თბილისი. „უფლებები საქართველოს“ დახმარებით, სომხეთის მოქალაქეს საქართველოში მუდმივი ცხოვრების უფლება მიენიჭა. მას ბინადრობის ნებართვა (ბარათი) 2021 წლის 25 ოქტომბერს გადაეცა. სრულად... წყარო: ორგანიზაციის გვერდი სოციალურ ქსელში

29 ოქტომბერს, 19:00 საათზე, „საბჭოთა წარსულის კვლევის ლაბორატორიის“ ორგანიზებით გაიმართება წიგნის „ქალაქი“ ონლაინპრეზენტაცია. სრულად...

29 ოქტომბერს, 17:00 საათზე, გაიმართება პირდაპირი ჩართვა თემაზე: ფუნქციური სავარჯიშოების განხორციელების წახალისება სახლის პირობებში. სრულად...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს ახალგაზრდა იურისტთა ასოციაციამ (საია) 2021 წლის ადგილობრივი თვითმმართველობის არჩევნების გრძელვადიანი სადამკვირვებლო მისიის მე-3 შუალედური ანგარიში მოამზადა. ანგარიშის თანახმად, „კვლავ გამოწვევად რჩება სავარაუდოდ პოლიტიკურად მოტივირებული ძალადობრივი ქმედებები, როგორც ორ ოქტომბრამდე, ასევე შემდეგაც. მეორე ორე ტურის წინასაარჩევნო პერიოდში საიამ აღწერა პოლიტიკური პარტიებისთვის წინასაარევნო კამპანიის წარმოებაში ხელშეშლის ორი შემთხვევა. სააანგარიშო პერიოდში გამოვლინდა სააგიტაციო მასალის დაზიანების ფაქტები, რომელიც მიმართული იყო როგორც მმართველი პარტიის ისე ოპოზიციის წინააღმდეგ“. სრულად... წყარო: gyla.ge

თბილისი. საქართველოს დემოკრატიული ინიციატივას ინფორმაციით, 27 ოქტომბერს რელიგიის თავისუფლების საერთაშორისო დღე აღინიშნება. „საქართველოში დღეს რელიგიის თავისუფლების დაცვა და საზოგადოების ტოლერანტული განვითარების პერსპექტივა საფრთხის წინაშე დგას. როგორც მიმდინარე მოვლენებმა და სახელმწიფოს მიერ რელიგიური გაერთიანებების მასშტაბურმა სავარაუდო უკანონო მიყურადებამ გამოავლინა, რელიგიურ გაერთიანებებს, ორგანიზაციებს და იმ ადამიანებს, რომლებიც თავდაუზოგავად შრომობენ საქართველოში კონსტიტუციისა და ფუნდამენტური უფლებების დასაცავად, მუდმივად აკონტროლებს ხელისუფლება და ცდილობს მათ დისკრედიტაციას“, ნათქვამია განცხადებაში. სრულად... წყარო: tdi.ge

თბილისი. 26 ოქტომბერს, სოციალური სამართლიანობის ცენტრმა გამართა ონლაინ დისკუსია თემაზე: „გალი - ორმაგი გამოტოვების ადგილი“. „2021 წლის 12 სექტემბერს ცნობილი გახდა აფხაზეთის დე ფაქტო განათლების სამინისტროს გადაწყვეტილების შესახებ, რომლის მიხედვითაც, გალის რაიონის სკოლებში ქართულ ენაზე სწავლება სრულად აიკრძალა. ამ გადაწყვეტილებით, ფაქტობრივად, დასრულდა გალის სკოლების აფხაზურ საგანმანათლებლო სისტემაში ასიმილაციისა და რუსიფიკაციის პროცესი, რომელიც წლების წინ წამოიწყო. დისკუსიის მიზანი აღნიშნულ საკითხზე მრავალშრიანი ფიქრის და მსჯელობის სივრცის შექმნა იყო“. სრულად... დისკუსია... წყარო: socialjustice.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR), პროექტ „ქალთა მიმართ სექსუალური შევიწროება სპორტში“ ფარგლებში, სხვადასხვა სპორტის სახეობაში მოღვაწე სპორტსმენებთან დაიწყო შეხვედრების სერია, რომლის მიზანია ცნობიერების ამაღლების და პრევენციის მიზნით ახალგაზრდა სპორტსმენებისთვის ძალადობის ფორმებზე და სექსუალურ შევიწროებაზე ინფორმაციის მიწოდება. სრულად... წყარო: phr.ge

ქვემო ქართლი. მარნეულში, სამოქალაქო ინტეგრაციის ფონდის მიერ „ახალი აზროვნების ინსტიტუტის ოფისში“ აქტიური ახალგაზრდებისთვის გაიმართა ტრენინგი „ლიდერობა და გუნდურობა“.  ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ცნობით, თითქმის სამწლიანი ბრძოლის შემდეგ, მესტიის მუნიციპალიტეტს შრომითი დავა მოუგო. „ნარგის ნიგურიანი და მაია კახიანი მესტიის მუნიციპალიტეტში მუშაობდნენ. ისინი სამსახურიდან 2018 წლის 22 მარტს გაათავისუფლეს. მოსარჩელეები გათავისუფლებას მესტიაჭალა ჰესის წინააღმდეგ მათ აქტიურობას უკავშირებდნენ. ქუთაისის სააპელაციო სასამართლომ ბათილად ცნო მესტიის მუნიციპალიტეტის მერიის გადაწყვეტილება მოსარჩელეთა გათავისუფლების შესახებ და მოპასუხეებს კომპენსაციის გადახდის ვალდებულება დააკისრა“. სრულად... წყარო: socialjustice.org.ge

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა სამოქალაქო საზოგადოებრივი და სათემო ორგანიზაციების წარმომადგენლებისათვის ტყიბულის მუნიციპალიტეტში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. თუ ხართ ჟურნალისტი და ეკონომიკისა და ბიზნესის საკითხებს აშუქებთ, შეგიძლიათ მონაწილეობა მიიღოთ ეკონომიკის, ახალი მედიისა და მონაცემებზე დაფუძნებული ჟურნალისტიკის ტრენინგში, რომელიც USAID-ის მიერ არის დაფინანსებული. სრულად... რეგისტრაცია... წყარო: ორგანიზაციის გვერდი სოციალურ ქსელში

თბილისი. კოალიცია მედიის ადვოკატირებისთვის წევრი ორგანიზაციები მოუწოდებენ საქართველოს მთავრობას გააკეთოს განმარტებები საქართველოში უკრაინელი ჟურნალისტების არ შემოშვებასთან დაკავშირებით. „2021 წლის 27 ოქტომბერს გავრცელებული ინფორმაციის თანახმად, უკრაინელი ჟურნალისტი, დიმიტრი გორდონი და მისი მეუღლე, რედაქტორი ალისია ბაცმანი საქართველოში არ შემოუშვეს. დიმიტრი გორდონი საქართველოში შემოსვლის აკრძალვას ამჟამად პატიმრობაში მყოფ საქართველოს ყოფილ პრეზიდენტ, მიხეილ სააკაშვილთან შეხვედრის განზრახვას უკავშირებს“. სრულად... წყარო: კოალიციის გვერდი სოციალურ ქსელში

თბილისი. ომბუდსმენი შეშფოთებულია 2021 წლის 26 ოქტომბერს უკრაინის ომბუდსმენის ლუდმილა დენისოვასთვის საქართველოში შემოსვლის დროს დაბრკოლებების შექმნის ფაქტთან დაკავშირებით. „ლუდმილა დენისოვას განცხადებით, საქართველოს სახელმწიფო საზღვრის კვეთის მიზნით საქართველოს შინაგან საქმეთა სამინისტროს წარმომადგენელს მიაწოდა დეტალურად ინფორმაცია მისი ვინაობისა და მგზავრობის მიზნის შესახებ, აგრეთვე წარდგენილ იქნა დიპლომატიური სამგზავრო დოკუმენტი. მიუხედავად აღნიშნულისა, იგი დაახლოებით 40 წუთის განმავლობაში დააყოვნეს საზღვარზე და არ განუმარტეს აღნიშნულის მიზეზი. იგი საქართველოში მხოლოდ და მხოლოდ მას შემდეგ შემოუშვეს, რაც ზემდგომი პირებისგან მიიღეს თანხმობა მესაზღვრეებმა. უკრაინის ომბუდსმენი ასევე მიუთითებს სამართალდამცავი ორგანოს წარმომადგენელების მხრიდან არაკეთილგანწყობილ და ცინიკურ დამოკიდებულებაზე“. სრულად... წყარო: ombudsman.ge

28 ოქტომბერს, 19:00 საათზე, საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) გიწვევთ სამეცნიერო სემინარზე - „ვირუსულ-ეკონომიკური კრიზისი და მონეტარული პოლიტიკის მეტამორფოზა“. სრულად...

28 ოქტომბერს, 14:00 საათზე, გაიმართება ონლაინ შეხვედრა სურსათის უვნებლობის ლაბორატორიული კვლევების შესახებ. სრულად...

28 ოქტომბერს, 13:00 საათზე, სასტუმრო „ჰოლიდეი ინნ თბილისში“ გაიმართება კვლევის „უფლებადამცველების საჭიროებების დადგენა“ პრეზენტაცია. სრულად...

28 ოქტომბერს,11:00 საათზე, საქართველოს ახალგაზრდა იურისტთა ასოციაცია (საია) 2021 წლის ადგილობრივი თვითმმართველობის არჩევნების გრძელვადიანი სადამკვირვებლო მისიის მე-3 შუალედური ანგარიშის პრეზენტაციას გამართავს. მისამართი: თბილისი, კახიძის #15

28 ოქტომბერს, 17:00-19:00 საათზე, გაიმართება პანელური დისკუსია: - როგორ იყენებენ ქვეყნები მონაცემებს საზოგადოებრივი კეთილდღეობისთვის? - #SEEDIG7Series-ის ღონისძიებების სერიის ფარგლებში, მონაცემების გლობალურ ბარომეტრთან (GDB) თანამშრომლობით. IDFI-ის ადგილობრივი მმართველობის | ინტერნეტი და ინოვაციების მიმართულებების ხელმძღვანელი, თეონა ტურაშვილი მონაწილეობას მიიღებს პანელურ განხილვაში. გადახედეთ ღონისძიების დღის წესრიგს და დარეგისტრირდით... სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრმა, ლგბტი უფლებებზე მომუშავე ორგანიზაციასთან - ილგა-ევროპასთან ერთად წერილობითი კომუნიკაციით მიმართა ევროპის საბჭოს მინისტრთა კომიტეტს და ლგბტი ადამიანების ძირითადი უფლებრივი მდგომარეობის შესახებ სიახლეები წარადგინა. „ანგარიში კრიტიკულად აღწერს სახელმწიფოს მიერ ულტრა-მემარჯვენე რადიკალური ჯგუფების მხრიდან ძალადობრივი ქმედებების ლეგიტიმაციასა და განსაკუთრებით მძიმე და გახმაურებული ჰომო/ტრანსფობიური დანაშაულების არაეფექტიანი გამოძიების მანკიერ პრაქტიკას, რაც ქმნის საზოგადოებაში ამგვარი დანაშაულების შეწყნარებისა და დაუსჯელობის განცდას“. სრულად... წყარო: socialjustice.org.ge

თბილისი. ორგანიზაცია მწვანე ნაბიჯი - Green Step ახორციელებს პროექტს “WIN” და ამ პროექტში 50-ზე მეტი ქალის ჩართვას გეგმავს.  პროექტი დაფინანსებულია პოლონეთის საგარეო საქმეთა სამინისტროს Polish Aid - „Polska Pomoc Rozwojowa 2021“-ის მიერ. პროექტის მიზანია დაეხმაროს ქალებს სხვადასხვა ბიზნეს შესაძლებლობების გაღრმავებაში და საერთაშორისო ქსელში ჩართვაში. სემინარების სერიის ძირითადი თემები იქნება: - საქართველოში შრომის ბაზრის ტენდენციები; - ბიზნესის დაფინანსების წყაროები და მათი მოძიების გზები; - საკუთარი ბრენდის შექმნა; - ეფექტური რეზიუმეს შედგენა და სხვა. სემინარები უფასოა, ონლაინ რეჟიმში გაიმართება და მასში მონაწილეობა ნებისმიერი ასაკის და პროფესიის ქალს შეუძლია. დამატებითი ინფორმაციისთვის მისწერეთ ორგანიზაციას მეილზე: greenstepngo@gmail.com ან ფეისბუქის გვერდზე Women Innovation Network - WIN in Georgia რეგისტრაციის ბმული... წყარო: ორგანიზაციის გვერდი სოციალურ ქსელში

თბილისი. მწვანე ალტერნატივა და სოციალური სამართლიანობის ცენტრი ეკონომიკისა და მდგრადი განვითარების სამინისტროს ადმინისტრაციული საჩივრით მიმართავენ და ონის მუნიციპალიტეტში, სოფელ შქმერში მანგანუმის მოპოვების მიზნით გაცემული სასარგებლო წიაღისეულის მოპოვების ლიცენზიების გაუქმებას მოითხოვენ. სრულად... წყარო: socialjustice.org.ge