თბილისი. „სამოქალაქო იდეა“ განცხადებას ავრცელებს „ხალხის ძალის“ მიერ არასამთავრობო ორგანიზაციების შესახებ შემუშავებულ კანონპროექტზე. ორგანიზაცია ერთმნიშვნელოვნად აღნიშნავს, რომ "კანონპროექტი არის სახიფათო, დისკრიმინაციული და მნიშვნელოვნად გვაშორებს ევროკავშირში გაწევრიანების დეკლარირებული მიზნისგან, შესაბამისად კონსტიტუციისა და ქართველი ხალხის არჩევანის საწინააღმდეგოა". სრულად... წყარო: civicidea.ge

ქვემო ქართლი. 10 თებერვალს, საქართველოს დემოკრატიულმა ინიციატივამ (GDI), დმანისის ახალგაზრდულ ცენტრში განათლების ხელმისწავდომობის საკითხებზე შეხვედრა გამართა. შეხვედრაზე განათლების ექსპერტმა რევაზ აფხაზავამ ისაუბრა განათლების სფეროში არსებულ პრობლემებზე, პროფესიის არჩევის დროს ახალგაზრდების წინაშე არსებულ გამოწვევებსა და განათლების მნიშვნელობაზე ეთნიკური უმცირესობების ინტეგრაციის პროცესში. შეხვედრა გაიმართა USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: gdi.ge

თბილისი. საერთაშორისო გამჭვირვალობა - საქართველო განაგრძნობს ინფორმაციის სისტემატიზებულ შეგროვებას მაღალი დონის შესაძლო კორუფციულ დარღვევებზე, რომელთა შესახებ ბოლო წლებში გახდა ცნობილი. ჩამონათვალს დაემატა ორგანიზაციის მიერ მოკვლეული, ასევე, ჟურნალისტური გამოძიებების შედეგად გამოვლენილი კორუფციის შესაძლო შემთხვევები. ამჟამად, სიაში შესულია 96 საქმე. სრულად... წყარო: transparency.ge

შიდა ქართლი. 14 თებერვალს, გორში, გიორგი ერისთავის სახელობის დრამატულ თეატრში პროექტის „აღმოაჩინე გორი“ პრეზენტაცია გაიმართა. პროექტმა „აღმოაჩინე გორი“ ქალაქის კულტურული იდენტობის უკეთ წარმოსაჩენად, გორში არსებული ისეთი ლოკაციები და პერსონები გააცოცხლა, რომლებიც ხაზს უსვამენ ქალაქის მნიშვნელობას ქვეყნის სოციალ-ეკონომიკურ განვითარებაში. სრულად... წყარო: idfi.ge

გაიცანით STAR პროექტის პარტნიორი – პლატფორმა „სალამ“. პლატფორმა „სალამ“ საქმიანობს საქართველოში (კერძოდ, შიდა ქართლში, ქვემო ქართლსა და კახეთში) მცხოვრები ეთნიკური და რელიგიური უმცირესობების საჭიროებების მიმართულებით. პლატფორმა „სალამ“-მა მარნეულში, ბოლნისსა და დმანისში მცხოვრები ადგილობრივი ახალგაზრდების გაძლიერებისა და სამოქალაქო აქტივიზმის ხელშეწყობის მიზნით, ჩაატარა ტრენინგი თემაზე „შენი აქტივობა მნიშვნელოვანია“. აქტივობა განხორციელდა კონსულტაციისა და ტრენინგის ცენტრი - CTC მხარდაჭერით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: STAR პროექტის გვერდი სოციალურ ქსელში

თბილისი. 21-23 თებერვალს, ღია საზოგადოების ფონდი ჩაატარებს საკონსულტაციო შეხვედრას გრანტის მაძიებელთათვის. საუბარი შეეხება 2023 წლის პრიორიტეტებსა და იმ მიმართულებებს, რომელთა ფარგლებშიც შესაძლებელია ღია კარის წესით, კონკურსის გარეშე წარმოდგენილი პროექტების დაფინანსება. შეხვედრა ჩატარდება ონლაინ, ZOOM პლატფორმაზე. დასწრებამდე გაიარეთ რეგისტრაცია... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

რეგიონები. გრძელდება კონკურსის „ეს ქვეყანა შენიას“ გამარჯვებული გუნდების დაჯილდოება. დღეს სამოქალაქო საზოგადოების ინსტიტუტის წარმომადგენლებმა, ფოთში, #2 საჯარო სკოლის მოსწავლეები - ნიკოლოზ ქაჯაია, ბარბარე უგრეხელიძე, ნინი უბირია და ჯგუფის ხელმძღვანელი შალვა სარდლიშვილი დააჯილდოვეს. კონკურსი გაიმართა სამოქალაქო საზოგადოების ინსტიტუტის მიერ, პროექტის „სამოქალაქო საზოგადოების ინიციატივის“ ფარგლებში, რომლის მხარდამჭერია ევროკავშირი და კონრად ადენაუერის ფონდი.

რეგიონები. „საერთაშორისო გამჭვირვალობა-საქართველოს“ უფროსმა ანალიტიკოსმა სალომე ცეცხლაძემ, ბათუმსა და ზუგდიდში გამართულ შეხვედრებზე ახალი კვლევა - „დეზინფორმაციის გავრცელება საქართველოში-სახელმწიფოს მიდგომა და ბრძოლის გზები“  - წარადგინა. პრეზენტაციის შემდეგ გაიმართა დისკუსია, სადაც შეხვედრის მონაწილეებმა დეზინფორმაციის გავრცელების საფრთხეებსა და უარყოფითი გავლენების თავიდან არიდების გზებზე იმსჯელეს. სრულად... წყარო: transparency.ge

თბილისი. ქალთა ინიციატივების მხარდამჭერი ჯგუფი (WISG) წარმოგიდგენთ ბოლო ვიდეო-ჩანაწერს, WISG-ის მიერ ორგანიზებული ფემინისტური ფორუმიდან, რომელიც 2022 წლის 6-9 ოქტომბერს გაიმართა.  დისკუსიის მონაწილეები ცდილობენ უპასუხონ კითხვებს: როგორ ვუმკლავდებით ცენტრსა და პერიფერიას შორის უთანასწორობას? რა გენდერული და ძალაუფლებრივი განზომილებები აქვს სივრცეებს? რა პრობლემები იქმნება რესურსების სხვადასხვა წყაროების მიხედვით? მონაწილეობენ: ეკა წერეთელი, მარი კურტანიძე, ნინო ხარჩილავა, სოფიო ბასილაძე. მოდერატორი: ნუკრი ტაბიძე. წყარო: ორგანიზაციის გვერდი სოციალურ ქსელში

Qeer.ge-ს ბლოგპოსტის თანახმად, საქართველოს მთავრობამ პარლამენტს წარუდგინა ადამიანის უფლებათა დაცვის 2022-2030 წლების ეროვნული სტრატეგია, რომელშიც ლგბტქი უფლებები გამოტოვა. არასამთავრობო ორგანიზაციები, აქტივისტები და პოლიტიკოსების ნაწილი, აღნიშნული ფორმით სტრატეგიის დოკუმენტის დამტკიცებას გაუმართლებლად მიიჩნევენ და მისი ჩასწორების აუცილებლობაზე საუბრობენ. სრულად... წყარო: queer.ge

თბილისი. ქალთა ფონდის გადაწყვეტილებით, ორგანიზაცია 4-დღიან სამუშაო კვირაზე გადავიდა. „ეს გადაწყვეტილება ახლახან მივიღეთ, რადგან მიგვაჩნია, რომ სამუშაო დღეების შემცირება ეწინააღმდეგება შრომის კაპიტალისტურ და პატრიარქალურ ლოგიკას, რომელიც მოითხოვს კონკურენციასა და მაქსიმალურ პროდუქტიულობას, რაც, თავის მხრივ, ექსპლუატაციური პრაქტიკების რომანტიზებას ახდენს. ჩვენ გვჯერა, რომ ფემინისტური, კოლექტიურ ზრუნვაზე დაფუძნებული სამუშაო გარემო ითვალისწინებს ადამიანის ინდივიდუალურ საჭიროებებს და სივრცეს ტოვებს არა მხოლოდ ე.წ. თავისუფალი დროის, არამედ დასვენების დროის არსებობისთვის“, ნათქვამია ქალთა ფონდის განცხადებაში. სრულად... წყარო: ორგანიზაციის გვერდი სოციალურ ქსელში

ესტონეთი. 8-11 თებერვალს ინფორმაციის თავისუფლების განვითარების ინსტიტუტის (IDFI) წარმომადგენლებმა მონაწილეობა მიიღეს საერთაშორისო კონფერენციაში „კომუნისტური ტერორის ნეკროპოლისი”, რომელიც ესტონეთის ისტორიული მეხსიერების ინსტიტუტისა და „სანქტ-პეტერბურგის მემორიალის საინფორმაციო და კვლევითი ცენტრის/იოფეს ფონდის“ ორგანიზებით ქ. ტალინში გაიმართა. ღონისძიების ფარგლებში მონაწილეები ესტუმრნენ კომუნიზმის მსხვერპლთა მემორიალურ მუზეუმსა და კომუნიზმის ესტონელ მსხვერპლთა მემორიალს. ვრცლად... წყარო: idfi.ge

კახეთი. 17 თებერვალს, სოციალური სამართლიანობის ცენტრი საგარეჯოს მუნიციპალიტეტის იორმუღანლოს თემის მოსახლეობისთვის სამართლებრივი დახმარების შეხვედრას გამართავს. ორგანიზაციის იურისტები ადგილობრივ მოსახლეობას შესთავაზებენ უფასო სამართლებრივ კონსულტაციას მათთვის პრობლემატურ სამართლებრივ საკითხებზე. სოციალური სამართლიანობის ცენტრის წარმომადგენლები უზრუნველყოფენ მოსახლეობის სოციალური პრობლემების იდენტიფიცირებას და გაზიარებული პრობლემების შესახებ ინფორმაციის მიწოდებას შესაბამისი სახელმწიფო უწყებებისთვის. მობილური კლინიკა ტარდება პროგრამის „ერთიანობა მრავალფეროვნებაშია” დახმარებით, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. დღეს, ქუთაისის მე-2 საჯარო სკოლის მოსწავლეები დაჯილდოვდნენ, რომლებმაც კონკურსის „ეს ქვეყანა შენიას“ ფარგლებში გაიმარჯვეს. გამარჯვებული გუნდის წევრები არიან: ანი ჭიჭუეიშვილი, ანანო ჩოგოვაძე, ლილე ჭეიშვილი, ნია გოგსაძე, მარიამ კაპანაძე, ნინო თევდორაძე (ჯგუფის ხელმძღვანელი). კონკურსის სპეციალური პრიზი გადაეცა ნინო გოშაძეს. კონკურსი გაიმართა სამოქალაქო საზოგადოების ინსტიტუტის მიერ, პროექტის „სამოქალაქო საზოგადოების ინიციატივის“ ფარგლებში, რომლის მხარდამჭერია ევროკავშირი და კონრად ადენაუერის ფონდი.

ევროკავშირმა მიიღო სანქციები უკრაინის წინააღმდეგ რუსეთის უპრეცედენტო და არაპროვოცირებული სამხედრო თავდასხმის და უკრაინის დონეცკის, ლუგანსკის, ზაპოროჟიეს და ხერსონის რეგიონების უკანონო ანექსიაზე საპასუხოდ. „ზომები მიზნად ისახავს რუსეთის ეკონომიკური ბაზის შესუსტებას, ართმევს მას უმნიშვნელოვანეს ტექნოლოგიებსა და ბაზრებზე წვდომას და ომის წარმოების უნარს არსებითად ზღუდავს“. სრულად... წყარო: www.eeas.europa.eu

თბილისი. Grlz Wave სოლიდარობას უცხადებს ხელოვან სანდრო სულაბერიძეს. მან ეროვნულ გალერეაში საკუთარი ნახატი ჩამოხსნა და მის ნაცვლად კედელზე დაწერა ფრაზა: „ხელოვნება ცოცხალი და დამოუკიდებელია”. აღნიშნულთან დაკავშირებით შსს-მ საქმე აღძრა და სანდრო სულაბერიძეს რამდენიმეწლიანი პატიმრობა ემუქრება. „სახელმწიფოს მხრიდან მსგავსი სადამსჯელო საშუალებების გამოყენება საფრთხის წინაშე აყენებს სოციალური პროტესტისა და აზრის გამოხატვის თავისუფალ ნებას და მიზნად ისახავს მრავალფეროვნების, კრიტიკული აზრის გამოხატვის შესაძლებლობის აკრძალვას“, ნათქვამია ორგანიზაციის განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ უზენაესი სასამართლოს პლენუმის მონიტორინგის ანგარიში მოამზადა.  „ანგარიშში პლენუმის საქმიანობის მარეგულირებელი ნორმებია შესწავლილი და საანგარიშო პერიოდში (2021 წლის იანვარი - 2022 წლის დეკემბერი) მათი იმპლემენტაციის მონიტორინგის შედეგად, ძირითადი ხარვეზებია გამოვლენილი. ასევე, შესაბამისი რეკომენდაციებია შემუშავებული“. სრულად... წყარო: gyla.ge

თბილისი. არბაითერ სამარიტერ ბუნდი (ASB) გიზიარებთ ინფორმაციას მიწისძვრისას ქცევის წესების შესახებ. წესების თანახმად, მიწისძვრის დროს უნდა მოვერიდოთ ავეჯს, ფანჯრებს, სანათებს. თავი უნდა შევაფაროთ მაგიდას, კარის ჩარჩოს... ეტლით მოსარგებლემ უნდა ჩაკეტოს ბორბლები, დაიფაროს თავი და დაელოდოს ბიძგების დასრულებას. საწოლში მწოლიარე უნდა დარჩეს საწოლში, თავი ბალიშით დაიფაროს და დაელოდოს. სრულად... წყარო: ორგანიზაციის გვერდი სოციალურ ქსელში

თბილისი. „ხელოვნება ცოცხალი და დამოუკიდებელია!“ - სამართლიანი არჩევნებისა და დემოკრატიის საერთაშორისო საზოგადოება (ISFED) არტისტ სანდრო სულაბერიძეს მხარდაჭერას უცხადებს. ორგანიზაცია მიიჩნევს, რომ სანდრო სულაბერიძის მიმართ ქურდობის მუხლით საქმის წარმოების დაწყება მიუღებელია და არტისტის გამოხატვის თავისუფლების ზღუდავს. სამართლიანმა არჩევნებმა კულტურის სამინისტროში მიმდინარე საკადრო წმენდის შესახებ ვიდეო მოამზადა, რომელშიც ყოფილი თანამშრომლები საკუთარი გამოცდილებას იხსენებენ. ფოტო... წყარო: ორგანიზაციის გვერდი სოციალურ ქსელში

სამეგრელო. „მუსიკალური საღამო პოკროვსკისთვის“, საქველმოქმედო კონცერტი გაიმართა ზუგდიდში ომის შედეგად დაზარალებული, უკრაინული ქალაქის პოკროვსკის დასახმარებლად. შემოსული თანხა, სრულად შესაბამის ფონდში გადაირიცხება. დახმარების მსურველებს შეგიძლიათ თანხა გადმორიცხოთ მითითებულ ანგარიშზე: თიბისი ბანკი: GEL GE39TB7290236080100014 USD GE89TB7290236180100003 EU GE62TB7290236180100004 საქართველოს ბანკი: GEL/USD/EU GE85BG0000000541617501 სრულად... წყარო: ორგანიზაციის გვერდი სოციალურ ქსელში

თბილისი. რონდელის ფონდი გიზიარებთ ორგანიზაციის სტაჟიორის, რეიჩელ მორის უახლეს სტატიას თემაზე „სამოქალაქო საზოგადოების განვითარება და რეპრესიები“. სრულად... წყარო: gfsis.org.ge