CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

15 დეკემბერს, 11:00 საათზე, სასტუმრო „ქორთიარდ მარიოტში“, სამოქალაქო საზოგადოების ინსტიტუტი (CSI), საქართველოს ახალგაზრდა იურისტთა ასოციაციასთან (GYLA) და ინფორმაციის თავისუფლების განვითარების ინსტიტუტთან (IDFI) ერთად, მართავს საზოგადოებრივი ორგანიზაციების საარსებო გარემოს 2023 წლის ანგარიშის – სსო მეტრის პრეზენტაციას. სსო მეტრი მონიტორინგის ინსტრუმენტია, რომლის გამოყენებითაც აღმოსავლეთ ევროპის პარტნიორობის ქვეყნებში ფასდება საზოგადოებრივი ორგანიზაციების, ადამიანის უფლებათა დამცველებისა და აქტივისტების საარსებო გარემო – კანონმდებლობა და პრაქტიკა. ანგარიში 11 უფლებრივი სტანდარტით და 7 ქულიანი სისტემით ფასდება.  სსო-მეტრი ყოველწლიური ანგარიშია, რომელიც პერიოდულად და განგრძობითად აფასებს საქართველოში საზოგადოებრივი ორგანიზაციების საარსებო გარემოს, ასევე ხელისუფლების მხრიდან ამ მიმართულებით არსებული რეკომენდაციების შესრულების პროცესს.  ღონისძიებაზე ონლაინ დასწრების შემთხვევაში გთხოვთ, გამოიყენეთ Zoom- ის ბმული: https://us02web.zoom.us/j/87588630682?pwd=YXk2c0U3T2dBWUE4U2VYblNtT1ZqQT09

ამ კვირას ევროკავშირის ლიდერები, ბრიუსელში ევროპული საბჭოს შეხვედრაზე შეიკრიბებიან და ევროკავშირის გაფართოების საკითხებზე იმსჯელებენ. ევროკავშირის აღმოსავლეთ ქვეყნების პარტნიორობის პროგრამის ფარგლებში შეიქმნა ონლაინ ვებ–გვერდის ჩანართი თუ რას გულისხმობს გაფართოვება და ახსნილია მთელი პროცესი. გაეცანით საქართველოს ანგარიშს, საკვანძო მოვლენებს, როგორ მუშაობს გაწევრიანების პროცესი და ასე შემდეგ. სრულად... წყარო: euneighbourseast.eu

თბილისი. საბჭოთა წარსულის კვლევის ლაბორატორია ახალ კვლევას აქვე6ყნებს – „აფხაზეთი მეხსიერების რეკონსტრუქცია“.  „აფხაზეთთან მიმართ მეხსიერება და საჯარო დისკურსი რამდენიმე „ფუნდამენტური,“ საბჭოთა პერიოდში დამკვიდრებული და მყარად ფესვგადგმული ნარატივის ირგვლივ ტრიალებს როგორც ოკუპირებულ აფხაზეთში, ასევე რუსეთის ფედერაციაში. სწორედ ამ ნარატივებს და მე-20 საუკუნის საბჭოთა პერიოდში კონსტრუირებულ მეხსიერებას ეყრდნობოდა და ეყრდნობა რუსეთის ფედერაციის პოლიტიკა აფხაზეთთან მიმართებით როგორც 1990-იან წლებში, ასევე დღესაც“. კვლევა „აფხაზეთი-მეხსიერების რეკონსტრუქცია“ საქართველოში ლიეტუვის რესპუბლიკის საელჩოს მხარდაჭერით მომზადდა.  სრულად...  წყარო: საბჭოთა წარსულის კვლევის ლაბორატორია

თბილისი. სოციალური სამართლიანობის ცენტრმა მოამზადა და გამოაქვეყნა მონიტორინგის ანგარიში: „2021-2022 წლების ანტინარკოტიკული სამოქმედო გეგმის შესრულება“.  დოკუმენტის მიხედვით, “ გეგმით განსაზღვრული 82 ღონისძიებიდან: სრულად მხოლოდ 31 ღონისძიება შესრულდა. საჯარო ინფორმაციის ხელმიუწვდომლობისა და ბუნდოვანი კრიტერიუმების გამო ვერ დადგინდა 29 ღონისძიების შესრულების სტატუსი. საკანონმდებლო ბაზის დახვეწის მიმართულებით არცერთი დასახული ღონისძიება არ შესრულებულა.”  სრულად...  წყარო: სოციალური სამართლიანობის ცენტრი

სამცხე-ჯავახეთი. ევროპის ინტერკულტურული ფორუმის პროექტის "აღმოაჩინე კავკასია" 2023-2024 წლის ფარგლებში ახალციხეში ჩასულმა მოხალისეებმა პიტერმა და ლუსიმ ახალციხის ახალგაზრდების წევრებს ტრენინგი ჩაუტარეს, თემაზე დებატების ხელოვნება.  ღონისძიება დაიგეგმა USAID-ის პროგრამის ერთიანობა მრავალფეროვნებაშია, ფარგლებში, რომელსაც ახორციელებს UNA Georgia • საქართველოს გაეროს ასოციაცია USAID-ის ფინანსური მხარდაჭერით.  პროგრამის პარტნიორი ახალციხესა და ახალქალაქში საზოგადოებრივი ორგანიზაცია დემოკრატ მესხთა კავშირი • Union of Democrat Meskhs,UDM  სრულად... წყარო: დემოკრატ მესხთა კავშირი

თბილისი. გამჭვირვალობა – საქართველო აგრძელებს ქონებრივი დეკლარაციების მონიტორინგს.  „გიორგი ჭყონია ხელისუფლებასთან დაახლოებული ბიზნესმენი და “ქართული ოცნების” მსხვილი შემწირველია. ის ფლობს 20 კომპანიის წილს და ხელმძღვანელობს 3 კომპანიას. ეს კომპანიები, თავის მხრივ, ფლობენ სხვა კომპანიების წილებს. გიორგი ჭყონიას კომპანიებიდან 3 - Შპს „გზა”, შპს „ბათუმი ცენტრალი” და შპს „შატო კვირიკე” აქტიურად მონაწილეობს სახელმწიფო შესყიდვებში“ გაეცანით ბლოგს ვრცლად... წყარო: საერთაშორისო გამჭვირვალობა საქართველო

იმერეთი. 12 დეკემბერს, ქუთაისში, განათლების განვითარების და დასაქმების ცენტრის ორგანიზებით, პროექტის „სამოქალაქო საზოგადოების ინიციატივა“ ფარგლებში ახალგაზრდების განვითარების და მოხალისეობის ხელმშემწყობი პროგრამების საჯარო განხილვა გაიმართა.  ღონისძიების მიზანი იყო, იმერეთის რაჭა-ლეჩხუმი-ქვემო სვანეთის ახალგაზრდებისთვის სახელმწიფოს 2023-2026 წწ. ახალგაზრდული სტრატეგიის წარდგენა და მის ფარგლებში გაწერილი სამოქმედო გეგმისა და დაგეგმილი აქტივობების გაცნობა.  შეხვედრა ორგანიზებული იყო ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად... წყარო: განათლების განვითარების და დასაქმების ცენტრი

თბილისი. სოციალური სამართლიანობის ცენტრი ახალ სახელმძღვანელოს „ეთნიკურ და რელიგიურ უმცირესობებთან დაკავშირებული საკითხების გაშუქება“ ავრცელებს.  დოკუმენტის მიზანია ქართულ რეალობაში მედია ორგანიზაციებისა თუ ცალკელული ჟურნალისტების ინფორმირება, ისეთ მნიშვნელოვან საკითხებზე როგორიცაა ეთნიკური და რელიგიური უმცირესობების პრობლემების გაშუქება. „სახელმძღვანელო პრაქტიკული ხასიათისაა და აქცენტს აკეთებს კონკრეტული თემების ანალიზზე, არსებული მედიაპრაქტიკის გათვალისწინებით, თუმცა ნებისმიერი პრაქტიკის ფუნდამენტი თეორიული ცოდნაა, რის გამოც შემდეგ ქვეთავში მოკლე თეორიული ინფორმაციაც იქნება გადმოცემული. ამ თეორიულ მიმოხილვას კი მოჰყვება იმ განსაკუთრებით პრობლემური საკითხების განხილვა, რომლებიც ქართულ მედიაში გვხვდება.“  სრულად...  წყარო: სოციალური სამართლიანობის ცენტრი

თბილისი. სოციალური სამართლიანობის ცენტრი აქვეყნებს 2023 წელს, მართლმსაჯულებისა და დემოკრატიის მიმართულებით უფლებრივი მდგომარეობის შეფასებას.  „აღსანიშნავია, რომ არსებითად არის გაუარესებული უწყებების მიერ საჯარო ინფორმაციის და სტატისტიკური მონაცემების წარმოების პრაქტიკა. საჯარო უწყებები მხოლოდ გამონაკლის შემთხვევებში უზრუნველყოფდნენ გამოთხოვილი ინფორმაციის მოწოდებას კანონით დადგენილ ვადებში. უწყებების დახურულობა და მათ საქმიანობაზე ინფორმაციის მოუწოდებლობა არსებითად შეუძლებელს ხდის დემოკრატიულ საზოგადოებრივ კონტროლს და მნიშვნელოვნად ამცირებს მათ მიმართ ნდობას.“ - ნათქვამია განცხადებაში სრულად...  წყარო: სოციალური სამართლიანობის ცენტრი

თბილისი.ღია საზოგადოების ფონდი ახალ კვლევას ავრცელებს.  „როგორი სამშენებლო ტენდენციებია თბილისის ისტორიულ ნაწილში? რა ურბანული გამოწვევები და პოტენციური საფრთხეებია მტკვრის მარჯვენა სანაპიროზე? – „ურბანული კვლევების ცენტრმა (URC)“ უახლესი კვლევის მიგნებები წარადგინა. კვლევა მომზადებულია პროექტის „ცირკიდან საქანელამდე: მტკვრის სანაპიროს ურბანული გამოწვევები“ ფარგლებში, „ღია საზოგადოების ფონდის“ მხარდაჭერით.“  სრულად... წყარო: ღია საზოგადოების ფონდ

ინფორმაციის თავისუფლების განვითარების ინსტიტუტმა ჟურნალისტებისათვის საჯარო ინფორმაციის უფლების პრაქტიკულ-სიმულაციური სწავლება ჩაატარა.  სწავლების მიზანი იყო ჟურნალისტთა მედეგობის გაძლიერება საჯარო დაწესებულებების ინფორმაციის მოპოვებაზე დადგენილი ხელოვნური დაბრკოლებების მიმართ; ღონისძიება საქართველოში ნიდერლანდების საელჩოს MATRA პროგრამის მხარდაჭერით განხორციელდა.  სრულად... წყარო: ინფორმაციის თავისუფლების განვითარების ინსტიტუტი

თბილისი. თბილისში 3 დღიანი SDG კონფერენცია გაიმართა.  კონფერენციის მთავარ თემას წარმოადგენდა 2024 წელს სამხრეთ კავკასიის ქვეყნების მიერ მდგრადი განვითარების მიზნების ნებაყოფლობითი ეროვნული მიმოხილვის (VNR) პროცესში სამოქალაქო სექტორის ეფექტური ადვოკატირება.  კონფერენციაში მონაწილეობა მიიღო სამოქალაქო საზოგადოების ორგანიზაციების 25-მა წარმომადგენელმა სომხეთიდან, აზერბაიჯანიდან და საქართველოდან. სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

საქართველოს 15 მუნიციპალიტეტის წარმომადგენლებმა, ორ დღიან სემინარზე ურბანული განვითარების ახალი გზები და ინოვაციური მიდგომები განიხილეს.  შეხვედრაზე ასევე განხილული იყო ისეთი საკითხები, როგორიცაა ჭკვიანი და ინკლუზიური ქალაქები, ინოვაციები საჯარო სექტორში, მუნიციპალური ტრანსფორმაცია და ინოვაციური ინსტრუმენტებისა და მიდგომების დანერგვა.  სემინარის ყველა მონაწილე მუნიციპალიტეტი M4EG/მერები ეკონომიკური ზრდისთვის ქსელის წევრია, რომელიც ევროკავშირისა და გაეროს განვითარების პროგრამის ხელშეწყობით შეიქმნა.  სრულად... წყარო: გაეროს განვითარების პროგრამა

აჭარა. ადამიანის უფლებების საერთაშორისო დღესთან დაკავშირებით, ბათუმის ახალგაზრდული ცენტრის წევრები სახალხო დამცველის აჭარის ოფისს ესტუმრნენ. ახალგაზრდებს სახალხო დამცველის წარმომადგენელი გიორგი ჩარკვიანი ესაუბრა.  ღონისძიება ჩატარდა USAID-ის პროგრამის „ერთიანობა მრავალფეროვნებაშია“ ფარგლებში.  პროგრამა ხორციელდება საქართველოს გაეროს ასოციაციის (UNAG) მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით, რეგიონში პროგრამის პარტნიორია თავისუფალ ჟურნალისტთა სახლი. სრულად... წყარო: ბათუმის ახალგაზრდული ცენტრი

თბილისი. კონრად ადენაუერის ფონდის წარმომადგენლობამ სამხრეთ კავკასიაში (KAS) და მისმა პარტნიორმა ორგანიზაციებმა – ეკონომიკური პოლიტიკის კვლევის ცენტრმა (EPRC), საქართველოს ღია საზოგადოების ფონდმა (OSGF) და თავისუფალ ჟურნალისტთა სახლმა (IJH) გამართეს ევროკავშირის მიერ მხარდაჭერილი ახალი პროექტის „ერთიანი საქართველო ევროპისთვის“ პრეზენტაცია.  პროექტი მიზნად ისახავს საქართველოს ევროკავშირთან დაახლოების ხელშეწყობას საზოგადოების ფართო ჩართულობითა და თანამშრომლობით;  ქვეყანაში დემოკრატიის, სამოქალაქო საზოგადოების, ახალგაზრდების, მედიის, ბიზნესის, ახალგაზრდა ადვოკატების, და აქტივისტების სამართლებრივ მხარდაჭერასა და გაძლიერებას;  სამეცნიერო კვლევებისა და საზოგადოებრივი დიალოგის ინიცირებას; საქართველოს საზოგადოებისა და საერთაშორისო საზოგადოების ინფორმირების ზრდას.  სრულად... წყარო: ევროკავშირის წარმომადგენლობა საქართველოში

თბილისი. საქართველოს ახალგაზრდა იურისტთა ასოციაციამ ჟურნალისტებისა და მედიაორგანიზაციებისათვის, ცილისწამების საქმეებთან დაკავშირებით, პრაქტიკული სახელმძღვანელო მოამზადა.  მისი მიზანია ცილისწამებასთან დაკავშირებულ ძირითად საკითხებზე ინფორმაციის გაზიარება.  სრულად... წყარო: საქართველოს ახალგაზრდა იურისტთა ასოციაცია

თბილისი. მსოფლიოში სულ უფრო იზრდება ონლაინჩაგვრის, კიბერბულინგისა და დისკრიმინაციის შემთხვევები, რაც ქალებისათვის მეტად უსაფრთხო ციფრული გარემოს შექმნის საჭიროებას აჩენს, ნათქვამი ევროკავშირის წარმომადგენლობის გვერდზე სოციალურ ქსელში. „ადამიანის უფლებების საერთაშორისო დღესთან დაკავშირებით, წაიკითხეთ ის პრაქტიკული რჩევები, რომლებსაც პრობლემების წინაშე მდგომი ადამიანების გაძლიერება, ონლაინსივრცეში ურთიერთპატივისცემისა და ინკლუზიურობის წამახალისებელი გარემოს და ისეთი ციფრული სამყაროს შექმნა შეუძლია, რომელიც თანასწორობისა და ადამიანის უფლებების დაცვის პრინციპებზე დგას“ .  სრულად...  წყარო: ევროკავშირის წარმომადგენლობა საქართველოში

თბილისი.13 დეკემბერს, სოციალური სამართლიანობის ცენტრი კვლევების პრეზენტაციას გამართავს.  პრეზენტაცია აერთიანებს კონფლიქტით დაზარალებული მოსახლეობისა და სამოქალაქო საზოგადოების ორგანიზაციების წარმომადგენლების ხედვებს მშვიდობისა და მშვიდობის მშენებლობის საკითხზე.  სრულად...  წყარო: სოციალური სამართლიანობის ცენტრი

თბილისი. საქართველოს ახალგაზრდა იურისტთა ასოციაციამ ინტერნეტში გამოხატვის თავისუფლების დასაცავად ადამიანის უფლებათა ევროპულ სასამართლოს მიმართა.  საჩივარი შეეხება სოციალურ ქსელ „ტიკ-ტოკზე“ განთავსებულ ვიდეოს შინაარსის გამო პირის ადმინისტრაციულ სამართალდამრღვევად ცნობასა და მის დაჯარიმებას. სრულად... წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი 2023 წელს უფლებრივ მდგომარეობას აფასებს და ანგარიშს აქვეყნებს.  „2023 წელი ქვეყნისთვის მნიშვნელოვანი აღმოჩნდა ევროინტეგრაციის მიმართულებით. წლის ბოლოს ევროკომისიის მიერ ქვეყნისთვის ევროკავშირის კანდიდატის სტატუსის მინიჭებაზე რეკომენდაცია ცალსახად პოზიტიურ შეფასებას იმსახურებს, თუმცა ამ გადაწყვეტილების მიღმა, ნიშანდობლივია დემოკრატიული სივრცეების და უფლებრივი სტანდარტების მნიშვნელოვნად გაუარესება. გაზრდილი წნეხი სამოქალაქო ორგანიზაციებსა თუ მედიაზე არსებითად ართულებს მათ თავისუფალ, შეუზღუდავ მუშაობას“. სრულად... წყარო: სოციალური სამართლიანობის ცენტრი

თბილისი. ურბანული ცენტრი 12 დეკემბერს, 12:00 საათზე გამართავს უახლესი კვლევის შედეგების პრეზენტაციას. პრეზენტაცია მიზნად ისახავს ფართო საზოგადოებას მიაწოდოს ინფორმაცია თბილისის ისტორიულ ნაწილში მიმდინარე სამშენებლო ტენდენციების მასშტაბისა და მოსალოდნელი საფრთხეების შესახებ. სრულად...  წყარო: ღია საზოგადოების ფონდი