საქართველო. ინფორმაციის თავისუფლების განვითარების ინსტიტუტმა (IDFI), პროექტის „საჯარო და კერძო სექტორებს შორის დიალოგის ხელშეწყობა საქართველოში მონიტორინგისა და ცნობიერების ამაღლების გზით“ ფარგლებში, საინფორმაციო შეხვედრა გაიმართა ოზურგეთის, ზუგდიდის და ბათუმის საკრებულოს წარმომადგენლებთან. „პროექტის ფარგლებში, IDFI შეაფასებს მუნიციპალიტეტებში რეგულაციების შემუშავების პროცესში საჯარო-კერძო დიალოგის ხარისხს. გარდა ამისა, პროექტი მიზნად ისახავს შერჩეულ მუნიციპალიტეტებში საკრებულოს წევრების ცნობიერების ამაღლებას დიალოგის მნიშვნელობასა და ხარისხის შეფასების მექანიზმის თაობაზე“. სრულად... წყარო: idfi.ge

თბილისი. საქართველოს სტრატეგიული კვლევებისა და განვითარების ცენტრი (CSRDG) აქვეყნებს ვიდეოს, რომელიც მოკლედ გიამბობთ კლიმატის გამოწვევებისა და საერთაშორისო გარემოსდაცვითი ხელშეკრულებების შესახებ. ვიდეო შექმნილია CSRDG-ის მიერ, პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის (KAS) ფონდის მხარდაჭერით. წყარო: www.asocireba.ge

თბილისი. რონდელის ფონდი აქვეყნებს ინტერაქტიულ რუკას: ბორდერიზაცია - მცოცავი ოკუპაცია. მასში თავმოყრილია ღია წყაროებში გასული ინფორმაცია „ბორდერიზაციის“ შემთხვევებზე, ვიდეო და ფოტომასალის ჩათვლით. რუკა ასახავს თუ რა დროს მოხდა ამა თუ იმ მონაკვეთის „ბორდერიზაცია“ და ქმნის წარმოდგენას „ბორდერიზაციის“ პროცესის დინამიკაზე. რუკა არის განახლებადი, რაც გულისხმობს იმას, რომ მასზე მოხდება „ბორდერიზაციის“ ახალი შემთხვევების დატანა. სრულად... წყარო: www.gfsis.org

თბილისი. სოციალური სამართლიანობის ცენტრი აქვეყნებს გიორგი ჯოჯიშვილის ვიდეოს. გიორგი იმ ვიდეოჩანაწერის ავტორია, რომელშიც პოლიციელის მიერ არასრულწლოვან შშმ პირზე ძალადობის ფაქტია ასახული. „გიორგი ამბობს, რომ ვიდეოს გავრცელებით მეგობრის დაცვა და, მეორე მხრივ, საზოგადოებისთვის სიმართლის თქმა უნდოდა. ნახეთ ვიდეო, სადაც გაიცნობთ გიორგი ჯაჯოშვილს და მოისმენთ მის პირად ისტორიასა და გამოცდილებებს“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველომ“ პერსონალურ მონაცემთა დაცვის სამსახურის უფროსის შესარჩევად კონკურსის განმეორებით გამოცხადება მოითხოვა. „კონკურსანტებთან გასაუბრების საფუძველზე, „უფლებები საქართველომ“ მიიჩნია, რომ წარმოდგენილი კანდიდატები ვერ პასუხობდნენ პერსონალურ მონაცემთა დაცვის სამსახურის უფროსისათვის აუცილებელი ცოდნისა და დამოუკიდებლობის მინიმალურ და ელემენტარულ საბაზისო მოთხოვნებს, რის გამოც აუცილებელი იყო კონკურსის განმეორებით გამოცხადება. სამთავრობო კომისიამ არ გაიზიარა კარლო ნიკოლეიშვილის პოზიცია და კონკურსში მონაწილე 5 კანდიდატიდან პრემიერ მინისტრს 3 კანდიდატი წარუდგინა პერსონალურ მონაცემთა დაცვის სამსახურის უფროსის თანამდებობაზე დასამტკიცებლად. ორგანიზაცია ემიჯნება კომისიის აღნიშნულ გადაწყვეტილებას, მიიჩნევს, რომ გადაწყვეტილება არის სრულიად დაუსაბუთებელი, გაუმართლებელი და პრემიერ-მინისტრს წარუდგენს განსხვავებულ აზრს“. სრულად... წყარო: rights.ge

თბილისი. სოციალური სამართლიანობის ცენტრი წარმოგიდგენთ დისკუსიას, რომელიც დევნილებს, მათ საცხოვრებელ პირობებს, მათ მიმართ ხელისუფლების პოლიტიკას შეეხება. „2022 წლის, 16 იანვარს 52 წლის ზურაბ ქირია დევნილთა საცხოვრებლის სახურავიდან გადმოხტა და თავი მოიკლა. ეს ტრაგიკული შემთხვევა იმ დასახლებაში მოხდა, სადაც დევნილები 1993 წლიდან არიან შესახლებულები, ავარიულ შენობაში და უმძიმეს საყოფაცხოვრებო პირობებში. ზურაბ ქირიას თვითმკვლელობაც ხელისუფლების მხრიდან ყურადღების მიქცევის მცდელობის ტრაგიკული შემთხვევა იყო“. სრულად... წყარო: socialjustice.org.ge

თბილისი. გაეროს ბავშვთა ფონდის ძალისხმევით, ექთნების, სანიტრებისა და კლინიკის არასამედიცინო პერსონალის ინფორმირებულობისა და ვაქცინაციის ხელშეწყობისთვის, საქართველოს 8 რეგიონში (თბილისი, ქვემო ქართლი, შიდა ქართლი, იმერეთი, სამეგრელო, სამცხე-ჯავახეთი, აჭარა, კახეთი) 130 ტრენინგი გაიმართა, რომლებსაც 1600-ზე მეტი მსმენელი დაესწრო. „ტრენინგების მსვლელობისას ვაქცინაციის ექსპერტებმა კლინიკების პერსონალს დეტალური ინფორმაცია მიაწოდეს COVID-19-ის, მისი საწინააღმდეგო ვაქცინებისა და ვაქცინაციის უსაფრთხოების შესახებ“. სრულად... წყარო: ორგანიზაციის გვერდი სოციალურ ქსელში

7 თებერვალს, 12:00 საათზე, „ორბელიანის“ იდეების კონკურსთან დაკავშირებით Zoom-ში გაიმართება ონლაინ ღია კარის დღე. შეხვედრაზე დასასწრებად მიჰყევით ბმულს... Meeting ID: 898 6591 5750 პაროლი: 856678 სრულად...

აჭარა. IDFI-ისა და ბათუმისა და ლაზეთის ეპარქიის მოწვევით, პოლონეთის ეროვნული მეხსიერების ინსტიტუტის (IPN) დელეგაცია აჭარაში აღმოჩენილ მასობრივი ტერორის მსხვერპლთა კიდევ ერთ სამარხს სწავლობს. ორგანიზაციის ინფორმაციით, 3 თებერვალს, პოლონელმა და ქართველმა სპეციალისტებმა სრულად გახსნეს №6 სამარხი, რის შემდეგაც დაიწყება ნეშტების ამოსვენების პროცესი. არქეოლოგიური სამუშაოების შედეგად, ამ ეტაპზე, დამატებით ნაპოვნია 29 ადამიანის ნეშტი. ინფორმაციის თავისუფლების განვითარების ინსტიტუტის (IDFI) მიერ შსს არქივში დაცული, სხვადასხვა დღეს შედგენილი განაჩენის აღსრულების აქტების შესწავლის შედეგად აღნიშულ სამარხში აღმოჩენილი ნეშტების რაოდენობა ემთხვევა 1938 წლის 15 მარტის განაჩენის აღსრულების აქტში არსებულ რეპრესირებულთა რაოდენობას. სრულად... წყარო: idfi.ge

თბილისი. სოციალური სამართლიანობის ცენტრი „სხვა კუთხის“ ახალ ეპიზოდს წარმოგიდგენთ, რომლის სტუმარია თეოლოგი და ეკლესიის ისტორიკოსი, შოთა კინწურაშვილი. „საპატრიარქო ხშირად აკრიტიკებს თანამედროვეობას, ცრუთავისუფლებას, სხვადასხვა უმცირესობის მიმართ პოლიტიკას, თუმცა, როგორც წესი, არაფერს ამბობს გაბატონებული ეკონომიკური და პოლიტიკური წესრიგის ბნელ მხარეებზე, რომელიც მუდმივად გვაღარიბებს და გვართმევს ღირსებას. სასულიერო პირები თითქმის არასდროს ჩანან მშრომელთა გაფიცვების, სოციალური პროტესტების დროს“. სრულად... წყარო: socialjustice.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) დააკვირდა პოსტსაარჩევნო პერიოდში იმ მუნიციპალიტეტებში განვითარებულ მოვლენებს, სადაც უმრავლესობა მმართველმა პარტიამ ვერ მოიპოვა. ორგანიზაციის შეფასებით, „საკრებულოებში მიმდინარე პროცესები ნათლად წარმოაჩენს ქართული დემოკრატიის ნაკლოვანებებს, რომელთა შორისაა ძალაუფლების განაწილების მიუღებლობა, საზოგადოების საკეთილდღეოდ შეთანხმების მიღწევის სირთულე, უარეს შემთხვევაში - შეუძლებლობა, თვითმმართველობის არსის გაუცნობიერებლობა და რეალურად დეცენტრალიზაციის არარსებობა“. სრულად... წყარო: isfed.ge

ქვემო ქართლი. სოციალური სამართლიანო ის ცენტრის ინფორმაციით, 2 თებერვალს ქვემო ქართლში მომუშავე აზერბაიჯანულენოვანმა რეგიონალურმა მედია ორგანიზაციამ, interpress.ge-მ გაავრცელა ინფორმაცია, სადაც მარნეულის მკვიდრი, მალიქ აღაევი აცხადებს, რომ მარნეულის იუსტიციის სახლის ეთნიკურად აზერბაიჯანელი თანამშრომლები ადგილობრივ მოსახლეობას მათთვის გასაგებ ენაზე არ ესაუბრებიან. ორგანიზაცია მოუწოდებს საქართველოს იუსტიციის სამინისტროს სერვისების განვითარების სააგენტოს, ცენტრალური ხელისუფლების სხვა რეგიონულ სამსახურებს და მუნიციპალურ ორგანოებს, შექმნას თარგმნის რესურსები არადომინანტური ეთნიკური ჯგუფების წარმომადგენელი მოქალაქეებისთვის, რათა მათთვის სერვისების მიწოდების პროცესში, არ მოხდეს მათი სპეციალური საჭიროებების და კონტექსტის უგულებელყოფა და არ დაუშვან ამ ადამიანების არათანაბარ მდგომარეობაში ჩაყენება და მათი უფლებების დარღვევა. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაცია (საია) საკონსტიტუციო სასამართლოს მოუწოდებს, 2022 წლის პირველ მარტამდე, სახელმწიფო ინსპექტორის უფლებამოსილების შეწყვეტამდე განიხილოს ლონდა თოლორაიას სარჩელი და მასში არსებული შუამდგომლობა სადავო ნორმების მოქმედების შეჩერების შესახებ. სრულად... წყარო: gyla.ge

შიდა ქართლი. გაეროს ქალთა ორგანიზაციის წარმომადგენელი საქართველოში კაორი იშიკავა გორის კრიზისული ცენტრის საქმიანობას გაეცნო და მის მდგრადობასთან დაკავშირებული გეგმები და შესაძლებლობებიც განიხილა. „ცენტრი ძალადობის მსხვერპლებსა და ძალადობაგამოვლილ პირებს ფსიქოლოგიურ, სოციალურ და ეკონომიკურ დახმარებას, სარეაბილიტაციო, სამედიცინო, იურიდიულ და რეფერალურ მომსახურებებს სთავაზობს“. სრულად... წყარო: ორგანიზაციის გვერდი სოციალურ ქსელში

აჭარა. პროექტის „ქალთა და ახალგაზრდების გაძლიერება შუახევის მუნიციპალიტეტში“ მოხალისე ანა აბაშიძემ, შუახევის მუნიციპალიტეტის ბუთურაულის საჯარო სკოლის მე-10 კლასის მოსწავლემ, თანატოლებთან ჩაატარა ტრენინგი თემაზე „სამოქალაქო ბიუჯეტი“. პროექტის მხარდამჭერია გერმანიის საერთაშორისო თანამშრომლობის საზოგადოება (GIZ). სრულად... წყარო: ორგანიზაციის გვერდი სოციალურ ქსელში

თბილისი. ევროკავშირისა და გაეროს განვითარების პროგრამის (UNDP) ხელშეწყობით, მიმდინარეობს ახალგაზრდული მუშაკების შერჩევა და გადამზადება ცხრა სასწავლებლისთვის. ინიციატივას ახორციელებს ახალგაზრდული ცენტრი „მზიანი სახლი“. „24-30 იანვარს, შერჩევის მეორე საფეხურზე გადასულმა მონაწილეებმა გაიარეს გადამზადების საბაზო ტრენინგი, რომელიც მიზნად ისახავდა ახალგაზრდული მუშაკების ცნობიერების ამაღლებასა და კომპეტენციების განვითარებას“. სრულად... წყარო: ორგანიზაციის გვერდი სოციალურ ქსელში

აჭარა. გაეროს ბავშვთა ფონდის წარმომადგენელი საქართველოში, ღასან ხალილი ვიდეოში რუტინული იმუნიზაციის მნიშვნელობაზე საუბრობს. „ვაქცინაციის ეროვნული კალენდარი აუცილებლად უნდა დავიცვათ, რათა უზრუნველვყოთ ყველა ბავშვის დროული იმუნიზაცია“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციის წარმომადგენელი საქართველოში, კაორი იშიკავა გაცნობითი ვიზიტით სოფელ ერგნეთსა და გორის დევნილთა დასახლებას ეწვია. ქალბატონი კაორი იშიკავა ადგილზე გაეცნო გამყოფ ხაზთან მცხოვრები და დევნილი ქალების მდგომარეობას, გამოწვევებსა და საჭიროებებს. სრულად... წყარო: ორგანიზაციის გვერდი სოციალურ ქსელში

თბილისი. მითების დეტექტორის ინფორმაციით, რუსთავი 2-ის გადაცემის ნაწყვეტი კონსპირაციებისა და დეზინფორმაციების გასავრცელებლად გამოიყენეს. „ეკა კვალიაშვილმა თქვა, რომ მას სჯერა, რომ Covid-19-ს ახალ შტამს, ომიკრონს თვითმფრინავებიდან ტომრებით გვაყრიან, ხოლო თემურ წიკლაური კორონავირუსით არ გარდაცვლილა. Tsotne Kveselava-ს აღწერის მიხედვით, კი იმუნოლოგი თენგიზ ცერცვაძე რეპტილიაა“. სრულად... წყარო: mythdetector.ge

4 თებერვალს, 17:00 საათზე, გაიმართება პირდაპირი ჩართვა: ინტელექტუალური შეზღუდული შესაძლებლობის მქონე ბავშვებში სექსუალური პრობლემები და განათლება. სრულად...

4 თებერვალს, 13:00 საათზე, პლატფორმა Zoom-ში გაიმართება კვლევის პრეზენტაცია: „ალიმენტის განსაზღვრა და აღსრულება - საუკეთესო პრაქტიკის კვლევა“. სრულად...

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, ორგანიზაციამ კიბერუსაფრთხოების ეროვნულ ასოციაციასთან თანამშრომლობის მემორანდუმი გააფორმა.  „მემორანდუმის ფარგლებში ორგანიზაციები მიზნად ისახავენ ითანამშრომლონ კიბერუსაფრთხოებისა და კიბერ ინციდენტების მიმართ ინფორმაციული საზოგადოების მდგრადობის ამაღლების, ციფრული ტრანსფორმაციის, ციფრული მმართველობის, სანდო და კვალიფიციური მომსახურების, ასევე პერსონალური მონაცემების დაცვის მიმართულებით“. სრულად... წყარო: idfi.ge