმეზე ადამიანის უფლებათა ევროპული სასამართლოს მიერ მიღებული გადაწყვეტილების შესახებ მანიპულაციურია. ორგანიზაცია წინამდებარე განცხადებაში წარმოადგენს იუსტიციის სამინისტროს ოფიციალური განმარტებების კრიტიკას. სრულად... წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სოციალური სამართლიანობის ცენტრის ინფორმაციით, თემირლან მაჩალიკაშვილის საქმეზე სასამართლომ დაადგინა მე-2 მუხლის (სიცოცხლის უფლების) დარღვევა პროცედურულ ნაწილში და მიიჩნია, რომ გამოძიება იყო არაეფექტური. ორგანიზაციის შეფასებით, სასამართლომ გაიზიარა მათი ყველა კრიტიკული შეფასება, რომელიც გამოძიების პროცესთან მიმართებით ჰქონდათ.  „სიცოცხლის უფლების შინაარსობრივი დარღვევა სასამართლომ ვერ დაადგინა, რადგან, როგორც თავად უთითებს, გამოძიების ხარვეზების გამო მტკიცებულებების სათანადო შეფასება შეუძლებელი გახდა. ამასთანავე, სასამართლომ არ განიხილა მე-3 მუხლით დაკავშირებული უფლებები (წამების, არაადამიანური და ღირსების შემლახავი მოპყრობის ან დასჯის აკრძალვა) ასევე, ცალკე არ განუხილავს 13-ე მუხლი (უფლება ეფექტიანი სამართლებრივი დაცვის შიდა საშუალებებზე), რადგან მისი აზრით, არსებითი საკითხები მე-2 მუხლის ქვეშ უკვე შეფასებული იყო“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციის ინფორმაციით, 17 იანვარს ევროპულმა სასამართლომ საიას-ს მიერ მედიის 16 წარმომადგენლის სახელით გასაჩივრებული საქმის არსებითი განხილვა დაიწყო.  საჩივარი სიძულვილის ჯგუფების მიერ 2021 წლის 05 ივლისს განხორციელებულ ძალადობას ეხება და საგულისხმოა, რომ საჩივრის გაგზავნიდან (2022 წლის 04 ნოემბერი), არსებითი განხილვის ეტაპის გადაწყვეტა სასამართლოს მიერ საკმაოდ შემჭიდროვებულ დროში მოხდა. სრულად... წყარო: www.gyla.ge

თბილისი. როგორ ქმნიან დევნილები უცხო გარემოში ახალ „საკუთარ სახლს“, როგორ აღიქვამენ ისინი მშობლიურობის ფენომენს და როგორ არის მატერიალიზებული ამჟამინდელ საცხოვრისში ეს განცდები - სოციალური სამართლიანობის ცენტრი გიზიარებთ მონიკა ზუხბაიას სტატიას: „საკუთარი სახლის დაკარგვა და ცხოვრება „სხვის სახლში“. „ინტერვიუებმა აჩვენა, რომ თბილისში მცხოვრებ დევნილებს სახლის ფენომენი ერთი მხრივ, ძველი – „საკუთარი სახლის“ და მეორე მხრივ, ახალი – „სხვისი სახლის“ კონტექსტში ესმით. სახლის კონცეპტი მატერიალურისა და სოციალურის ერთგვარი სინთეზია, რადგან ის უფრო მეტია, ვიდრე ფიზიკური შენობა, ის გაგებულია, როგორც თავშესაფარი, კუთვნილების, უსაფრთხოების, ზრუნვის, სიმშვიდის, კომფორტისა და საყვარელ ადამიანებთან ურთიერთობების ადგილი. დევნილებისთვის, რომელთაც მოუწიათ ყველაფრის დატოვება, სახლი ასოცირდება წარსულთან“. სრულად... წყარო: socialjustice.org.ge

თბილისი. საქართველოს რეფორმების ასოციაციამ (GRASS) ევროკავშირის მიერ საქართველოსთვის განსაზღვრული 12 პირობის შესრულების შესახებ ანგარიში გამოაქვეყნა. ორგანიზაციის შეფასებით, 12 პირობიდან საქართველომ ამ დრომდე არ შეასრულა 6 პირობა, ნაწილობრივ შეასრულა - 3; მეტწილად შეასრულა 2 პირობა, ხოლო ერთი პირობა სრულად შესრულებულია. სრულად... წყარო: bm.ge

თბილისი. საქართველოს ახალგაზრდა იურისტთა ასოციაციის ინფორმაციით, საქართველოში დღემდე მოქმედებს ადამიანის ფუნდამენტურ უფლებებთან შეუსაბამო კოდექსი. „გახსოვდეთ, რომ თუ პოლიცია ადმინისტრაციული სამართალდარღვევის ჩადენას გედავება და საქმეს სასამართლო იხილავს, ყოველგვარი ეჭვი უნდა დადასტურდეს შესაბამისი მტკიცებულებით, წინააღმდეგ შემთხვევაში საქმე თქვენს სასარგებლოდ უნდა დასრულდეს.  წაიკითხეთ დეტალური ინფორმაცია, თუ რატომ ითხოვს საია ამ კოდექსის შეცვლას... სრულად... წყარო: ორგანიზაციის გვერდი სოციალურ ქსელში

თბილისი. მედიის ადვოკატირების კოალიცია ეხმიანება თბილისის სააპელაციო სასამართლოს მიერ 2023 წლის 16 იანვარს მიღებულ განაჩენს, რომლის საფუძველზეც მედიის წარმომადგენლებზე, 2021 წლის 5 ივლისის თავდასხმისას, ძალადობაში მსჯავრდებულები ორგანიზებული ჯგუფური ძალადობის ჩადენაში გამართლდნენ და მათ პირველი ინსტანციის სასამართლოს მიერ განსაზღვრული სასჯელი შეუმცირდათ.  „აღნიშნული განაჩენი ჟურნალისტების, გამოხატვის თავისუფლებისა და დემოკრატიული პროცესების წინააღმდეგ გადადგმულ მორიგი ნაბიჯია.  კოალიცია კიდევ ერთხელ მოუწოდებს ხელისუფლებას უზრუნველყოს ჟურნალისტების უფლებების ეფექტიანი დაცვა, მათ შორის, 2021 წლის 5 ივლისს მედიაზე ჯგუფური თავდასხმის ორგანიზატორებისა და მონაწილეების პასუხისგებაში მიცემა“. სრულად... წყარო: კოალიციის გვერდი სოციალურ ქსელში

18 იანვარს, 19:00 საათზე, სასტუმრო „ჰოლიდეი ინნ“-ში „საფარის“ დაარსების აღსანიშნავი ღონისძიება გაიმართება, რომელსაც ადგილობრივი და საერთაშორისო უფლებადამცველი ორგანიზაციების წარმომადგენლები დაესწრებიან. მისამართი: თბილისი, 26 მაისის მოედანი #1

თბილისი. 2023 წლის ბოლოდან ევროპის ქვეყნებში მოგზაურობისთვის, უსაფრთხოების გაზრდის მიზნით, სპეციალური ფორმის შევსება იქნება აუცილებელი. ამის შესახებ ვრცლად, საქართველოს სტრატეგიის და განვითარების ცენტრის (GCSD) დირექტორის მოადგილემ, გოგიტა ღვედაშვილმა ევრონიუსის პირდაპირ ეთერში ისაუბრა. სრულად... წყარო: ორგანიზაციის გვერდი სოციალურ ქსელში

თბილისი. USAID ხელს უწყობს ახალგაზრდებს სრულად შეძლონ თავიანთი პოტენციალის რეალიზება, მათთვის სასურველი მიმართულებით, მათ შორის IT სფეროში, რომელიც გლობალურად მზარდი და მოთხოვნადი ინდუსტრიაა. სრულად... წყარო: ორგანიზაციის გვერდი სოციალურ ქსელში

იმერეთი. საქველმოქმედო ჰუმანიტარული ცენტრი „აფხაზეთის“ (CHCA) ოფისში ხონის მუნიციპალიტეტის წარმომადგენლებთან ერთად პირველი სამუშაო შეხვედრა გაიმართა. 2023 წლის, 11 იანვარს, CHCA-ს ოფისში, ხონის მუნიციპალიტეტის მერმა, ლადო ჯურხაძემ და CHCA-ს აღმასრულებელმა დირექტორმა, ნუკრი მილორავამ ხელი მოაწერეს პროექტის „ხონის მუნიციპალიტეტის ინტეგრირებული ტერიტორიული განვითარების“ საგრანტო კონტრაქტს. პროექტი ხორციელდება ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2022 წელს საჯარო ინფორმაციის პროაქტიული ხელმისაწვდომობის საშუალო მაჩვენებელი 60%-ია. 2022 წელს, შესაბამისი სამართლებრივი აქტის მოთხოვნების დაცვით მხოლოდ 3 საჯარო დაწესებულებას ჰქონდა სრულყოფილად გამოქვეყნებული ინფორმაცია; ცენტრალურ საჯარო დაწესებულებებს შორის ყველაზე დაბალი შეფასება აქვთ მთავრობის ადმინისტრაციას (34%) და საგარეო საქმეთა სამინისტროს (35%). ხოლო, კულტურის და სპორტის სამინისტროს საერთოდ არ ჰქონდა საკუთარი ვებგვერდი; ყველაზე პრობლემური საკითხი, კვლავ ფინანსების განკარგვასთან დაკავშირებული ინფორმაციის გამოქვეყნება რჩება; გაეცანით საქართველოს საჯარო დაწესებულებებში საჯარო ინფორმაციის პროაქტიული გამოქვეყნების პრაქტიკას (2022). სრულად... წყარო: idfi.ge

თბილისი. საქართველოს ახალგაზრდა იურისტთა (საია) ინფორმაციით, თბილისის სააპელაციო სასამართლომ, 2022 წლის 16 იანვარს მიღებული განაჩენით ალექსანდრე ლაშქარავასა და მირანდა ბაღათურიას მიმართ მსჯავრდებული ექვსი პირი ორგანიზებული ჯგუფური ძალადობის ჩადენაში გაამართლა (სსკ-ის 225 მუხლი, მე-2 ნაწილი). შედეგად, მსჯავრდებულ პირებს შეუმცირდათ თბილისის საქალაქო სასამართლოს მიერ მათთვის განსაზღვრული სასჯელი.  საია-ს შეფასებით, ეს წარმოადგენს 2021 წლის 05 ივლისს მედიის წარმომადგენლებზე სიძულვილის ჯგუფების მიერ განხორციელებულ ძალადობაზე დაუსჯელობის სინდრომის გაძლიერების კიდევ ერთ მაგალითს, რაშიც უპირველესი როლი შინაგან საქმეთა სამინისტროსა და საქართველოს პროკურატურას მიუძღვით, როგორც გამოძიების წარმართვასა და ბრალის წარდგენაზე უფლებამოსილ ორგანოებს. სრულად... წყარო: www.gyla.ge

17 იანვარს, 10:30 საათზე, სასტუმრო „რუმსის“ გარდენ ჰოლში, საქართველოს ფერმერთა ასოციაციის ორგანიზებით, მისი მთავარი საკონსულტაციო ორგანოს - ფერმერთა სათათბიროს რეორგანიზაციის საპრეზენტაციო ღონისძიება გაიმართება. მისამართი: თბილისი, მერაბ კოსტავას #14

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ–ბიულეტენი...

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, საქმეზე „სოფიო კვინიკაძე ეკო ფანგანის წინააღმდეგ“, ტელეკომპანია „იმედის“ ჟურნალისტმა ეკო ფანგანმა ქარტიის მე-7 პრინციპი დაარღვია. „განმცხადებელი მიიჩნევდა, რომ გადაცემა წაახალისებდა ჭარბწონიანი ადამიანების მიმართ ქვეყანაში უკვე არსებულ სტიგმას და დისკრიმინაციულ განწყობას, რომ ყოველგვარ ჭარბ წონას არაჯანსაღი კვება იწვევს. მისი თქმით, ამას ამტკიცებდა გარემოება, რომ გადაცემის დასაწყისში ეკრანზე აჩვენებდნენ ჭარბწონიანი ადამიანის ფოტოს, რომელიც fast food-ს [სწრაფი კვება] მიირთმევს. განმცხადებელი ამბობს, რომ აღნიშნული საკითხის მიმართ ჟურნალისტს უნდა გამოეჩინა პასუხისმგებლობა და სიფრთხილით შეერჩია ფოტოები/გამოეყენებინა ფრაზები. სოფიო კვინიკაძის თქმით, მაგალითად, ჟურნალისტის ნათქვამი, რომ ჭარბწონიან ადამიანებში გვხვდება კონკრეტული დაავადებები და ამის გამო „არ შეიძლება ჭარბ წონას პროპაგანდა გავუწიოთ", არასწორია, რადგან აღნიშნული არგუმენტი აზიანებს body positivity მოძრაობის მთავარ არსს - ჭარბი წონა სიმახინჯეს არ ნიშნავს. ქარტიის საბჭო მიიჩნევს, რომ განსახილველ შემთხვევაში, დაირღვა ქარტიის მე-7 პრინციპი“. სრულად... წყარო: www.qartia.ge