CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

21 ოქტომბერს, 18:00 საათზე, გაიმართება ონლაინ დისკუსია: ლისის ტბის ურბანული და ეკოლოგიური საფრთხეები. სრულად...

21 ოქტომბერს, 17:00 საათზე, გაიმართება ლაივ ჩართვა: შეზღუდული შესაძლებლობის სტატუსის მინიჭება. სრულად...

21 ოქტომბერს, 16:00 საათზე, ამერიკის საელჩოს ფეისბუქის გვერდზე ლაივ ჩართვა გაიმართება ფულბრაიტის მკვლევართა პროგრამის შესახებ. საელჩოს გაცვლითი პროგრამების კოორდინატორი, თეა კუჭუხიძე ლაივ ჩართვის მეშვეობით გაგაცნობთ პროგრამის მოთხოვნებს და უპასუხებს თქვენს შეკითხვებს. სრულად...

21 ოქტომბერს, 14:30 საათზე, გაიმართება პანელური დისკუსია: შავი ზღვა-საუბრები კავშირების განმტკიცებაზე. სრულად...

21 ოქტომბერს, 11:00 საათზე, გიწვევთ ზუმში, კვლევის პრეზენტაციაზე: „საქართველოს პოლიტიკური ლანდშაფტი: მრავალფეროვნება, პოზიციების თანაკვეთა და თავისუფალი სივრცეები“ რომელიც ეფუძნება „საარჩევნო კომპასი საქართველოს 2020“ მონაცემებს. ზუმის ლინკი...

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ნინო გოზალიშვილის ბლოგპოსტს: ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები. „უკანასკნელ წლებში აქამდე არნახული სისწრაფით ვრცელდება და სტრატეგიას იცვლის ინფორმაციით მანიპულირებისა და პროპაგანდის ტენდენციები ონლაინ სივრცეში. მაშინ, როდესაც აღნიშნული პრობლემა მეტად გლობალურია, მისი გავლენა დემოკრატიზაციის პროცესში მყოფი საზოგადოებებისთვის განსაკუთრებულად ძლიერი და მრავალწახნაგოვანია. საქართველოს მსგავს ქვეყნებში ინფორმაციის თავისუფალი გავრცელება დემოკრატიზაციის პროცესის ერთ-ერთი მთავარი მიღწევა და, ამასთანავე, მნიშვნელოვანი გამოწვევაა. თუმცა, შესაბამისი მექანიზმების ჩამოყალიბებაზე მსჯელობა არა მხოლოდ მწირია, არამედ გაჯერებულია ეთიკური და ნორმატიული დილემებით“. სრულად... წყარო: idfi.ge

თბილისი. სოციალური სამართლიანობის ცენტრის ინფორმაციიტ, უზენაესმა სასამართლომ ორგანიზაციას კონტრდაზვერვითი საქმიანობის შესახებ სტატისტიკური მონაცემის მიწოდებაზე უარი უთხრა. „ჩვენ დავინტერესდით, ბოლო წლებში რამდენი ადამიანი დაექვემდებარა და რა ხანგრძლივობით კონტრდაზვერვითი მიზნებით ფარულ მოსმენებსა და მიყურადებას; როგორი იყო ამ მხრივ სახელმწიფო უსაფრთხოების სამსახურის მიერ უზენაესი სასამართლოსთვის წარდგენილი შუამდგომლობების დაკმაყოფილების მაჩვენებელი. სოციალური სამართლიანობის ცენტრი გამოიყენებს ყველა შესაძლო სამართლებრივ მექანიზმს, რათა უზენაესმა სასამართლომ გაასაჯაროოს აღნიშნული ინფორმაცია“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ნაშრომს, რომლის მიზანია საქართველოში კანონის უზენაესობის გლობალური ინდექსის მაჩვენებლების განხილვა 2021 წლის მდგომარეობით, მისი შედარება წინა წლების მაჩვენებლებთან, არსებული გამოწვევების იდენტიფიცირება და ტენდენციების გამოვლენა. „2021 წლის კანონის უზენაესობის გლობალური ინდექსის თანახმად, საქართველოში კანონის უზენაესობის მდგომარეობა 0,61 ქულით არის შეფასებული (მაქსიმალური 1 ქულა). ამ მაჩვენებლით საქართველოს პოზიცია წინა წელთან შედარებით 0,01 ქულით გაუმჯობესდა“. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს საჩივრების სტატისტიკას 2021 წლის ადგილობრივი თვითმმართველობის არჩევნების პირველ ტურთან მიმართებით.  სრულად... წყარო: gyla.ge

ქვემო ქართლი. USAID/Zrda წარმოგიდგენთ ახალ კულინარიულ კრებულს - „ეთნო ტაბლა“. „ეთნო ტაბლა“ წარმოადგენს USAID/Zrda-ს მიერ საქართველოს გასტრონომიის ასოიაციასთან ერთად შემუშავებულ ახალ ტურისტულ პროდუქტს, რომელშიც თავმოყრილია ქვემო ქართლის რეგიონში არსებული ეთნიკური უმცირესობების (სომეხი, აზერბაიჯანელი, ბერძენი, გერმანელი, ასირიელი) ძველი კულინარიული რეცეპტები. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრის ინფორმაციით, 2017 წელს საქართველოში „სტამბოლის კონვენცია“ რატიფიცირდა. ნაკისრი ვალდებულებების შესრულების მონიტორინგს კი ევროსაბჭოს ქალთა მიმართ ძალადობისა და ოჯახში ძალადობის წინააღმდეგ მიმართულ ქმედებებზე მომუშავე ექსპერტთა ჯგუფი (GREVIO) ახორციელებს. არასამთავრობო ორგანიზაციებმა, GREVIO-ს წარუდგინეს ჩრდილოვანი ანგარიში საქართველოში არსებული მდგომარეობის, კერძოთ კი სექსუალური ძალადობის პრობლემის შეფასების ფარგლებში.  სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრი (EPRC) აქვეყნებს პუბლიკაციას - „3+3: საქართველო და ახალი რეგიონალური ფორმატი“. „საქართველოს მონაწილეობის შესაძლებლობა ნებისმიერ ახალ რეგიონალური თანამშრომლობის ფორმატში, რომლის ინიციატორი, თანაავტორი, ერთ-ერთი რიგითი წევრი, ან თუნდაც მხარდამჭერი იქნება რუსეთის ფედერაცია, სერიოზულ საფრთხეს უქმნის საქართველოს სუვერენიტეტსა და ტერიტორიულ მთლიანობას, ეჭვის ქვეშ აყენებს ჩვენი ქვეყნის კონსტიტუციის პრეამბულაში მკაფიოდ დაფიქსირებულ და, ამავე დროს, ქართველი ხალხის აბსოლუტური უმრავლესობის მიერ არჩეულ ევროპული და ევრო-ატლანტიკური ინტეგრაციის იდეას და სერიოზულ ზიანს აყენებს ქვეყნის იმიჯს ჩვენი დასავლელი პარტნიორების თვალში“. დოკუმენტი წყარო: ორგანიზაციის გვერდი სოციალურ ქსელში

20 ოქტომბერს, 16:00 საათზე, სოციალურ მეცნიერებათა ცენტრი გიწვევთ ვებინარების სერიაში „სადოქტორო განათლება საქართველოში“ მონაწილეობის მისაღებად. წარმოგიდგენთ პირველ ვებინარს: „დოქტორანტების ხელმძღვანელობა: გამოწვევები საქართველოს უმაღლესი განათლების სისტემისთვის“. ლია წულაძე სოციოლოგიის პროფესორი თბილისის სახელმწიფო უნივერსიტეტი სრულად...

20 ოქტომბერს, 11:00 საათზე, 7 არასამთავრობო ორგანიზაცია ევროკავშირის ელჩს საქართველოში კარლ ჰარცელს და ევროპის სხვადასხვა ინსტიტუტებს ერთობლივი განცხადებით მიმართავს დროულად მოახდინონ რეაგირება „ქართული ოცნების“ ანტისახელმწიფოებრივი და ანტიდასავლური ქმედებების მიმართ. მისამართი: თბილისი, ევროკავშირის წარმომადგენლობა საქართველოში, ჭავჭავაძის 64ბ

20 ოქტომბერს, 09:45 საათზე, ევროკავშირის წარმომადგენლობაში ევროკომისიის აღმოსავლეთ სამეზობლოსთან ურთიერთობისა და ინსტიტუციური მშენებლობის დირექტორატის ხელმძღვანელი ლორენს მერედიტი და საქართველოში ევროკავშირის ელჩი კარლ ჰარცელი მედიისთვის განცხადებას გააკეთებენ და ვიზიტის შესახებ ისაუბრებენ. თემა: დირექტორი ლორენს მერედიტი და ელჩი კარლ ჰარცელი 20-21 ოქტომბერს იმერეთსა და აჭარაში ევროკავშირის პროექტებს ეწვევიან. მისამართი: თბილისი, ილია ჭავჭავაძის გამზირი 64ა („ჰილტონ გარდენ ინის“ შენობა).

თბილისი. საქართველოს ახალგაზრდა იურისტთა ასოციაციის ინფორმაციით, თბილისის საქალაქო სასამართლომ საქართველოს პარლამენტის თავმჯდომარე კახა კუჭავა ჯარიმის გადახდისაგან გაათავისუფლა და მას მხოლოდ სიტყვიერი შენიშვნა გამოუცხადა. ორგანიზაცია საზოგადოებას შეახსენებს, რომ კახა კუჭავა კენჭისყრის დღეს საარჩევნო უბანზე „ქართული ოცნების“ სიმბოლიკიანი პირბადით გამოცხადდა, რაც აგიტაციას წარმოადგენს და ითვალისწინებს დაჯარიმებას 2000 ლარის ოდენობით. საია მიიჩნევს, რომ ამგვარი ლოიალური მიდგომა პარლამენტის თავმჯდომარის მხრიდან ჩადენილ აშკარა სამართალდარღვევაზე, უარყოფითად აისახება საარჩევნო სამართალდარღვევების პრევენციაზე. სრულად... წყარო: ორგანიზაციის გვერდი სოციალურ ქსელში

თბილისი. ღირსეული შრომის პლატფორმა ეხმიანება სოციალური მომსახურების სააგენტოს თანამშრომლების კოლექტიური შრომითი დავის პროცესს. პლატფორმა საქართველოს ჯანდაცვის სამინისტროს მოუწოდებს, მაქსიმალურად სწრაფად და ეფექტიანად უზრუნველყოს მედიაციის პროცესის წარმოება და სოციალური სააგენტოს თანამშრომლებისთვის ღირსეული შრომითი პირობების შესაქმნელად საჭირო, მათ მიერ დაყენებული მინიმალური მოთხოვნების დაკმაყოფილება. სრულად... წყარო: socialjustice.org.ge

თბილისი. მაკ ჯორჯიას ინფორმაციით, წელს „მესტუმრეს“ ფარგლებში 60 მოხალისე გაერთიანდა, რომლებიც ხანდაზმულების მეგობრები და თანამოსაუბრენი გახდებიან. „„მესტუმრეს“ მოხალისეები ერთი თვის განმავლობაში გაივლიან მრავლისმომცველსა და ინტენსიურ ტრენინგებს, რომელსაც MAC Georgia-ს ოკუპაციური თერაპევტი, ფსიქოლოგი და სპეციალური განათლების კოორდინატორი გაუძღვებიან. ტრენინგები მოხალისეებს ყველა იმ საჭირო უნარს შესძენს, რაც პროექტის მსვლელობისას ხანდაზმულებთან ურთიერთობას სასიამოვნოსთან ერთად, ნაყოფიერსაც გახდის“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) განცხადებას აქვეყნებს და მოუწოდებს საქართველოს პარლამენტს, არ დაუჭიროს მხარი „მაუწყებლობის შესახებ“ საქართველოს კანონსა და საქართველოს საარჩევნო კოდექსში შესატან ცვლილებებს. „საქართველოს პარლამენტს უნდა ჰქონდეს მოტივაცია, ხელი შეუწყოს ამომრჩეველთა ინფორმირებულობის ხარისხის ზრდას და პოლიტიკური პოლარიზაციის შემცირებას, თუმცა აღნიშნული მიზნების მიღწევა ნაჩქარევად შემუშავებული კანონპროექტით და რეპრესიული მექანიზმებით წარმოუდგენელია“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. პარტნიორობა ადამიანის უფლებებისთვის (PHR) ადვოკატები ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის თანამშრომლებს შეხვდნენ და საინფორმაციო შეხვედრა გამართეს თემაზე: „ქალთა მიმართ სექსუალური ძალადობა სპორტში“. „შეხვედრის მსვლელობისას ორგანიზაციის წარმომადგენლებმა მონაწილეებს გააცნეს პროექტ „ქალთა მიმართ სექსუალური ძალადობა სპორტში“ ფარგლებში ჩატარებული ორი კვლევის რეკომენდაციები და მიგნებები. ასევე, ცნობიერების ამაღლების მიზნით ისაუბრეს სექსუალური შევიწროების სხვადასხვა ფორმებზე“. სრულად... წყარო: phr.ge

თბილისი. ფსიქოსოციალიური მომსახურების ცენტრი კვალიფიციურ ფსიქო-სოციალურ მომსახურებას სთავაზობს ქცევითი და ემოციური პრობლემების მქონე ბავშვებს, მოზარდებსა და მათ ოჯახებს.  სრულად... წყარო: „მშობლის სკივრის“ გვერდი სოციალურ ქსელში