თბილისი. დავით ხუხუამ შინაგან საქმეთა სამინისტროს სააპელაციოს სასამართლოში მოუგო. მის ინტერესებს არასამთავრობო ორგანიზაცია „პარტნიორობა ადამიანის უფლებებისთვის“ (PHR) იცავდა. ორგანიზაციის ცნობით, სასამართლომ თქვა, რომ 2016 წლის 15 ივნისს დავითს პოლიცია დისკრიმინაციულად მოექცა მაშინ, როდესაც მას ეტლში გადაჯდომისა და ფიზიკური მოთხოვნილების დაკმაყოფილების საშუალება არ მისცა. სრულად... საქმის დეტალები წაიკითხეთ „ნეტგაზეთის“ მიერ მომზადებულ მასალაში... წყარო: PHR-ის გვერდი სოციალურ ქსელში ფოტო: ნეტგაზეთი

საქართველოში ევროკავშირის ელჩმა, პაველ ჰერჩინსკიმ ვიდეომიმართვა გაავრცელა – უკრაინის წინააღმდეგ რუსეთის მიერ დაწყებული ომის ერთი წლის გასვლის შესახებ. „ ... უკრაინას თავს დაესხნენ, რადგან მას სურდა საკუთარი მომავალი თვითონ, და არა მოსკოვის მითითებით, განესაზღვრა.  ...ევროკავშირი კვლავ უდრეკად, ერთიანად და მტკიცედ უჭერს მხარს უკრაინას ყველა – ჰუმანიტარულ, ეკონომიკურ, პოლიტიკურ, დიპლომატიურ და სამხედრო – ფრონტზე.  ...ეს აგრესია არა მარტო სუვერენული ქვეყნის, უკრაინის წინააღმდეგაა მიმართული, არამედ მიმართულია დემოკრატიის წინააღმდეგ მთელ მსოფლიოში“. მიმართვის ტექსტი სრულად...  წყარო: ევროკავშირის წარმომადგენლობა

24 თებერვალს, 19:00 საათზე, საქართველოს სტრატეგიული ანალიზის ცენტრში ჩატარდება საჯარო ლექცია თემაზე - ქალების როლი მშვიდობასა და უსაფრთხოებაში. სრულად...

24 თებერვალს, 14:00 საათზე, საქართველოს ახალგაზრდა იურისტთა ასოციაცია გამართავს ონლაინ დისკუსიას თემაზე: „მოსამართლეთა გამოხატვის თავისუფლების ფარგლები“. სრულად...

24 თებერვალს, 13:00 საათზე, სასტუმრო RadissonBlu Iveria-ში, რონდელის ფონდი (GFSIS) უმასპინძლებს დისკუსიას თემაზე „რუსეთის სრულმასშტაბიანი შეჭრა უკრაინაში ერთი წლის შემდეგ: მშვიდობის ფორმულა“, სადაც მაღალი რანგის დიპლომატები და ექსპერტები იმსჯელებენ. მისამართი: თბილისი, პირველი რესპუბლიკის მოედანი #1

24 თებერვალს, ზუგდიდი მოლში, შეიძინე რაიმე ნივთი და დაეხმარე ზუგდიდთან დამეგობრებულ უკრაინულ ქალაქს. სრულად...

რონდელის ფონდის ევროპული კვლევების ცენტრის დირექტორი კახა გოგოლაშვილი, Movement EDU–ის პლატფორმაზე, საუბრობს კანონპროექტზე "უცხოური გავლენის აგენტების შესახებ". უსმინეთ და გაიგებთ პასუხებს შემდეგ კითხვებზე: ▪ რა არის კანონპროექტის მიზანი? ▪ რას ნიშნავს "გავლენის აგენტი" ▪ ვის შესაძლოა შეეხოს ეს კანონი? ▪ ქართული კანონპროექტი ამერიკული კანონის ანალოგია? ▪ საქართველოში რას გამოიწვევს კანონის მიღება?

თბილისი. სოციალური სამართლიანობის ცენტრის ინფორმაციით, თბილისის საქალაქო სასამართლომ უკანონოდ მიიჩნია გიორგი ჯამბურიას ეროვნული მუზეუმიდან გათავისუფლება. მის ინტერესებს სასამართლოში სოციალური სამართლიანობის ცენტრი იცავს. „გიორგი ერთ-ერთია კულტურის სექტორის იმ 70-მდე თანამშრომელს შორის, რომლებიც თეა წულუკიანის კულტურის მინისტრის პოზიციაზე დანიშვნის შემდეგ, მასობრივი საკადრო წმენდის მსხვერპლი გახდნენ“, ნათქვამია ორგანიზაციის განცხადებაში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. საერთაშორისო გამჭვირვალობა - საქართველო ახალციხელ მოსწავლეებს და მასწავლებლებს შეხვდა. დისკუსიის თემები იყო: რატომ უნდა გავხდეთ ევროკავშირის კანდიდატი ქვეყანა, რა სარგებლის მომტანია ეს ჩვენთვის, რა სახის დეზინფორმაცია და ანტიდასავლური პროპაგანდა ვრცელდება ამ თემის გარშემო. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. USAID-ის სამოქალაქო საზოგადოების ჩართულობის პროგრამის ფარგლებში, საერთაშორისო ორგანიზაციებმა „არასამეწარმეო სამართლის საერთაშორისო ცენტრმა“ (ICNL) და „არასამეწარმეო სამართლის ევროპულმა ცენტრმა“ (ECNL) ჩაატარეს შედარებითი ანალიზი - რამდენად თავსებადია „უცხოური გავლენის გამჭვირვალობის შესახებ“ კანონპროექტი საერთაშორისო სამართალთან და ევროპულ სტანდარტებთან. ანალიზის ქართული ვერსია იხილეთ აქ... ანალიზის მოკლე ვერსია ინგლისურ ენაზე იხილეთ აქ... ანალიზის ვრცელი ვერსია... წყარო: ewmi-activism.org

თბილისი. საქართველოს ახალგაზრდა იურისტთა ასოციაციამ (საია) დაარსებიდან დღემდე, 1 მილიონზე მეტ ადამიან გაუწია უფასო იურიდიული კონსულტაცია და დახმარება. იხ. ბლოგპოსტები საია-ს წარმატებული საქმეების შესახებ... წყარო: ორგანიზაციის გვერდი სოციალურ ქსელში

23 თებერვალს, 19:00 საათზე, კომლის ორგანიზებით, ზუმში საინფორმაციო შეხვედრა გაიმართება იმ ახალი კანონის პროექტის შესახებ, რომელიც „პირდაპირ ემუქრება ქართულ სამოქალაქო სექტორს“. სრულად...

ამ წუთებში, „ღია საზოგადოების ფონდში“ „ღირსეული შრომის პლატფორმა“ „ფრიდრიხ ებერტის ფონდის“ ფინანსური მხარდაჭერით ორი მიმდინარე პროექტის პირველადი მიგნებების პრეზენტაციას გამართავს. მისამართი: თბილისი, თ. ჭოველიძის 10 (ღია საზოგადოების ფონდი).

თბილისი. 26 იანვარს თბილისის სააპელაციო სასამართლომ ძალაში დატოვა თბილისის საქალაქო სასამართლოს მიერ მიღებული გადაწყვეტილება ელისო ალანიას საქმეზე, რაც იმას ნიშნავს, რომ დავა სამსახურიდან უკანონოდ გათავისუფლებული ქალის გამარჯვებით დასრულდა. ელისო ალანიას ინტერესებს სასამართლოში პარტნიორობა ადამიანის უფლებებისთვის (PHR) იცავდა. დამსაქმებელს მოსარჩელისთვის, კომპენსაციის სახით, 1 წლის ხელფასის ჯამური ოდენობის, 6 000 ლარის გადახდა დაეკისრა. „როცა ყოველ ჯერზე ამ ისტორიას ვიხსენებ, ხელახლა მიკვდება ქმარი. განვიცდი იმ ემოციებს რაც მაშინ მქონდა. მე დამსახურებული თანამშრომელი ვიყავი და ვერ ვივიწყებ ამ შეურაცხყოფას, რაც მომაყენეს. ეს კლინიკა მეორე ოჯახივით იყო ჩემთვის“, - ელისო ალანია, სასამართლო პროცესზე. სრულად... წყარო: phr.ge

თბილისი. საბჭოთა რუსული ოკუპაციისა და პროპაგანდის ათწლეულებმა, საქართველოს ისტორიაში ჯერ-ჯერობით ერთადერთი კოალიციური მთავრობის პირველი თავმჯდომარის ბიოგრაფია, ჩვენი საზოგადოების მეხსიერებიდან თითქმის მთლიანად გააქრო. საბჭოთა წარსულის კვლევის ლაბორატორიამ ერთად მოუყარა თავი იმ ინფორმაციას, რომელიც ნოე რამიშვილს ეხება. სრულად... წყარო: საბჭოთა წარსული კვლევის ლაბორატორიის გვერდი სოციალურ ქსელში

თბილისი. სამოქალაქო მოძრაობა „მრავალეროვანი საქართველო“ პარლამენტში ინიცირებული კანონის პროექტს „უცხო გავლენების გამჭვირვალობის შესახებ“ ეხმიანება. „ჩვენთვის, ეთნიკურ უმცირესობათა საკითხებზე მომუშავე ქოლგა ორგანიზაციისთვის, რომელიც 56 სათემო ორგანიზაციას აერთიანებს, მსგავსი კანონის მიღება კატეგორიულად მიუღებელია. ეთნიკურ უმცირესობათა სათემო ორგანიზაციების დიდი უმრავლესობის საქმიანობა, რომელიც უპირატესად კულტურული ღონისძიებებით შემოიფარგლება, დიდწილად დამოკიდებულია სხვა ქვეყნების დაფინანსებაზე, რაც მათ კანონის მიღების შემთხვევაში უცხოური გავლენის აგენტებად აქცევს“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინფოგრაფიკას „რუსეთ-უკრაინის ომის გავლენა საქართველოზე რიცხვებში“. IDFI-ს ცნობით,  2022 წლის 31 დეკემბრის მდგომარეობით რუსეთის მოქალაქეებს საქართველოს კომერციულ ბანკებში განთავსებული აქვთ 2,87 მლრდ. ლარი. 2022 წელს საქართველოს ვალუტის გადამცვლელ პუნქტებში  რუსული რუბლის ბრუნვა სამჯერ გაიზარდა. რუსეთის უკრაინაში შეჭრის შემდეგ საქართველოს საჯარო და კერძო სკოლებში დარეგისტრირდა 1,841 რუსეთის მოქალაქე. ვრცლად... წყარო: idfi.ge

თბილისი. საერთაშორისო გამჭვირვალობა - საქართველოს ინფორმაციით, უკრაინაში ომის დაწყების შემდეგ საქართველოს რუსეთზე ეკონომიკური დამოკიდებულება გაიზარდა, რაც  საფრთხის შემცველია, რადგან, ტრადიციულად, რუსეთი ეკონომიკურ ურთიერთობებს დამოუკიდებელ ქვეყნებზე პოლიტიკური ზეწოლის ბერკეტად იყენებს. 2022 წელს საქართველომ რუსეთიდან ფულადი გზავნილებით, ტურიზმით  და საქონლის ექსპორტით დაახლოებით 3.6 მლრდ აშშ დოლარის შემოსავალი მიიღო, რაც 2021 წელს რუსეთიდან ამავე წყაროებით მიღებულ შემოსავალზე 3-ჯერ მეტია. 2022 წელს საქართველოში 15 000-მდე რუსული კომპანია დარეგისტრირდა, რაც 2021 წლის მაჩვენებელზე 16-ჯერ მეტია; 2022 წელს რუსეთის მოქალაქეებმა ქართულ ბანკებში 60 ათასზე მეტი ანგარიში გახსნეს, ხოლო მათზე განთავსებული თანხის მოცულობა 2021 წელთან შედარებით თითქმის 4-ჯერ გაიზარდა და 2.8 მლრდ ლარს მიაღწია; რუსეთიდან ფულადი გზავნილები 5-ჯერ გაიზარდა და 2022 წელს 2.1 მილიარდ დოლარი შეადგინა; 2022 წელს საქართველოს ექსპორტი რუსეთში 6.8%-ით გაიზარდა, იმპორტი კი 79%-ით; ომის დაწყების შემდეგ რუსეთიდან საწვავის იმპორტი  5-ჯერ გაიზარდა; რუსეთის ბაზარს ქართული ღვინის ექსპორტში 64% უჭირავს. სრულად... წყარო: transparency.ge

თბილისი. ევროკავშირის წარმომადგენლობა გაფართოების პაკეტის ფარგლებში, საქართველოს შესახებ 2023 წლის წლიურ ანგარიშს ამზადებს. საქართველოსთან მიმართებით, ეს პირველი ანგარიშია. ევროკავშირი იწვევს სამოქალაქო საზოგადოების ორგანიზაციებს, საერთაშორისო ორგანიზაციებს და პარტნიორებს მონაწილეობა მიიღონ წერილობითი მასალების მოწოდების მეშვეობით. საჯარო კონსულტაციები სამოქალაქო საზოგადოების ორგანიზაციებთან მომავალ კვირას გაიმართება. დამატებითი ინფორმაცია... წყარო: www.eeas.europa.eu

22 თებერვალს, 20:00 საათზე, მშობლის სკივრის ორგანიზებით, გაიმართება საინფორმაციო შეხვედრა თემაზე: შეზღუდული შესაძლებლობის მქონე პირთა დამოუკიდებელი ცხოვრება და დეინსტიტუციონალიზაცია. სრულად...

შიდა ქართლი. „კარალეთის ქალთა სოლიდარობის ცენტრის“ მიერ განხორციელებული პროექტის „კამპანია არასრულწლოვანი გოგონების უფლებების დასაცავად“ ფარგლებში, შიდა ქართლის რეგიონში ეთნიკური უმცირესობებითა და დევნილებით დასახლებულ სოფლებში ახალგაზრდებისთვის ტრენინგები და საინფორმაციო შეხვედრები გაიმართა. ტრენინგების მიზანი იყო არასრულწლოვანთა ქორწინების შემცირება და არასრულწლოვანთა კრიზისულ ასაკთან დაკავშირებული პრობლემების აღმოფხვრა. სრულად... წყარო: ორგანიზაციის გვერდი სოციალურ ქსელში