სიახლეები
თბილისი. 26 იანვარს, ინფორმაციის თავისუფლების განვითარების ინსტიტუტმა (IDFI) სამუშაო შეხვედრა გამართა საქართველოში ციფრული კონტენტის რეგულირების გამოწვევებსა და მათ საპასუხოდ გასატარებელ ღონისძიებებზე.
„სამუშაო შეხვედრაზე IDFI-ის წარმომადგენლებმა დაინტერესებული მხარეებისთვის განსახილველად წარმოადგინეს IDFI-ის მიერ მომზადებული რეკომენდაციები, რომლებიც ქვეყანაში ინტერნეტის თავისუფლებისა და ციფრული უფლებების უკეთ დაცვისკენ არის მიმართული“, ნათქვამია ორგანიზაციის ვებგვერდზე.
სრულად...
წყარო: idfi.ge
თბილისი. სოციალური სამართლიანობის ცენტრი ეხმიანება მედიაში გავრცელებულ ინფორმაციას თბილისის მერიის მიერ ორხევის ტერიტორიაზე საცხოვრისების ნგრევის შესახებ და მუნიციპალიტეტს მოუწოდებს, დაუყოვნებლივ შეწყვიტოს დემონტაჟის პროცესი და უზრუნველყოს დაზარალებული ადამიანები გრძელვადიანი საცხოვრისითა და საჭირო სერვისებით.
სრულად...
წყარო: socialjustice.org.ge
27 იანვარს საქართველოს სახალხო დამცველი ნინო ლომჯარია სტრასბურგში ევროპის საბჭოს გენერალურ მდივანს ქალბატონ მაირია პეიჩინოვიჩ-ბურიჩის შეხვდა.
„შეხვედრაზე სახალხო დამცველმა საქართველოში ადამიანის უფლებების დაცვის მდგომარეობა მიმოიხილა. ხაზი გაუსვა დამოუკიდებელი დემოკრატიული ინსტიტუტის წინაშე არსებულ გამოწვევებს, მათ შორის, სახელმწიფო ინსპექტორის სამსახურის დაჩქარებული და გაუმჭვირვალე პროცესით გაუქმებას, ასევე, სახალხო დამცველის წინააღმდეგ მიმდინარე თავდასხმებს. შეხვედრაზე აქცენტი გაკეთდა ჟურნალისტების წინააღმდეგ ჩადენილ დანაშაულებსა და მათ არასათანადო გამოძიებაზე“.
სრულად...
წყარო: ombudsman.ge
თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2021 წლის 13-17 დეკემბერს, ეგვიპტეში, კორუფციის წინააღმდეგ გაეროს კონვენციის მონაწილე სახელმწიფოთა მეცხრე კონფერენცია გაიმართა.
„კონფერენციას საქართველოს სამთავრობო დელეგაცია არ ესწრებოდა და საქართველოს სახელით განცხადებაც არ გაკეთებულა. საქართველოს პასიურობა ყველაზე გლობალურ ანტიკორუფციულ პლატფორმაზე კიდევ ერთი დასტურია იმისა, რომ ქვეყანაში ანტიკორუფციული საქმიანობა პრიორიტეტს აღარ წარმოადგენს“, ნათქვამია ორგანიზაციის ვებგვერდზე.
სრულად...
წყარო: idfi.ge
ქვემო ქართლი. სოციალური სამართლიანობის ცენტრი აქვეყნებს ვიდეოს, სადაც მოისმენთ ქვემო ქართლში აზერბაიჯანულენოვან სკოლებში მომუშავე ოთხი მასწავლებლის წუხილებსა და მოსაზრებებს.
„სალომე, აიშენი, ქამრანი და თემო გვიყვებიან სხვადასხვა პერსპექტივაზე, რაც რეალურად, ხელს უშლის ქართული ენის სრულფასოვნად დაუფლებას ეთნიკურად არადომინანტურ ჯგუფებში“.
სრულად...
წყარო: ორგანიზაციის გვერდი სოციალურ ქსელში
თბილისი. სამართლიანი არჩევნებისა და დემოკრატიის საერთშორისო საზოგადოების (ISFED) ინფორმაციით, ის გახდა პირველი ორგანიზაცია საქართველოში, რომელმაც ტიკტოკის პლატფორმაზე წინასაარჩევნოდ მიმდინარე ტენდენციები და საინფორმაციო მანიპულაციები შეისწავლა.
„ძირითადი მიგნებების მიხედვით, ფეისბუქის მიერ გაუქმებული არაერთი ცნობილი ანონიმური და პროპაგანდისტული გვერდი წარმატებით გადაერთო ტიკტოკის პლატფორმაზე, მათ შორის „ალტ-ინფოს“ ქსელი“.
სრულად...
წყარო: isfed.ge
26 იანვარს, სტრასბურგში, სახალხო დამცველი ნინო ლომჯარია წამების საწინააღმდეგო კომიტეტის (CPT) აღმასრულებელ მდივანს რეჯის ბრილატს შეხვდა.
სრულად...
წყარო: ombudsman.ge
თბილისი. მშობლის სკივრი გვიხსნის თუ რას ნიშნავს შეზღუდული შესაძლებლობების სტატუსი და რატომ არის საჭირო პირისთვის ამ სტატუსის მინიჭება.
„შეზღუდული შესაძლებლობის სტატუსის დადასტურების შემდეგ, პირი ხდება სახელმწიფოსგან იმ დამატებითი მხარდაჭერის მიმღები, რომლის საფუძველზეც უნდა შემცირდეს ის სირთულეები, რომელსაც ის განიცდის ყოველდღიურ ცხოვრებაში“.
სრულად...
წყარო: ორგანიზაციის გვერდი სოციალურ ქსელში
თბილისი. რონდელის ფონდის იფორმაციით, 25 იანვარს, მომავალ ლიდერ საჯარო მოხელეთა სასწავლო პროგრამის მეოთხე სალექციო მოდული გაიმართა.
ლექციას უძღვებოდა ორგანიზაციის მკვლევარი, შოთა უტიაშვილი. შეხვედრის თემა ეხებოდა რეგიონალური უსაფრთხოების გამოწვევებს.
სრულად...
წყარო: ორგანიზაციის გვერდი სოციალურ ქსელში
27/01/2022
28 იანვარს, 16:00 საათზე, გაიმართება ვებინარი თემაზე „როგორ ვთამაშობთ გენდერით“.
ვებინარს გაუძღვება სოციოლოგი, გენდერის მკვლევარი გიორგი ურჩუხიშვილი.
სრულად...
27/01/2022
28 იანვარს 14:30 საათზე, სახელმწიფო კანცელარიასთან არასამთავრობო ორგანიზაციების და სამოქალაქო აქტივისტების გაერთიანება - „მესამე სექტორი“ საპროტესტო აქციას გამართავს.
თემა: ხელოვნურად გაზრდილი გაორმაგებული ფასები პროდუქტებზე, ტრანსპორტზე, საწვავზე.
თბილისი. სახალხო დამცველი ნინო ლომჯარია ჰოლოკოსტის მსხვერპლთა ხსოვნის საერთაშორისო დღეს განცხადებით ეხმაურება.
„ეს დღე შეგვახსენებს, თუ რა შედეგებამდე შეიძლება მიგვიყვანოს ეთნიკური კუთვნილების, რელიგიისა თუ სხვა განმასხვავებელი ნიშნების საფუძველზე წარმოშობილმა შეუწყნარებლობამ, შევიწროებამ, ძალადობამ, სიძულვილმა.
სახალხო დამცველი კიდევ ერთხელ მიუთითებს საზოგადოებას, რომ განსხვავებულისადმი შემწყნარებლური დამოკიდებულება, თანასწორობის მხარდამჭერი განცხადებები და სტერეოტიპული განწყობების შემცირება დაგვეხმარება როგორც სხვადასხვა ჯგუფის თანასწორუფლებიანობის უზრუნველყოფაში, ისე - მშვიდობისა და უსაფრთხოების შენარჩუნებაში“.
სრულად...
წყარო: ombudsman.ge
თბილისი. საქართველოს ახალგაზრდა იურისტთა ასოციაციის (საია) ინფორმაციით, სამოქალაქო საზოგადოებისთვის მოულოდნელად 2021 წლის 27 დეკემბერს პარლამენტის ბიუროს სხდომაზე გარემოს დაცვისა და სოფლის მეურნეობის მინისტრის მოადგილემ მოითხოვა „გარემოსდაცვითი შეფასების კოდექსში ცვლილებების შეტანის შესახებ“ კანონპროექტის დაჩქარებული წესით განხილვა, რასაც ბიურომ მხარი დაუჭირა.
„მსგავსი მიდგომა განსაკუთრებით შემაშფოთებელი და მიუღებელია ისეთი მნიშნელოვანი ინსტიტუციური ცვლილების მიღების პროცესში, როგორსაც მოცემული კანონპროექტი ითვალისწინებს“.
სრულად...
წყარო: gyla.ge
CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.
ელ-ბიულეტენი...
თბილისი. რონდელის ფონდი წარმოგიდგენთ საქართველოსა და რუსეთში ჩატარებული ორი კვლევის შედარებითი ანალიზის მთავარ მიგნებებს.
„ორგანიზაციამ ფრიდრიხ ებერტის ფონდის სამხრეთ კავკასიის წარმომადგენლობის მხარდაჭერით კავკასიის კვლევითი რესურსების ცენტრს (CRRC) დაუკვეთა კვლევა, რომლის მიზანი იყო რუსეთის შესახებ საქართველოს მოსახლეობის ცოდნის, დამოკიდებულებებისა და აღქმის შესწავლა, საგანგებო აქცენტით ჩრდილოეთ კავკასიაზე.
კვლევა ჩატარდა 2021 წლის თებერვალში. პარალელურად, ანალოგიური მიზნით კვლევა ჩატარდა რუსეთში, რათა გამოვლენილიყო საქართველოსთან დაკავშირებით რუსეთის ფედერაციის მოქალაქეთა დამოკიდებულებები და აღქმა“.
სრული კვლევა...
წყარო: www.gfsis.org
ამბროლაური-ლანჩხუთი.ინფორმაციის თავისუფლების განვითარების ინსტიტუტის (IDFI) ინფორმაციით, ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს.
„სტრატეგიული დოკუმენტები მიზნად ისახავს მერიებში დაიხვეწოს მმართველობითი პროცესები, დაინერგოს ღიაობის, გამჭვირვალობის, ეთიკისა და კეთილსინდისიერების მაღალი სტანდარტები, პრაქტიკაში ეფექტურად განხორციელდეს ადგილობრივი დონეზე მოქალაქეთა ჩართულობის მექანიზმები.
დოკუმენტები ამერიკის შეერთებული შტატების საერთაშორისო განვითარების სააგენტოს (USAID) პროექტის „დემოკრატიული მმართველობის ინიციატივა (GGI) საქართველოში”, IDFI-ს მონაწილეობით მომზადდა“.
სრულად...
წყარო: idfi.ge
თბილისი. გაეროს განვითარების პროგრამა (UNDP) აქვეყნებს კვლევას: საქართველოში შეზღუდული შესაძლებლობის მქონე პირთა უფლებების სიტუაციური ანალიზი.
„შეზღუდულ შესაძლებლობასთან დაკავშირებული სოციალური სერვისებისა და შშმ პირთა უფლებრივი მდგომარეობის გაუმჯობესებისთვის აუცილებელია სისტემური და კოორდინირებული ცვლილებების გატარება. საკვანძოდ მნიშვნელოვანია შშმ პირის სტატუსის მინიჭების სისტემის ძირეული რეფორმა და სამედიცინო მოდელიდან სოციალურ მოდელზე გადასვლა“.
სრულად...
წყარო: www.ge.undp.org
თბილისი. ტოლერანტობისა და მრავალფეროვნების ინსტიტუტის (TDI) ცნობით, 27 იანვარი ჰოლოკოსტის მსხვერპლთა ხსოვნის საერთაშორისო დღეა.
„ჰოლოკოსტი ბერძნული სიტყვაა და „ცეცხლით მსხვერპლშეწირვას“ ნიშნავს. ჰოლოკოსტს, ებრაელებთან ერთად, შეეწირნენ ბოშები, შავკანიანები, იეჰოვას მოწმეები, სლავები, შეზღუდული შესაძლებლობის მქონე პირები, განსხვავებული სექსუალური ორიენტაციის ადამიანები, პოლიტიკური ოპონენტები“.
სრულად...
წყარო: ორგანიზაციიის გვერდი სოციალურ ქსელში
თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს საქართველოში გარდაცვლილთა სტატისტიკის შესახებ.
„NCDC-ის მიერ მოწოდებული წინასწარი მონაცემებით 2021 წელს საქართველოში 59,638 პირი გარდაიცვალა, რაც 2020 წლის დაზუსტებულ მაჩვენებელს 9,101-ით (+18%) აღემატება.
1994-2020 წლებში ქვეყანაში გარდაცვალების მაჩვენებელი 46 ათასიდან - 51 ათასამდე მერყეობდა, შესაბამისად ბოლო 28 წლის განმავლობაში 2021 წელს გარდაიცვალა ყველაზე მეტი ადამიანი - 59,638“.
სრულად...
წყარო: idfi.ge
თბილისი. დემოკრატიისა და მართლმსაჯულების ინსტიტუტი ეხმაურება 2022 წლის 24 იანვარს მედიასაშუალებებით გავრცელებულ, პოლიციის მხრიდან არასრულწლოვნის მიმართ ძალადობის ფაქტს.
„ეს შემთხვევა ცალსახად მიანიშნებს, რომ ქვეყანაში არ არსებობს სამართალდამცავთა მხრიდან ძალადობის ადრეული პრევენციის ეფექტიანი მექანიზმები. საჭიროა გაძლიერდეს დამოუკიდებელი საგამოძიებო მექანიზმი, ძალოვანი უწყებების შიდა ინსპექციისა და აუდიტის სისტემებში კი აუცილებელია დაინერგოს ისეთი საშუალებები რაც ხელს შეუწყობს ძალადობის ადრეულ პრევენციას. მოვუწოდებთ შესაბამის ორგანოებს დროულად და ეფექტიანად გამოიძიონ აღნიშნული ფაქტი“.
სრულად...
წყარო: idj.ge
გურია. 25 იანვარს, ინოვაციებისა და სამოქალაქო განვითარების ცენტრში - პროგრესის სახლი (გურიის ჰაბი) გაიმართა მედია კონკურსის გამარჯვებულების დაჯილდოება.
კონკურსის მიზანი იყო სამოქალაქო საზოგადოების ორგანიზაციებისა და სამოქალაქო აქტივისტების საქმიანობის წარმოჩენა და მათი ფართო საზოგადოებისთვის გაცნობა.
კონკურსის გამარჯვებულები გახდნენ: ტელეკომპანია „გურია“-ს ჟურნალისტი - თამთა დოლიძე და გაზეთ „გურია ნიუსი“-ს ჟურნალისტები - გიორგი გირკელიძე და მარინა ჩიხლაძე.
მედია კონკურსი ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში.
სრულად...
წყარო: ორგანიზაციის გვერდი სოციალურ ქსელში
26/01/2022
27 იანვარს, 17:00 საათზე, CENN გიწვევთ ონლაინ დისკუსიაზე საკვები ნარჩენების შესახებ.
სრულად...