სამცხე-ჯავახეთი. კავკასიის გარემოსდაცვითი არასამთავრობო ორგანიზაციების ქსელის (CENN) და საქართველოში „მერსი ქორფს“-ის წარმომადგენლობას შორის ნინოწმინდის მუნიციპალიტეტში მეწარმეობის განვითარების მიზნით უერთიერთთანამშრომლობის მემორანდუმი გაფორმდა.  ასევე, ნინოწმინდის ინოვაციური ცოდნის ჰაბში გაიმართა საინფორმაციო სესია  „ახალგაზრდული მეწარმეობა სოფლის განვითარებისთვის“ (RDYE) პროექტის შესახებ. სრულად... წყარო: ორგანიზაციის გვერდი სოციალურ ქსელში

თბილისი. 29 აპრილს, სოციალური სამართლიანობის ცენტრმა საჯარო დისკუსია გამართა სახელწოდებით: „უკრაინის ომი და საქართველოს სამშვიდობო პოლიტიკის ახალი კონტექსტები და გამოწვევები“. „უკრაინაში რუსეთის აგრესიული და სასტიკი ომის კონტექსტში კიდევ უფრო აქტუალური გახდა საქართველოს სამშვიდობო პოლიტიკის მომავალი პერსპექტივებისა და სირთულეების საკითხი. ჩვენი დისკუსიის მიზანი იყო ხელი შეგვეწყო საჯარო სივრცეში სამშვიდობო პოლიტიკის კრიტიკულ საკითხებზე განხილვასა და მსჯელობას, ექსპერტების მონაწილეობით შევაფასეთ შექმნილი რეალობა და საქართველოს კონფლიქტების ტრანსფორმაციის მომავალი პერსპექტივები და გამოწვევები“, ნათქვამია ორგანიზაციის გვერდზე სოციალურ ქსელში.  უფრო მეტი ღონისძიების შესახებ... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) საგამოძიებო მედია ლაბის პარტნიორი გახდა. ორგანიზაცია აქტიურად ითანამშრომლებს საგამოძიებო მედია ლაბთან. „მეხსიერებისა და დეზინფორმაციის კვლევების მიმართულების ხელმძღვანელი, ანტონ ვაჭარაძე და ანალიტიკოსი, ნინო გოზალიშვილი მედია ლაბის მოწვეული ლექტორები იქნებიან. მათ მიერ სასერტიფიკატო და საუნივერსიტეტო პროგრამის ფარგლებში მომზადებული საგნები, მედია ლაბის პროგრამაში ინტეგრირდება“. სრულად...  წყარო: idfi.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ორგანიზაციის საერთაშორისო სამართალწარმოების გუნდის თანაშემწის, ნინო თურმანიძის ბლოგპოსტს: „უკრაინა რუსეთის ფედერაციის წინააღმდეგ მართლმსაჯულების საერთაშორისო სასამართლოში“. „ბლოგპოსტი მიმოიხილავს თუ რატომ დაეყრდნო უკრაინა გენოციდის კონვენციას მართლმსაჯულების საერთაშორისო სასამართლოში შეტანილ საჩივარში მის მიერ წარდგენლი არგუმენტაციისა და სასამართლოს განმარტებების საფუძველზე. ამასთან, საერთაშორისო სამართლის მიხედვით, შესაძლოა თუ არა ლეგიტიმურად ჩაითვალოს ძალის გამოყენება სხვა სახელმწიფოს წინააღმდეგ შესაძლო გენოციდის პრევენციისა და დასჯის მიზნით?“ სრულად... წყარო: gyla.ge

თბილისი. საქართველოს სახალხო დამცველმა პარლამენტს წარუდგინა ალტერნატიული ანგარიში ადამიანის უფლებათა ევროპული სასამართლოსა და გაეროს ქალთა მიმართ დისკრიმინაციის აღმოფხვრის კომიტეტის მიერ საქართველოს მიმართ გამოტანილი გადაწყვეტილებების აღსრულების მდგომარეობის შესახებ. „ალტერნატიული ანგარიში მიმოიხილავს საქართველოს წინააღმდეგ ევროპული სასამართლოს მიერ გამოტანილი გადაწყვეტილებების აღსრულებისათვის სახელმწიფოს მიერ მიღებულ ზოგად ღონისძიებებს შემდეგ საქმეებში: „ცინცაბაძის ჯგუფი“, „იდენტობის ჯგუფი“, „ნ.წ. და სხვები საქართველოს წინააღმდეგ“”, „,,ამირიძე საქართველოს წინააღმდეგ“’’ და „,,მერაბიშვილი საქართველოს წინააღმდეგ’’“. გარდა ამისა, ანგარიშში შეფასებულია ხანუმ ჯეირიანოვას საქმეზე საქართველოს წინააღმდეგ გაეროს ქალთა მიმართ დისკრიმინაციის აღმოფხვრის კომიტეტის მიერ გამოტანილი გადაწყვეტილების აღსასრულებლად განხორციელებული ზოგადი ღონისძიებები. დოკუმენტში გაანალიზებულია, თუ რამდენად საკმარისია ზემოაღნიშნული საქმეების აღსასრულებლად სახელმწიფოს მიერ გადადგმული ნაბიჯები“, ნათქვამია ანგარიშში. ანგარიშის ელექტრონული ვერსია... წყარო: ombudsman.ge

თბილისი. სოციალური სამართლიანობის ცენტრი გთავაზობთ ანგარიშს, რომელშიც შეფასებულია 2021 წლიდან 2022 წლის მარტის ჩათვლით გამართული საპროტესტო დემონსტრაციების დროს პოლიციის მხრიდან გამოყენებული ძალის პროპორციულობა და უფლებრივ დარღვევებზე სახელმწიფოს რეაგირების ეფექტიანობა. დოკუმენტი იხ. ბმულზე... „საპოლიციო ძალა სულ უფრო ხშირად გვევლინება პროცესების მართვის წამყვან მექანიზმად, როგორც პოლიტიკური კრიზისების დროს, ისე სხვადასხვა სოციალურ საკითხთან დაკავშირებულ კონფლიქტებში. განსაკუთრებით მწვავე იყო 5 ივლისს განვითარებული მოვლენები, როდესაც ერთი მხრივ ჩვენ ვნახეთ, პოლიციის უმოქმედობა, როდესაც ხელისუფლებამ დაუშვა და ირიბად წაახალისა ძალადობრივი მოქმედებები. მეორე მხრივ, ნამოხვანის პროტესტის მიმდინარეობისას, ჩვენ ვიხილეთ ჭარბი/ინტენსიური საპოლიციო ძალების მობილიზება, როდესაც ხისტი და რეპრესიული მეთოდებით, ხელისუფლება ცდილობდა ჭარბი საპოლიციო ძალით ფიზიკური ბარიერები შეექმნა და ხელი შეეშალა რიონის ხეობის მცველების ლეგიტიმური, მშვიდობიანი და სამართლიანი პროტესტისთვის“, ნათქვამია ანგარიშში. წყარო: socialjustice.org.ge

გურია. 4 მაისს, ნორვეგიის სამეფოს საგანგებო და სრულუფლებიანი ელჩი საქართველოში ჰელენ სანდ ანდრესენი და გაეროს ქალთა ორგანიზაციის წარმომადგენელი საქართველოში კაორი იშიკავა, „ფონდი ტასოს“ წარმომადგენლებთან ერთად, „ქალთა ეკონომიკური გაძლიერების“ პროექტის ყოფილ მონაწილეს, ქეთი წილოსანს ლანჩხუთში ეწვივნენ. „ქეთი წილოსანმა სტუმრებს დაწვრილებით უამბო, თუ როგორ დააარსა, პროექტში მონაწილეობის შედეგად, სოციალური კაფე „ქეთოსთან“, რომელიც დღეს ლანჩხუთში თავშეყრის ერთ-ერთი ყველაზე ცნობილი ადგილია“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

5 მაისს, 20:00 საათზე, რონდელის ფონდის ორგანიზებით გაიმართება ვებინარი თემაზე: მიდის თუ არა ნორმალიზებისკენ სომხეთსა და აზერბაიჯანს შორის არსებული ურთიერთობები? სრულად...

5 მაისს, 18:30 საათზე, სოციალურ მუშაკთა გაერთიანება გამართავს კვლევების პრეზენტაციასა და დისკუსიას თემაზე - სოციალური მუშაკების შრომის უფლებები საქართველოში. სრულად...

5 მაისს, 18:00 საათზე, საქართველოს პოლიტიკის ინსტიტუტი (GIP) გამართავს ვირტუალურ მრგვალი მაგიდის დისკუსიას თემაზე: 30 წლიანი მეგობრობა: ამერიკა-საქართველოს სტრატეგიული პარტნიორობა. სრულად...

5 მაისს, 18:00 საათზე, სამართლიანი არჩევნების (ISFED) და სოციალური სამართლიანობის ცენტრის ორგანიზებით გაიმართება ფორუმი: რეპრესიები კულტურის სფეროში. კულტურის მოთვინიერების მცდელობა. სრულად...

5 მაისს, 18:00 საათზე, ზუმის პლატფორმის მეშვეობით გაიმართება პრეზენტაცია და პანელური დისკუსია თემაზე: „რუსეთზე დაწესებული სანქციების ეფექტურობის შეფასება“. სრულად...

2022 წლის 1 მაისიდან ამოქმედდა საქართველოს მთავრობის დადგენილებით განსაზღვრული ცვლილებები. საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთებთან, საფასურის გადახდევინების წესებთან და მომსახურების ვადებთან დაკავშირებით. ცვლილებები პირდაპირ ეხება მეწარმე სუბიექტისა და არასამეწარმეო (არაკომერციული) იურიდიული პირისთვის რელევანტური მომსახურებების ღირებულებებს და აქამდე არსებული ფასების ზრდაში გამოიხატება. მათ შორის: მეწარმე სუბიექტისა და არასამეწარმეო (არაკომერციული) იურიდიული პირის რეგისტრაციის, რეგისტრირებულ მონაცემებში ცვლილებებისა და მათი შეწყვეტის რეგისტრაციის საფასური, თუ მოცემული ხორციელდება 1 სამუშაო დღის ვადაში, განისაზღვრება 200 ლარით (ნაცვლად 100 ლარისა), იმავე მომსახურების დაჩქარებული წესით მიღების (იმავე სამუშაო დღეს) საფასური კი 400 ლარი (ნაცვლად 200 ლარისა) გახდა. არასამეწარმეო (არაკომერციული) იურიდიული პირებისა და უცხო ქვეყნის არასამეწარმეო (არაკომერციული) იურიდიული პირის ფილიალის (წარმომადგენლობის) რეგისტრირებულ მონაცემებში სუბიექტის ელექტრონული ფოსტის მისამართის, ტელეფონის ნომრის რეგისტრაციის, ასევე რეგისტრირებული მონაცემის ცვლილების ან შეწყვეტის რეგისტრაციის ღირებულება – 1 სამუშაო დღის ვადაში – 26 ლარით (ნაცვლად 20 ლარისა), ხოლო იმავე მომსახურების დაჩქარებული წესით მიღების საფასური 75 ლარით (ნაცვლად 50 ლარისა) განისაზღვრა. მეწარმეთა და არასამეწარმეო (არაკომერციული) იურიდიული პირების რეესტრში რეგისტრირებული უფლების სუბიექტისა და ობიექტის საიდენტიფიკაციო მონაცემების ცვლილების რეგისტრაცია – 1 სამუშაო დღის ვადაში უსასყიდლოა, ხოლო იმავე მომსახურების დაჩქარებული წესით მიღების (იმავე სამუშაო დღეს) საფასური 75 ლარი გახდა (ნაცვლად 50 ლარისა).  საჯარო რეესტრიდან ამონაწერის მომზადება – 1 სამუშაო დღის ვადაში – 20 ლარი ეღირება (ნაცვლად 15 ლარისა), ხოლო თუ მოთხოვნა განხორციელდა ელექტრონულად, ინტერნეტის საშუალებით მომსახურების საფასურია 13 ლარი (ნაცვლად 10 ლარისა). დაჩქარებული წესით კი ამ მომსახურების საფასური, შესაბამისად, 75 ან 52 ლარი იქნება (ნაცვლად 50 ან 40 ლარისა). გაეცანით დეტალურად ცვლილებებს...

თბილისი. სოციალური სამართლიანობის ცენტრი აქვეყნებს ანალიტიკურ დოკუმენტს: ყარაბაღის მეორე ომის გავლენები საქართველოს არადომინანტურ ეთნიკურ ჯგუფებზე. „27 სექტემბერს აზერბაიჯანისა და სომხეთის სახელმწიფოებს შორის ყარაბაღის მეორე ომი დაიწყო. ამ ომმა მნიშვნელოვანი ზეგავლენა მოახდინა არა მხოლოდ მასში ჩართულ ქვეყნებზე, არამედ მთლიანად რეგიონზე და რეგიონში არსებულ ძალთა ბალანსზე. ჩვენი ანალიტიკური დოკუმენტი მიზნად ისახავს, გამოიკვლიოს საქართველოს მოქალაქეებზე ყარაბაღის ომის გავლენები“. სრულად... წყარო: socialjustice.org.ge

თბილისი. თუ წერა გიყვართ, ქმნით ბლოგებს, ესეებს, სამეცნიერო სტატიებს, სხვა საინტერესო ნარატივს და გსურთ ონლაინ სივრცეში გამოქვეყნება, საქართველოს ახალგაზრდა მკვლევარ-სოციოლოგთა ასოციაცია თავის ვებ-საიტზე თავისუფალ პანელს დაგითმობთ - პროფესიის, განათლების საფეხურის, ასაკის და სხვა მახასიათებლების შეუზღუდავად. ძირითადი მოთხოვნები პუბლიკაციის გამოგზავნისას: 1. MS Word ფორმატი, ფონტი Sylfaen, შრიფტის ზომა 12; 2. თუ ტექსტში იყენებთ გრაფიკებს, დიაგრამებს, ფოტოებს, ჩასვით მაღალი ხარისხის JPG ან PNG ფორმატით; 3. თუ იყენებთ სხვა ნაშრომების ციტირებას, დაიცავით წყაროების დამოწმების და პლაგიატის წესები; 4. ნაშრომში არ უნდა იყოს გამოყენებული სიძულვილის ენა, დისკრიმინაციის შემცველი ფრაზები; სრულად... წყარო: ორგანიზაციის გვერდი სოციალურ ქსელში

თბილისი. გაეცანით „საერთაშორისო გამჭვირვალობა - საქართველოს“ ბლოგპოსტს მთავრობის მიერ პარლამენტში ინიცირებულ ცვლილებების ახალ პროექტზე. „მთავრობის მიერ შემოთავაზებული ახალი ცვლილებების ასახვა კანონმდებლობაში გაუმართლებლად ზრდის საგამოძიებო უწყებების უფლებამოსილებას სასამართლო კონტროლის გვერდის ავლით მოიპოვონ პირთა კონფიდენციალური ინფორმაცია“, ნათქვამია ორგანიზაციის ბლოგპოსტში. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით,  2 მაისს საქართველოს პარლამენტის თბილისის სასახლეში მოქალაქეთა განახლებული მისაღები გაიხსნა. „მოქალაქეთა მისაღები არის საქართველოს პარლამენტის მოქალაქეთა ჩართულობის ცენტრის კონცეფციის შემადგენელი ნაწილი. მოქალაქეთა განახლებული მისაღები მიზნად ისახავს საპარლამენტო საქმიანობაში მოქალაქეთა ჩართულობის ხელშეწყობას და საპარლამენტო სერვისების მოქალაქეთათვის „ერთი ფანჯრის“ პრინციპით მიწოდებას“. სრულად... წყარო: idfi.ge

თბილისი. პრესის თავისუფლების მსოფლიო დღის აღსანიშნად, ევროკავშირმა და სამართლიანი არჩევნებისა და დემოკრატიის საერთაშორისო საზოგადოებამ (ISFED) მედიის წარმომადგენლებისათვის გამართულ კონფერენციას უმასპინძლეს.  კონფერენციაზე შეფასდა ქართული მედიაგარემო, არსებული გამოწვევები და მათი გადაჭრის ახალი გზები. კონფერენციის მონაწილეებს სიტყვით მიმართა, ასევე, ევროკავშირის საგარეო სამსახურის პრესსპიკერმა პიტერ სტანომ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის დახმარებით პენსიონერმა კუთვნილი პენსიის სრულად მიღება შეძლო. ორგანიზაციის ცნობით, ამ ტიპის პრობლემასთან დაკავშირებით ბოლო პერიოდში სხვა მოქალაქეებმაც მომართეს. ამდენად, ამ საქმეზე დადგენილი პრაქტიკა შესაძლოა სხვა ბენეფიციარებისთვისაც იყოს სასარგებლო. „პრობლემის გადაჭრის მიზნით, პირველ რიგში, პენსიონერმა საბანკო დაწესებულებას უნდა მიმართოს საჩივრით (საპრეტენზიო განაცხადით) და მოითხოვოს პენსიის გაცემა, აგრეთვე, ინფორმაცია პენსიის დაკავების მიზეზთან დაკავშირებით“. სრულად... წყარო: gyla.ge

თბილისი. აქტივისტები სხვადასხვა თემიდან საუბრობენ სოლიდარობის პლატფორმაზე, რომელიც 2019 წელს შეიქმნა და აერთიანებს საქართველოს სხვადასხვა ეთნიკურ და რელიგიურ ჯგუფს. „სოლიდარობის პლატფორმა არის სივრცე, სადაც ჩვენ ვცდილობთ, დავინახოთ ამ ჯგუფების შეხების წერტილები, ვსაუბრობთ ჩვენს ყოფაზე და იმ ექსკლუზიურ გამოცდილებებზე, რომელიც შეიძლება განსაკუთრებით მწვავედ იდგეს საქართველოს სხვადასხვა ეთნიკური და რელიგიური ჯგუფებისთვის“. სრულად... წყარო: socialjustice.org.ge

თბილისი. „უფლებები საქართველოს“ დახმარებით, ირანის მოქალაქემ თბილისის სააპელაციო სასამართლოში დავა მოიგო. „თბილისის სააპელაციო სასამართლოში მიმდინარე დავისას ბენეფიციარის ინტერესებს იცავდა  „უფლებები საქართველოს“ იურისტი მარიამ მაღრაძე, IOM-ის პროექტის - „COVID-19 და მიგრანტების საჭიროებები სამხრეთ კავკასიაში“ ფარგლებში, რომელიც ხორციელდება მოსახლეობის, ლტოლვილთა და მიგრაციის ბიუროს მხარდაჭერით“. თუ ხართ მიგრანტი და მიგაჩნიათ, რომ საჭიროებთ იურიდიულ დახმარებას, დაუკავშირდით ორგანიზაციას ნომერზე: (+995) 577 28 22 77. სრულად... წყარო: ორგანიზაციის გვერდი სოციალურ ქსელში