თბილისი. საქართველოს ახალგაზრდა იურისტთა ასოციაციისა და სოციალური სამართლიანობის ცენტის ინფორმაციით, კულტურის, სპორტისა და ახალგაზრდობის მინისტრად თეა წულუკიანის დანიშვნის შემდეგ ეროვნულ მუზეუმსა და მის დაქვემდებარებაში არსებულ დაწესებულებებში მასშტაბური საშტატო ცვლილება დაიწყო, რის შედეგადაც 10 თანამშრომელი თანამდებობიდან გათავისუფლდა. „მიგვაჩნია, რომ პროცესმა არა მხოლოდ ხელმძღვანელობისთვის არასასურველი კადრების ჩამოშორების სახე მიიღო, არამედ გამოაჩინა ისიც, რომ ამ გადაწყვეტილებების მიზანი სამუზეუმო სფეროს კონტროლი და ცენზურაა. ორი დასაქმებულის ინტერესს სოციალური სამართლიანობის ცენტრი და ახალგაზრდა იურისტთა ასოციაცია იცავს. ორგანიზაციებმა უკვე მიმართეს თბილისის საქალაქო სასამართლოს და თანამდებობიდან გათავისუფლების ბათილად ცნობა, ტოლფას თანამდებობებზე აღდგენა და ერთ-ერთის შემთხვევაში განსხვავებული მოსაზრებების გამო პირდაპირი დისკრიმინაციის დადგენა მოითხოვეს“, ნათქვამია განცხადებაში. სრულად... წყარო: gyla.ge

თბილისი. 18 ნოემბერს, ინფორმაციის თავისუფლების განვითარების ინსტიტუტმა (IDFI), USAID-ის ეკონომიკური მმართველობის პროგრამის მხარდაჭერით, პროექტის „საჯარო-კერძო დიალოგის ხარისხის შეფასების მექანიზმი“ პრეზენტაცია გამართა. „პროექტის ფარგლებში, IDFI შეაფასებს საკანონმდებლო აქტების შემუშავების პროცესში საჯარო-კერძო დიალოგის ხარისხს. შეფასება განხორციელდება სამი წლის განმავლობაში“. სრულად... წყარო: idfi.ge

თბილისი. სოციალური სამართლიანობის ცენტრმა მოამზადა ბროშურა, რომლის მიზანია საზოგადოების ინფორმირება ნარკოტიკებთან დაკავშირებით არსებულ სამართლებრივ შეზღუდვებსა და სასჯელებზე. „ნარკოპოლიტიკის სფეროში, ბოლო წლებში, საკონსტიტუციო სასამართლოს მიერ მიღებული გადაწყვეტილებების საფუძველზე, ლიბერალური მიდგომების დანერგვისკენ მიმართული არაერთი საკანონმდებლო ცვლილება განხორციელდა. ცვლილებები შეეხო, მათ შორის, მარიხუანის მოხმარების რეგულირებას. თუმცა, სამწუხაროდ, საზოგადოების აღქმები ნარკოტიკულ დანაშაულებსა თუ სამართალდარღვევებთან მიმართებით, ხშირად არ ემთხვევა მოქმედ კანონმდებლობას“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. საერთაშორისო გამჭვირვალობა - საქართველო მიიჩნევს, რომ საქართველოს მთავრობის მიერ OECD/ACN-ის მონიტორინგის მისიის მიერ მომზადებული ანგარიშის დამტკიცებაზე უარი ზიანს აყენებს საქართველოს რეპუტაციას და ეწინააღმდეგება ქართველი ხალხის მიერ კონსტიტუციით გამყარებულ ნებას ევროპული, დემოკრატიული, კორუფციისგან თავისუფალი და დამოუკიდებელი მართლმსაჯულების მქონე ქვეყნის მშენებლობის შესახებ. „მოვუწოდებთ მთავრობას, კონსტრუქციულად ითანამშრომლოს მონიტორინგის ჯგუფთან, უზრუნველყოს საპილოტე ანგარიშის დამტკიცება და მისი საჯაროდ ხელმისაწვდომობა“. სრულად... წყარო: transparency.ge

თბილისი. ტოლერანტობის და თანასწორობის კვირეულის ფარგლებში, ლიდერთა სკოლის მოსწავლეების მონაწილეობით ჩატარდა შეხვედრა თემაზე: „თაობათაშორის ეპოქალური ცვლილებები, ღირებულებები და დამოკიდებულებები“. „მოწვეული სტუმრები იყვნენ: ჟურნალისტი ნინო ზაუტაშვილი, კომპიუტერული და ელექტრონული ინჟინერიის პროფესორი ნანა დიხამინჯია და კონსტიტუციონალისტი ვახუშტი მენაბდე. სტუმრებმა ისაუბრეს თაობათაშორის ტოლერანტულ დამოკიდებულებეზე, განსხვავებულ რწმენა-წარმოდგენებზე, ფასეულობებისა და ღირებულებების ცვლილებაზე. ასევე, ციფრულ ეკონომიკაზე, თაობათაშორის ბრძოლაზე და ინტერესთა კონფლიქტებზე“. სრულად... წყარო: ორგანიზაციის გვერდი სოციალურ ქსელში

აჭარა. სოლიდარობის თემისა და სოციალური სამართლიანობის ცენტრის ერთობლივი პროექტის ფარგლებში, „კრიტიკული პოლიტიკის სკოლა“, ხულოში კიდევ ერთი შეხვედრა გაიმართა.  მომხსენებლებმა ისაუბრეს საბჭოთა კავშირისა და ისლამიზაციის შესახებ, მათ შორის ისლამურ პრაქტიკებზე, მოდერნიზაციის პროექტებზე - რუსეთის იმპერიიდან დღემდე, როგორ უკავშირდება ეს ინფრასტრუქტურას და ადგილობრივ ტრადიციულ რწმენებს (უჟმურები, ქაჯები). სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ ცნობით, ორგანიზაციის დახმარებით, ეგვიპტის მოქალაქემ ბინადრობის ნებართვასთან დაკავშირებული სასამართლო დავა მოიგო. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდობის სააგენტოს ინფორმაციით, ფორუმი მუნიციპალური ახალგაზრდობის პოლიტიკის შესახებ დასრულდა. „ფორუმის მიზანია მუნიციპალური ახალგაზრდობის პოლიტიკის და მისი პრინციპების - უფლებებზე დაფუძნებული მიდგომების და ახალგაზრდების მონაწილეობის პოპულარიზაცია და ხელშეწყობა“. სრულად... წყარო: ორგანიზაციის გვერდზე სოციალურ ქსელში

22 ნოემბერს, 17:00, საათზე სოციალური სამართლიანობის ცენტრის ფეისბუქ გვერდზე გაიმართება ონლაინ დისკუსია: „ცხოვრება გამყოფ ხაზებთან - ყოველდღიური გამოწვევები და ნდობის მშენებლობის შესაძლებლობები“. სრულად...

22 ნოემბერს, 16:00 საათზე, გორის რაიონული სასამართლოს მოსამართლე ნინო გერგაული ისაუბრებს თემაზე: კარგი მოსამართლის მთავარი ღირსებები. სრულად...

თბილისი. 2021 წლის მარტიდან საქართველოს ახალგაზრდა იურისტთა ასოციაციამ (საია) საქართველოს სახალხო დამცველის აპარატთან თანამშრომლობით და USAID/PROLoG-ის მხარდაჭერით, დაიწყო საპილოტე პროექტის განხორციელება, რომლის მიზანიც პატიმრებისათვის სამართლებრივი დახმარების გაწევა იყო. „წინასწარ შემუშავებული კრიტერიუმების შესაბამისად, ჯამში შეირჩა 10 პატიმრის საქმე, რომელთა მიმართაც გამოყენებული იყო დისციპლინური პასუხისმგებლობის სხვადასხვა ზომა. სასამართლოში წარმომადგენლობას საია ახორციელებდა. ამ დროისთვის რუსთავისა და თბილისის საქალაქო სასამართლოებში უკვე დასრულდა 5 საქმის განხილვა. ხუთივე საქმეზე სასამართლოებმა დააკმაყოფილეს სასარჩელო მოთხოვნები და შესაბამისად, უკანონოდ იქნა ცნობილი კონკრეტული პენიტენციური დაწესებულებების მიერ პატიმრებისთვის დისციპლინური პასუხისმგებლობის დაკისრება. დანარჩენ ხუთ საქმეზე სასამართლო განხილვა ჯერჯერობით გრძელდება. სახალხო დამცველის აპარატი და საია იმედოვნებენ, რომ ეს საპილოტე პროექტი და მიღწეული დადებითი შედეგები, სასამართლოს მიერ დადგენილი სტანდარტები პოზიტიურ გავლენას მოახდენს პენიტენციურ დაწესებულებებში პატიმართა მიმართ დისციპლინური პასუხისმგებლობის გამოყენების არსებულ პრაქტიკაზე“. სრულად... წყარო: ombudsman.ge

საქართველოს ახალგაზრდა იურისტთა ასოციაციის საერთაშორისო სამართალწარმოების გუნდის ხელმძღვანელმა, თამარ ონიანმა, მონაწილეობა მიიღო ევროპის საბჭოს მინისტრთა კომიტეტისა და მომჩივანთა წარმომადგენლებისა თუ არასამათავრობო ორგანიზაციების ერთობლივ შეხვედრაში. შეხვედრაზე ორგანიზაციის წარმომადგენელმა მინისტრთა კომიტეტს გააცნო იდენტობის ჯგუფის საქმეების აღსრულების მდგომარეობა, და, დამატებით, ასევე, მიმოიხილა 2021 წლის 05 ივლისს განვითარებული ძალადობრივი მოვლენები. სრულად... წყარო: gyla.ge

თბილისი. სოციალური სამართლიანობის ცენტრი გთავაზობთ ანა დიაკონიძის სტატიას - „არასტანდარტული და არაფორმალური დასაქმება - კონცეპტები და მათი რელევანტურობა საქართველოსთვის“.  „დასაქმების არასტანდარტული ფორმების გავრცელებას ბევრმა ფაქტორმა შეუწყო ხელი. განსაკუთრებით აღსანიშნავია ბიზნესის გლობალიზება - მულტინაციონალური კომპანიების აღმოცენება, რომლებიც გლობალური მიწოდების ჯაჭვის საშუალებით ოპერირებენ, ტექნოლოგიების განვითარება, წარმოების გადატანა განვითარებულიდან განვითარებად სამყაროში და სერვის ეკონომიკის ზრდა. აღნიშნულმა ტენდენციებმა [ტრადიციული შრომითი კანონმდებლობა] თავდაყირა დააყენა“. სტატია ხელმისაწვდომია ბმულზე... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, Საქართველოში კორუფციის მაჩვენებლები კვლავ უარესდება. „TRACE International-ის მიხედვით ბიზნესის კორუფციის რისკის მაჩვენებელი საქართველოში ერთი ქულით გაუარესდა და რეიტინგში ქვეყანამ ერთი ადგილით უკან გადაინაცვლა“. სრულად... წყარო: idfi.ge

თბილისი. ომბუდსმენი „ქართული ოცნების“ თავმჯდომარის, ირაკლი კობახიძის „მუქარის შემცველ განცხადებებს“ ეხმაურება. „კობახიძე საუბრობს სახალხო დამცველის და მის მიერ მოწვეული ექიმების შესაძლო პასუხისმგებლობასთან დაკავშირებით. აღნიშნული რიტორიკა სცილდება სამართლებრივ ჩარჩოს, წარმოადგენს დამოუკიდებელ კონსტიტუციურ ორგანოზე და მის ექსპერტებზე თავდასხმისა და დაშინების მცდელობას და ეწინააღმდეგება ადამიანის უფლებების ეროვნულ და საერთაშორისო ვალდებულებებს.  მოვუწოდებთ გაერთიანებული ერების ორგანიზაციის, ევროპის საბჭოს, ეუთო/ოდირის, საქართველოში აკრედიტებულ დიპლომატიურ მისიებსა და ომბუდს გაერთიანებებს, შეისწავლონ აღნიშნული ფაქტი და თავიანთი მანდატის ფარგლებში შესაბამისი შეფასება მისცენ მას“, ნათქვამია სახალხო დამცველის განცხადებაში. სრულად... წყარო: ombudsman.ge

თბილისი. სოციალური სამართლიანობის ცენტრი ინფორმაციით, 18 ნოემბერს ეკონომიკისა და მდგრადი განვითარების სამინისტრომ რელიგიურ ორგანიზაციას - არარეგისტრირებული კავშირი „იმამ ალის მეჩეთი“, უარი უთხრა მარნეულში მდებარე მეჩეთის სარგებლობაში გადაცემაზე. „სამინისტრომ ეს გადაწყვეტილება კვლავ იმ უსამართლო და დისკრიმინაციულ არგუმენტაციას დააფუძნა, რომ მუსლიმ თემში მხოლოდ სსიპ „სრულიად საქართველოს მუსლიმთა სამმართველოა“ (შემდგომში სამმართველო) სახელმწიფოს მიერ აღიარებული ის რელიგიური ორგანიზაცია, რომელსაც ისტორიულ რელიგიურ ნაგებობებზე უფლებების მოპოვებისა და სახელმწიფოსთან სამართლებრივ ურთიერთობებში შესვლის ლეგიტიმაცია აქვს. იმ პირობებში, როდესაც სამმართველოს იმამ ალის მეჩეთთან არც სამართლებრივი და არც ფაქტობრივი კავშირი არ აქვს, ეს გადაწყვეტილება რელიგიის თავისუფლების სფეროში სახელმწიფოს თვითნებური და დისკრიმინაციული ჩარევის კიდევ ერთ მაგალითს წარმოადგენს“. სრულად... წყარო: socialjustice.org.ge

თბილისი. სამოქალაქო საზოგადოების ორგანიზაცია „რუსეთის კვლევის ცენტრი“ (Center for Russian Studies - CRS) კონრად ადენაუერის ფონდის ფინანსური მხარდაჭერით და ილიას სახელმწიფო უნივერსიტეტთან პარტნიორობით, 30 ნოემბერს-1 დეკემბერს გამართავს საერთაშორისო კონფერენციას „რა არის საბჭოთა პოსტსაბჭოთა სივრცეში“. „კონფერენცია ეძღვნება რუსეთისა და რეგიონის პოლიტიკაში წარსულისა და აწმყოს კავშირების გაგებას და მიზნად ისახავს მეხსიერების, ისტორიულ დისკურსებსა და სოციალურ პრაქტიკებს შორის ურთიერთდამოკიდებულების დადგენას მოცემულ გეოგრაფიულ ზონაში, რაც გარკვეულ გავლენას ახდენს რეგიონის მომავალზე“. კონფერენციის შესახებ ვრცლად იხილეთ ბმულზე... სრულად... წყარო: ილიას სახელმწიფო უნივერსიტეტის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: კარტოფილი - ჯავახეთის „მეორე პური“. „ჯავახეთში სამ კვირაზე მეტია, რაც კარტოფილის მოსავლის ამოღების პროცესი დაიწყეს. ადგილობრივი მედიასაშუალებები აქტიურად აშუქებენ ამ პროცესს და ბევრს წერენ იმ სირთულეებზე, რასაც ადგილობრივი გლეხები აწყდებიან. გაზაფხულზე მედია და სოციალური ქსელები წალეკა ადგილობრივი გლეხების პროტესტმა, როცა მათ გაფუჭებული კარტოფილი დემონსტრაციულად გადაყარეს და ამით საკუთარი შრომის დაუფასებლობასა და არაღიარებას კიდევ ერთხელ გაუსვეს ხაზი. მთავრობები ბევრს საუბრობენ სოფლის მეურნეობის მხარდაჭერაზე, მაგრამ ამ სისტემის მუშაობა ჩვენი ოჯახების და გლეხების რეალური ყოფიდან უნდა დავინახოთ. სამწუხაროდ, ქვემოთ და ქვემოდან რეალური ცვლილებები არ ჩანს და ჩვენი გლეხები მათი მეორე პურის მოსაპოვებლად მიწასთან მძიმე შრომას, ვიტყოდი, მიწასთან მძიმე ბრძოლას ისევ აწარმოებენ“.  სრულად... წყარო: socialjustice.org.ge ფოტო: ნეტგაზეთი

კახეთი. ორგანიზაციები „ცვლილებები თანაბარი უფლებებისათვის” და „კოალიცია დამოუკიდებელი ცხოვრებისათვის” „ლაგოდეხის დამოუკიდებელი ცხოვრების ცენტრთან“ ერთად, ლაგოდეხის კაბალის თემის შეზღუდული შესაძლებლობის მქონე წევრებს შეხვდნენ. „შეხვედრაზე თემის წევრებმა არსებულ ბარიერებსა და პრობლემებზე ისაუბრეს და მათი მოგვარების გზები განიხილეს“.  სრულად... წყარო: ორგანიზაციის გვერდი სოციალურ ქსელში

19 ნოემბერს, 19:00 საათზე საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) გიწვევთ სამეცნიერო სემინარზე „პოლიტეკონომიური საუბრები ლადო პაპავასთან" – „ჩინეთ-საქართველოს ეკონომიკური თანამშრომლობა და გამოწვევები“. სრულად...

19 ნოემბერს, 12:00 საათზე, ამერიკის შეერთებული შტატების ელჩი საქართველოში, კელი დეგნანი, USAID/საქართველოს ხელმძღვანელი, პიტერ ვიბლერი, ევროპასა და ევრაზიაში „ქემონიქს ინტერნეშენალის“ ვიცე პრეზიდენტ, ტატიანა დუდკასთან და USAID-ის პროექტის „ზრდა საქრთველოში“ ხელმძღვანელთან, ქეთევან ჭუმბურიძესთან ერთად, სასტუმრო „რუმს თბილისში“ USAID-ის პროექტის დახურვის ღონისძიებაში მიიღებენ მონაწილეობას. მისამართი: თბილისი, მერაბ კოსტავას ქ. #14

თბილისი. საერთაშორისო გამჭვირვალობა - საქართველოს ინფორმაციით, საქართველოს პარლამენტი დაჩქარებული წესით განიხილავს საკანონმდებლო ინიციატივას „ადგილობრივი თვითმმართველობის კოდექსში“ ცვლილებების შეტანის თაობაზე, რომლის თანახმადაც საკრებულოებში თანამდებობის პირთა რაოდენობა იზრდება. „გაუგებარია, თანამდებობის პირთა რაოდენობის გაზრდა როგორ გააუმჯობესებს და გახდის უფრო ეფექტურს საკრებულოს საქმიანობას, როგორც ეს კანონპროექტის განმარტებით ბარათშია მითითებული. საკრებულოს თავმჯდომარის მოადგილეთა რაოდენობის გაზრდა, პირველ რიგში, გაზრდის საბიუჯეტო დანახარჯებს“, ნათქვამია ორგანიზაციის ვებგვერდზე. სრულად... წყარო: transparency.ge