თბილისი. საერთაშორისო გამჭვირვალობა - საქართველოს ინფორმაციით, ბოლო თვეების განმავლობაში ცილისწამების თაობაზე 28 სარჩელი შევიდა სამი წამყვანი კრიტიკული ტელევიზიის „მთავარი არხის“, „ფორმულას“ და „ტვ პირველის“ წინააღმდეგ. „მომჩივნების დიდი ნაწილი მმართველი პარტიის წარმომადგენლები, მაღალი თანამდებობის პირები და მათთან დაახლოებული პირები არიან. დროის მცირე მონაკვეთში კრიტიკული მედიის წინააღმდეგ სარჩელების სიმრავლე აშკარად კოორდინირებულ ტენდენციაზე მიანიშნებს, რაც მედიის საქმიანობის შეზღუდვასა და დაშინებას ისახავს მიზნად“. ორგანიზაცია მოუწოდებს ხელისუფლებას: შეწყვიტოს საკუთარი გავლენების გამოყენება სასამართლო და სხვა სახელმწიფო ინსტიტუტებზე, რაც მედიის შევიწროებას თუ მათზე ზეგავლენის მოხდენას ისახავს მიზნად... სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, 28 მარტს „საქართველოს კოალიციამ სისხლის სამართლის საერთაშორისო სასამართლოსთვის“ ICC პროკურორს, კარიმ ხანს, წერილობით მიმართა. „მიმართვის მიზანია პროკურორთან შეხვედრის მოთხოვნა და გამოძიებასთან დაკავშირებით საკვანძო საკითხების მიმოხილვა, მათ შორის, რუსეთის პოლიტიკური და სამხედრო ლიდერების პასუხისმგებლობისა და კაცობრიობის წინააღმდეგ მიმართული დანაშაულების გამოძიების საჭიროება“. სრულად... წყარო: gyla.ge

თბილისი. 22-24 მარტს, საქართველოს სტრატეგიისა და საერთაშორისო ურთიერთობების კვლევის ცენტრმა (CSRDG) თბილისში ვენჩურული ფილანტროპიის ევროპული ასოციაციის (EVPA) წარმომადგენლების სამუშაო ვიზიტს უმასპინძლა. ვიზიტი ორგანიზებული იყო ევროკომისიის მხარდაჭერით მიმდინარე პროექტის „თანამშრომლობა დადებითი ცვლილებებისთვის - სოციალური მეწარმეობისა და სოციალური ინვესტიციების განვითარება ეკონომიკური და სოციალური გაძლიერებისთვის აღმოსავლეთ პარტნიორობის ქვეყნებში“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები მკვეთრად უარყოფითად აფასებენ „გარემოსდაცვითი შეფასების კოდექსში“ შეტანილ ცვლილებებს. „ახალი რეგულირება ვერ უზრუნველყოფს გარემოზე ზემოქმედების შეფასების ეფექტიანი სისტემის დანერგვას, გარემოზე მოსალოდნელი ზიანის თავიდან აცილების, შემცირების და შერბილების ადეკვატურ რეგულირებას, ასევე, გარემოსდაცვით საკითხებზე გადაწყვეტილების მიღების პროცესში საზოგადოების ფართო ჩართულობას“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაცია საქართველოს პარლამენტს წარუდგენს მოსაზრებებს საკონსტიტუციო სასამართლოს შესახებ ორგანულ კანონში დაგეგმილ ცვლილებებზე.  ორგანიზაციის აზრით, ეს ინიციატივა საკითხის უფრო ფართო პრიზმაში დანახვას, მის გარშემო გაცილებით მეტ მსჯელობასა და დასაბუთებას მოითხოვს, ვიდრე ამას პროექტის ავტორები აკეთებენ.  „იმის გადაჭრით მტკიცება, რომ ამ ცვლილებით კანონი კონსტიტუციასთან მოდის შესაბამისობაში, კონსტიტუციის სადავო ჩანაწერისა და საკონსტიტუციო სასამართლოს პრაქტიკის არქონის პირობებში, ემსახურება საკითხის გარშემო ფართო დისკურსის დასაწყისშივე ჩახშობას და წინასწარი სამართლებრივი განმარტების/განწყობის შექმნას იმ საკითხის თაობაზე, რომელიც საბოლოოდ საკონსტიტუციო სასამართლოს გადასაწყვეტია“, ნათქვამია ორგანიზაციის ვებგვერდზე. სრულად... წყარო: gyla.ge

სამეგრელო. გაეროს ქალთა ორგანიზაციისა და გაეროს სურსათისა და სოფლის მეურნეობის ორგანიზაციის მხარდაჭერით, ზუგდიდის ბოტანიკურ ბაღში სამეგრელო - ზემო სვანეთში მცხოვრები ქალების ეკონომიკური გაძლიერებისთვის მიძღვნილი ღონისძიება გაიმართა.  ღონისძიების მთავარი მიზანი იყო სოფლად მცხოვრები ფერმერი ქალების ეკონომიკური გაძლიერება, მერძევე ფერმერი ქალების ნაწარმის პოპულარიზაცია... შეხვედრა პროექტის „ფერმერ ქალთა ეკონომიკური გაძლიერების ხელშეწყობა რძის პროდუქტების წარმოების ხელშეწყობის მხარდაჭერით ფერმერთა საველეს სკოლების (FFS) მიდგომების გზით“ ფარგლებში ჩატარდა. პროექტი შვეიცარიის განვითარებისა და თანამშრომლობის სააგენტოს ფინანსური მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს კვლევას: ქართული ნეონაციზმის ანატომია. „კვლევა მიზნად ისახავს იმ ნეონაცისტური ჯგუფებისა და მათთან დაკავშირებული ადამიანების იდენტიფიცირების მცდელობას, რომლებიც ბოლო პერიოდში ლიბერალური შეხედულებების მქონე ჯგუფების მიმართ ძალადობითა და აგრესიით გამოირჩევიან. ისინი ხშირ შემთხვევაში არაფორმალური გაერთიანებების წევრები არიან, ამიტომ სია, შესაძლოა, გაცილებით ვრცელი იყოს. მართალია, ნეონაცისტური ორგანიზაციების დაფინანსების პირდაპირი წყაროების იდენტიფიცირება ვერ ხდება, თუმცა, ცალკეული ლიდერები პირდაპირ უკავშირდებიან რუსეთის სახელმწიფოს ან ადგილობრივ პოლიტიკურ ორგანიზაციებს“. სრულად... წყარო: transparency.ge

თბილისი. გაეროს ქალთა ორგანიზაციისა და საქართველოს საფონდო ბირჟის მხარდაჭერით, საერთაშორისო და ადგილობრივი საბანკო-საფინანსო სექტორი ქალთა გაძლიერებისთვის გაერთიანდა.  ყოველწლიური გლობალური ინიციატივა „დარეკე ზარი გენდერული თანასწორობისთვის“ საქართველოში კიდევ ერთხელ ჩატარდა. ღონისძიებაზე ყურადღება გამახვილდა იმ მნიშვნელოვან როლზე, რომლის შესრულებაც საბანკო-საფინანსო სექტორს გენდერული თანასწორობის მიღწევისთვის შეუძლია. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) ორგანიზებით სტაჟიორების იმიტირებული პროცესი გაიმართა. პროცესს გაუძღვა თბილისის სააპელაციო სასამართლოს მოსამართლე, ქეთევან მესხიშვილი. სრულად... წყარო: ორგანიზაციის გვერდი სოციალურ ქსელში

28 მარტს, 17:00 საათზე, საქართველოს არასამთავრობო ორგანიზაცია ასოციაცია „ჰერა ოცდაერთი” გიწვევთ ღონისძიებაზე „გენდერულად მგრძნობიარე, სექსუალური და რეპროდუქციული ჯანმრთელობის საკითხების გაშუქება ქართულ მედიაში“. სრულად...

28 მარტს, 17:00 საათზე, „დემოკრატიული ჩართულობის ცენტრების ქსელის“ ორგანიზებით გაიმართება ონლაინ პრეზენტაცია სააგენტოს „აწარმოე საქართველში“ განახლებული პროგრამების სარგებლობის მექანიზმების შესახებ. პრეზენტაციაზე საუბარი შეეხება იმ ცვლილებებს, რომლებიც მეწარმეების ხელშეწყობის გაძლიერებისათვის განხორციელდა. სრულად...

28 მარტს, 16:00 საათზე, გაიმართება J-Talks (მოსამართლე საუბრობს) თემაზე: საქართველოს სასამართლოების გადაწყვეტილებები ქალთა უფლებების შესახებ. სრულად...

28 მარტს, 14:00 საათზე, საქართველოს ჟურნალისტური ეთიკის ქარტია საზოგადოებრივ მაუწყებელთან სამეურვეო საბჭოს მიმართავს. თემა: ქარტია ითხოვს, გადაცემა ,,ახალი კვირის“ წამყვანისა და ჟურნალისტების განცხადების საფუძველზე, სამეურვეო საბჭომ სარედაქციო დამოუკიდებლობაში ჩარევის საკითხზე მოკვლევა დაიწყოს და შესაბამისი ზომები გაატაროს. მისამართი: თბილისი, მ. კოსტავას ქ. 68

28 მარტს, 14:00 საათზე, „თბილისის ადამიანის უფლებათა სახლი“ 5 ივლისს, ოფისზე თავდასხმის საქმესთან დაკავშირებით პრესკონფერენციას გამართავს. თემა: „პროკურატურას „თბილისის ადამიანის უფლებათა სახლზე“ თავდასხმის საქმეზე ბრალი ჯერ კიდევ არავისთვის წარუდგენია“, ორგანიზაცია თავდასხმის ამსახველ ჩანაწერებს გაასაჯაროებს. მისამართი: თბილისი, აკ.გახოკიძის 11ა, (HRHT-ის ოფისი).

თბილისი. სოციალური სამართლიანობის ცენტრი ეხმაურება პროპუტინისტური, ექსტრემისტული პოლიტიკური პარტია კონსერვატიული მოძრაობისა და ალტ-ინფოს მხარდამჭერების მიერ ქობულეთში უკრაინის სოლიდარობის აქციის მონაწილეების მიმართ გამოვლენილი ძალადობის, დევნის ფაქტებს. ორგანიზაცია მოუწოდებს შსს-ს უზრუნველყოს მომხდარის დროული გამოძიება, თავდამსხმელების იდენტიფიცირება და სისხლისსამართლებრივი პასუხისმგებლობის დაკისრება. სრულად... წყარო: socialjustice.org.ge ფოტო: ნეტგაზეთი

თბილისი. „საერთაშორისო გამჭვირვალობა-საქართველო“ სახალხო დამცველს მიმართავს საზოგადოებრივი მაუწყებლის ჟურნალისტების იმედა დარსალიას, სოფო ზედელაშვილის და თამთა ჯანაძის მიმართ შესაძლო დისკრიმინაციის და შრომით საქმიანობაში ხელის შეშლის ფაქტების გამოვლენისა და დადგენის თაობაზე. „საქართველოს კანონმდებლობით გარანტირებულია საზოგადოებრივი მაუწყებლის დამოუკიდებლობა პოლიტიკური და კომერციული გავლენისაგან. მნიშვნელოვანია, რომ ჟურნალისტებს საშუალება ჰქონდეთ პროფესიული საქმიანობა ცენზურისგან დამოუკიდებელ გარემოში განახორციელონ“. სრულად... წყარო: transparency.ge

თბილისი. 25 მარტი საქართველოს სამოციქულო ეკლესიის ავტოკეფალიის აღდგენის დღეა. სოციალური სამართლიანობის ცენტრი გთავაზობთ ეკლესიის ისტორიკოსის, შოთა კინწურაშვილის, ბლოგპოსტს: „ქართველი სამღვდელოება რუსეთის საეკლესიო იმპერიალიზმის წინააღმდეგ და ავტოკეფალიის გამოცხადება“. „საქართველოს ავტოკეფალური ეკლესია სხვადასხვა ეთნიკური თუ რელიგიური აღმსარებლობის ხალხთათვის დიალოგისა და მეგობრობისათვის ღია იყო. მისი მოწყობა იყო გაცილებით დემოკრატიული, მრავალხმიანი, თავისუფალი და დეცენტრალიზირებული... ავტოკეფალისტების ჩაფიქრებულ და ბრძოლით მოპოვებულ ეკლესიაში მიმდინარეობდა ყოველდღიური გაცხოველებული საქმიანობა. ეს ყველაფერი კი, სამწუხაროდ, მხოლოდ ჩვენი უახლოესი ეკლესიის ისტორიის ფურცლებზე და არქივებში დარჩა“. სრულად... წყარო: socialjustice.org.ge

თბილისი. საფარის ინფორმაციით, ოთხი თვის წინ გაეროს ქალთა უფლებების კომიტეტმა ხანუმ ჯეირანოვას დაადგინა, რომ საქართველომ ვერ უზრუნველყო გამოძიება და სამართლებრივი დევნა ქალის მიმართ გენდერული ნიშნით და ღირსების სახელით ჩადენილ ძალადობასთან დაკავშირებით, რომელიც სასტიკად სცემეს ოჯახის წევრებმა მცირეწლოვანი შვილების თვალწინ, რამაც მისი სიკვდილი გამოიწვია. კომიტეტის გადაწყვეტილება სრულად, ქართულ ენაზე შეგიძლიათ იხილოთ თანდართულ დოკუმენტში. სრულად... წყარო: sapari.ge

თბილისი. დასრულდა ტრენინგების სერია თემაზე: „ქალთა უფლებები და გენდერული თანასწორობა“, რომელსაც „ქალთა ეკონომიკური გაძლიერების“ პროექტში ჩართული 200-ზე მეტი ქალი დაესწრო. ტრენინგები შეეხებოდა ისეთ საკითხებს, როგორიცაა: სქესი, გენდერი, გენდერული იდენტობა, გენდერული ნორმები და სოციალიზაცია, გენდერული სტერეოტიპები და სექსუალური შევიწროება. აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) ცნობით, კორუფციასთან ბრძოლის სასერტიფიკატო პროგრამა ჰიბრიდულ რეჟიმში განახლდა. „სხვა საკითხებთან ერთად, შემოთავაზებული საგანი სემესტრის განმავლობაში დაფარავს ისეთ თემებს როგორიცაა ანტიკორუფციული სტრატეგიები და სამოქმედო გეგმები, კორუფციასთან ბრძოლის საერთაშორისო სამართლებრივი ინსტრუმენტები, კორუფციასთან ბრძოლის საერთაშორისო და რეგიონული პლატფორმები, კორუფცია სასამართლო სისტემაში და საჯარო სერვისები და კორუფცია“. სრულად... წყარო: idfi.ge

თბილისი. 24 მარტს ცნობილი გახდა, რომ ნამახვანჰესთან დაკავშირებული 40 მილიონი დოლარის ღირებულების ქონება კომპანიის ანგარიშიდან ჩამოიწერა, თუმცა ამ ეტაპზე ბუნდოვანია ასახავს თუ არა ეს ოდენობა ფინანსური ზარალის საბოლოო მასშტაბს, და ხომ არ არის შესაძლებლობა, რომ კომპანიასა და სახელმწიფოს შორის მორიგების პროცესი განახლდეს, ან ის საარბიტრაჟო დავაში გადაიზარდოს. „მიგვაჩნია, რომ სახელმწიფომ დაუყოვნებლივ უნდა განმარტოს საკუთარი პოზიცია როგორც ENKA-სთან მიმდინარე მოლაპარაკების შესახებ, ისე პროექტის მომავალთან დაკავშირებით. ხანგრძლივ, უაღრესად რთულ პირობებში და რეპრესიული პოლიტიკის ფონზე მიმდინარე საპროტესტო მოძრაობა, ჩართული საზოგადოებრივი ორგანიზაციები და მთლიანად სამოქალაქო საზოგადოება იმსახურებს სიცხადეს, გამჭირვალეობას და ანგარიშვალდებულებას“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ბლოგპოსტში გაეცნობით კონკრეტულ მაგალითებს თუ როგორ ვრცელდება დეზინფორმაცია ექსპერტების სახელით. „სოციალურ მედიაში დეზინფორმაციისა და პროპაგანდის გავრცელების ერთ-ერთი მეთოდი ექსპერტებად პოზიციონირებადი პირების მიერ ფეისბუქზე „კულუარული ინფორმაციის“ შესახებ სტატუსების გამოქვეყნებაა, რასაც შემდგომ პროსახელისუფლებო საინფორმაციო სააგენტოები და ცრუ მედიის გვერდები ავრცელებენ. პროცესში ჩართული ექსპერტებისა და სააგენტოების ფაქტობრივად უცვლელი შემადგენლობა გვაფიქრებინებს, რომ საქმე დეზინფორმაციის გავრცელების მიზანმიმართულ, ორგანიზებულ სქემასთან გვაქვს, რაშიც შესაძლოა, უნებლიეთ სხვა, მათგან დამოუკიდებელი აქტორებიც ერთვებოდნენ“. სრულად... წყარო: isfed.ge