22 ივნის, 15:00 საათზე „იძულებით გადაადგილებულ ქალთა ასოციაცია „თანხმობა“ და ააიპ „დავიწყოთ ახლა“ წარმოგიდგენთ მორიგ სპექტაკლს თემაზე - ეკოლოგია. სრულად...

22 ივნისს, 14:00 საათზე, სასტუმრო „შოთა რუსთაველში“, დემოკრატიის კვლევის ინსტიტუტი გამართავს სამუშაო შეხვედრას „საპარლამენტო კონტროლი უსაფრთხოების სექტორზე“. თემა: დემოკრატიის კვლევის ინსტიტუტის მიერ მომზადებული პარლამენტის რეგლამენტში შესატანი ცვლილებების შესახებ მომზადებული კანონის პროექტის სამუშაო ვერსიის დაინტერესებული მხარეებისთვის გაცნობა. მისამართი: თბილისი, შევჩენკოს ქ. №1

თბილისი. 26 ივნისს, USAID-ის ადგილობრივი თვითმმართველობის პროგრამა საგრანტო კონკურსების შესახებ საინფორმაციო შეხვედრას გამართავს. გთხოვთ, შეხვედრაზე დასასწრებად შეავსეთ სარეგისტრაციო ფორმა... ონლაინ შეხვედრის ბმულს ელექტრონულ ფოსტაზე გაგიზიარებენ. სრულად... წყარო: USAID-ის ადგილობრივი თვითმმართველობის პროგრამის გვერდი სოციალურ ქსელში

თბილისი. 21 ივნისს, ახალგაზრდული კონკურსის „ეს ქვეყანა შენიას“ პრეზენტაცია გაიმართა ბათუმში. კონკურსის თემაა – საქართველო ევროპაა! სამოქალაქო საზოგადოების ინსტიტუტის (CSI) ინიციატივით გამართულ შეხვედრას დაესწრნენ სტუმრები, რომლებმაც ახალგაზრდებისთვის გამართეს ლექსია საქართველოს ევროკავშირში გაწევრიანების მნიშვნელობასა და სარგებელზე, ასევე ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა. კონკურსი ტარდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

თბილისი. სოციალური სამართლიანობის ცენტრი მხარს უჭერს ჭიათურელი მაღაროელების მოთხოვნებს და სახელმწიფოს მოუწოდებს, დაუყოვნებლივ მიიღოს ზომები ჭიათურელი მშრომელების სამართლიანი მოთხოვნების დასაკმაყოფილებლად. „კომპანიასა და დამსაქმებელს შორის მიმდინარე მედიაციის ფარგლებში, სახელმწიფოს და კომპანიის წარმომადგენლებთან შეხვედრის შემდეგ, ჭიათურელმა მაღაროელებმა პროტესტის უკიდურეს ფორმებს მიმართეს. ერთ-ერთმა მაღაროელმა თვალი ამოიკერა, ერთმა მშრომელმა ვენები გადაიჭრა. ჯერ კიდევ 16 ივნისს კი კიდევ ერთმა მაღაროელმა პირი ამოიკერა. დღეს, უკვე მე-10 დღეა, რაც 10 მაღაროელი შიმშილობს“. სრულად... წყარო: socialjustice.org.ge

აჭარა. სამოქალაქო საზოგადოების ინსტიტუტმა (CSI), ხელვაჩაურში გამართა კონკურსის „ეს ქვეყანა შენიას“ პრეზენტაცია. წლევანდელი კონკურსის თემაა – საქართველო ევროპაა! ქემალ თურმანიძის სახელობის ეთნოგრაფიულ მუზეუმში შეკრებილი ახალგაზრდებისთვის, სამოქალაქო საზოგადოების ინსტიტუტის მოწვეულმა სტუმრებმა გამართეს ლექცია – საქართველოს ევროკავშირში გაწევრიანების მნიშვნელობასა და სარგებელზე. ასევე ევროპულ იდენტობასა და ღირებულებებთან სიახლოვეზე და იმაზე, რომ საქართველო ევროპაა.

თბილისი. გაეროს ქალთა ორგანიზაცია USAID/Georgia-ს ეკონომიკური უსაფრთხოების პროგრამასთან და TBC - თიბისი-სთან ერთად წელსაც გრეის ჰოპერის სახელობის ჯილდოს მხარდამჭერია.   გრეის ჰოპერის სახელობის ჯილდოს დასკვნით ღონისძიებაზე ექვს ნომინაციაში ჯილდო გადაეცა იმ ადამიანებს, ორგანიზაციებსა და პროგრამებს, რომლებიც თავიანთი საქმიანობით ტექნოლოგიების სფეროს აძლიერებენ, პოზიტიური ცვლილებებს ნერგავენ, ასევე ქმნიან ინოვაციური პროდუქტს ან მომსახურებას ქალების გაძლიერებისთვის.  გრეის ჰოპერის სახელობის ჯილდოს 2023 წლის გამარჯვებულები არიან: ნანა ჯანაშია- მომავლის ლიდერი ქალი თამარ ბოსიკაშვილი- ICT სფეროს ჩემპიონი Bizon.ge • ბიზონი - ტექნოლოგიური სტარტაპი Technovation Girls Sakartvelo - ქალების გაძლიერების პროგრამა ForSet • ფორსეტი - მრავალფეროვნების მხარდამჭერი ორგანიზაცია ნინო გამისონია - ICT სექტორში ქალების გაძლიერების ქომაგი. ორგანიზაცია ულოცავს გამარჯვებულებს და იმედოვნებს, რომ აღნიშნული ინიციატივა ICT სექტორში ჩართულ ქალებს უფრო მეტ მოტივაციას გაუჩენს. სრულად... წყარო: ორგანიზაციის გვერდი სოციალურ ქსელში

თბილისი. 14 ივნისს გაიმართა დისკუსია საერთაშორისო ექსპერტების, სსო–ებისა და ბანკების წარმომადგენლების მონაწილეობით, რომლის მიზანიც იყო სამოქალაქო საზოგადოების ჩართულობის გაზრდა და სამოქალაქო ორგანიზაციების ხედვების კონსოლიდაცია საქართველოში ფულის გათეთრების საწინააღმდეგო ქმედებებისა და ტერორიზმის დაფინანსებასთან ბრძოლის (AML/CFT) პროცესებზე. შეხვედრა გაიმართა სამოქალაქო საზოგადოების ინსტიტუტის (CSI) ორგანიზებით, არასამეწარმეო სამართლის ევროპულ ცენტრის (ECNL) და პარტნიორები-საქართველოსთან (Partners Georgia) თანამშრომლობით. სრულად... წყარო: civilin.org

აჭარა. 19 ივნისს, შეზღუდული შესაძლებლობის მქონე პირთა უფლებების დაცვის კვირეულის შემაჯამებელი დღე, ორგანიზაცია „ცვლილებები თანაბარი უფლებებისათვის“ 10 წლის იუბილეს დაემთხვა და მასშტაბური ღონისძიებით აღინიშნა. ორგანიზაციის წარმომადგენლებმა შეხვედრის მონაწილეებს ათწლიანი საქმიანობის შედეგები, განხორციელებული პროექტები და აქტივობების შესახებ ინფორმაცია გააცნეს. ორგანიზაცია „ცვლილებები თანაბარი უფლებებისათვის“ განაგრძობს შშმ პირთა შესახებ საზოგადოების ცნობიერების ამაღლების ხელშეწყობას, შეზღუდული შესაძლებლობის მქონე პირთა საზოგადოებრივ ცხოვრებაში ჩართვის ხელშეწყობას და სამოქალაქო და სამართლებრივი ადვოკატირების გზით შეზღუდული შესაძლებლობის მქონე პირთა უფლებებისა და თავისუფლებების დაცვას. სრულად... წყარო: ორგანიზაციის გვერდი სოციალურ ქსელში

21 ივნისს 19:00 საათზე, გაიმართება პანელური დისკუსია, სადაც რეზიდენციის „შავი ზღვის საუბრები - Black Sea Lit“ მონაწილეები კურატორ ნინო ხარატიშვილთან ერთად იმსჯელებენ შავი ზღვის რეგიონში კულტურული სივრცის არსებობის შესახებ. სრულად...

21 ივნისს 12:00 საათზე, 6 უბნის მოსახლეობასთან ერთად ორგანიზაცია "ჩემი ქალაქი მკლავს" თბილისის მერიასთან შეიკრიბება, რათა ერთად მოითხოვონ ქალაქის გადარჩენა. "ის ქაოტური განაშენიანება, რაც დღეს თბილისში მიმდინარეობს ქალაქს ანადგურებს, შემოგვიერთდით და ერთად შევაჩეროთ ეს პროცესი, ერთად გადავარჩინოთ თბილისი". სრულად...

სამეგრელო. სამოქალაქო საზოგადოების ინსტიტუტმა (CSI) ფოთში გაიმართა შეხვედრა ახალგაზრდებთან კონკურსის „ეს ქვეყანა შენიას“ ფარგლებში.  წლევანდელი კონკურსის თემაა – საქართველო ევროპაა! სამოქალაქო საზოგადოების ინსტიტუტის მოწვევით შეხვედრას ესწრებოდნენ სტუმრები, რომლებმაც ისაუბრეს საქართველოს ევროკავშირში გაწევრიანების მნიშვნელობასა და სარგებელზე, ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა.

თბილისი. სოციალური სამართლიანობის ცენტრის ინფორმაციით, 19 ივნისს ჟურნალისტური ეთიკის ქარტიამ სრულად დააკმაყოფილა ორგანიზაციის განცხადება.  დადასტურდა შალვა რამიშვილის, ასევე, „POSTV“-ის სხვა ჟურნალისტების, ნინო სალუქვაძის, ნათია ბერიძის, ნუგზარ ხავთასის, ანა შანიძის, დათა გვასალიასა და ნუცა კოროშინაძის მხრიდან არაზუსტი ინფორმაციის გავრცელების, ადამიანის პირადი ცხოვრების პატივისცემის უფლების დარღვევის, დისკრიმინაციის წახალისების საფრთხის შექმნის და ფაქტების დამახინჯების აკრძალვის პროფესიული და ეთიკური ვალდებულებების დარღვევა. სრულად... წყარო: socialjustice.org.ge

თბილისი. 19 ივნისს, გაეროს ქალთა ორგანიზაციამ სოციალური ცვლილების რეფორმის გენდერული ასპექტების შესახებ მომუშავე ჯგუფის შეხვედრას გაუწია ფასილიტაცია. „შეხვედრაზე Expertise France-მა წარმოადგინა მათ მიერ მომზადებული ცვლილების დოკუმენტები მინიმალური ხელფასის, სოციალური დაზღვევის და უმუშევრობის შემწეობის შესახებ.  შეხვედრა სოციალური ცვლილების პაკეტის მომზადების პროცესში არსებული პროგრესის შესახებ ინფორმაციის გაზიარებას და არასამთავრობო ორგანიზაციების და განვითარების პარტნიორების მონაწილეობით დისკუსიის ხელშეწყობას ისახავდა მიზნად“. სრულად... წყარო: ორგანიზაციის გვერდი სოციალურ ქსელში

სამოქალაქო საზოგადოების ინსტიტუტი (CSI) იწყებს ახალ პროექტს - „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერება“. პროექტი USAID-ის ადგილობრივი თვითმმართველობის პროგრამის ნაწილია, რომლის ფინანსური მხარდამჭერია აშშ-ის საერთაშორისო განვითარების სააგენტო (USAID/Georgia). პროექტის მიზანია სამოქალაქო ჩართულობის გაზრდა ადგილობრივ დონეზე გადაწყვეტილებების მიღების პროცესებში და მონაწილეობითი მმართველობის გაძლიერება შემდეგ სამიზნე მუნიციპალიტეტებში: ბათუმში, ჩოხატაურში, დმანისსა და მარნეულში. პროექტის ფარგლებში დაგეგმილი აქტივობები მოიცავს: სამიზნე მუნიციპალიტეტებში მონაწილეობითი მექანიზმების გაუმჯობესების ხელშეწყობას; მოქალაქეთა მონაწილეობის ხარისხის შეფასების მეთოდოლოგიის დანერგვას; თვითმმართველობის წარმომადგენლების შესაძლებლობების ზრდის ხელშეწყობას; სამოქალაქო საზოგადოების აქტორების გაძლიერებას და მყარი კავშირების შექმნას. პროექტის ფარგლებში, პირველი შეხვედრა გაიმართება 21-23 ივნისს, ბათუმში, რომელსაც პროექტის სამიზნე მუნიციპალიტეტების საკრებულოსა და მერიის წარმომადგნელები დაესწრებიან.

იმერეთი. LDA Georgia - ადგილობრივი დემოკრატიის სააგენტო საქართველომ საკონსულტაციო შეხვედრა გამართა საჩხერის მუნიციპალიტეტის სამოქალაქო საზოგადოებრივი ორგანიზაციების წევრებთან და აქტიურ მოქალაქეებთან. შეხვედრის მიზანი იყო იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა, ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

20 ივნისს, 21:00 საათზე, Chai Khana და KineDok Georgia სალომე ჯაშის ფილმის „მოთვინიერება“ ჩვენებას გამართავს. სრულად...

ამ წუთებში, ადამიანის უფლებათა ცენტრი პრესკონფერენციაზე წარადგენს ანალიტიკურ დოკუმენტს - „სავარაუდოდ პოლიტიკურად მოტივირებული საქმეების განხილვის გაჭიანურებასთან დაკავშირებული სამართლებრივი ასპექტები“. მისამართი: თბილისი, აკაკი გახოკიძის 11ა

თბილისი. ფულის გათეთრებისა და ტერორიზმთან ბრძოლის (AML/CFT) სფეროს ფარგლებში, 14 ივნისს სამოქალაქო საზოგადოების ინსტიტუტის მიერ გამართულ კონფერენციაზე სამოქალაქო სექტორსა და კომერციულ ბანკებს შორის სადისკუსიო შეხვედრა გაიმართა. ძირითად არსებით განსახილველ საკითხებს შორის ბანკებში ,,იცნობდე შენს კლიენტს“, რისკზე დამყარებული მიდგომა, კლიენტის ჯეროვანი შესწავლის (due-diligence) რეგულაციები წარმოადგენდა და მის ფარგლებში არსებული პროცედურული მოთხოვნები, რომლებიც არასამეწარმეო იურიდიულ პირებს წარედგინება საბანკო ანგარიშის გახსნისას, ტრანზაქციების, თუ სხვა საბანკო ოპერაციის განხორციელების დროს. ორივე მხარემ წარმოადგინა თავიანთი პოზიციები იდენტიფიცირებულ გამოწვევებზე და მათი გადაწყვეტის ხედვად დიალოგის დაწყების საჭიროება გამოავლინა.  საკითხის ირგვლივ ინდივიდუალური შეხვედრები გაიმართა საქართველოს ეროვნულ ბანკთან და ბანკების ასოციაციასთან.

თბილისი. სოლიდარობის თემი წარმოგიდგენთ ახალ კვლევას „თავსაფარი მუსლიმი ქალების ყოველდღიურობაში”. „კვლევის შედეგების თანახმად, დასაქმების სივრცე არის ყველაზე პრობლემური თავსაფრიანი მუსლიმი ქალებისთვის. აჭარაში არცერთ საჯარო უწყებაში არ მუშაობს თავსაფრიანი მუსლიმი ქალი. გამოკითხული 14 რესპონდენტიდან თითოეული მათგანი ერთხელ მაინც ყოფილა სხვადასხვა სახის დისკრიმინაციის მსხვერპლი. საგანმანათლებლო სივრცეში რესპონდენტებს ჰქონიათ იმის გამოცდილება, როცა სკოლაში მათ არ უშვებდნენ ჰიჯაბის ტარების გამო. საუნივერსიტეტო გარემოში კი ლექტორებისგან, ადმინისტრაციისგან, სკოლის დირექციისა და სტუდენტებისგან შეიმჩნეოდა ფარული თუ პირდაპირი ისლამოფობიური დამოკიდებულებები, რაზეც თავსაფრიანი ქალები ხმამაღლა ვერ საუბრობენ. რამდენიმე მათგანს ფიზიკური თავდასხმის გამოცდილებაც კი ჰქონია“. კვლევა განხორციელდა ევროკავშირისა (EU) და გაეროს განვითარების პროგრამის (UNDP) მხარდაჭერით. სრულად... წყარო: solidaritycommunity.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, ახალი კანონით არსებითად შეიცვალა პერსონალური მონაცემების დაცვისა და ინფორმაციის გამჭვირვალობის ბალანსი და დადგინდა საჯაროობის ახალი სტანდარტები, რაც წინ გადადგმულ ნაბიჯად უნდა შეფასდეს.  პარლამენტმა გაითვალისწინა IDFI-ს არაერთი რეკომენდაცია და ნორმები, რომლებიც ხშირ შემთხვევაში, საჯარო დაწესებულებების მიერ ინფორმაციაზე ხელმისაწვდომობის შეზღუდვის საფუძველი ხდებოდა, შეიცვალა და შეივსო არაორაზროვანი ჩანაწერებით. სრულად... წყარო: idfi.ge

თბილისი. მაკლეინის ასოციაცია ბავშვებისთვის გთავაზობთ უფასო, დისტანციური კონსულტაცია გაიაროთ ფსიქოლოგთან. დაჯავშნეთ კონსულტაცია, თუკი ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით. შეარჩიეთ თქვენთვის სასურველი დრო, კონსულტაცია გაიმართება ორშაბათს, 26 ივნისს, 15:00, 16:00, 17:00 საათებზე. ფსიქოლოგთან კონსულტაციის დასაჯავშნად მიყევით ბმულს... კონსულტაცია დაფინანსებულია MAC Georgia-ს მიერ, „მაკ ჯორჯია“ მუდმივად ზრუნავს შშმ ბავშვებისა და მათი ოჯახების საჭიროებების დაკმაყოფილებაზე მათზე მორგებული სანდო, მაღალკვალიფიციური და ეფექტიანი სერვისების უზრუნველყოფით. სრულად... წყარო: ორგანიზაციის გვერდი სოციალურ ქსელში