„აფხაზეთი“ ლაგოდეხის სკოლის სპორტული დარბაზის რეაბილიატაციას გეგმავს
იმერეთი. საქველმოქმედო ჰუმანიტარულმა ცენტრმა „აფხაზეთმა" ბელგიელი EVS მოხალისის დახმარებით 500 ევროს შემოწირულობა მიიღო ორგანიზაციებისგან - „Gemeente Middelkerke" და „Cel Ontwikkelingssamenwerking". ცენტრ „აფხაზეთის" ოფიციალური ვებგვერდის მიხედვით, ეს თანხა მოხმარდება ლაგოდეხის რაიონის სოფელ ბაისუბნის საჯარო სკოლის სპორტული დარბაზის რეაბილიტაციას. სკოლაში 250-მდე მოზარდი სწავლობს, მათ შორის ბაისუბნის მცირე საოჯახო ტიპის სახლის აღსაზრდელები.
„სპორტული დარბაზის რეაბილიტაციის შემდეგ შესაძლებელი გახდება ზამთრის თვეებში ფეხბურთის, კალათბურთისა და სხვა წრეების ორგანიზება, რაც ხელს შეუწყობს ამ სოფელში მცხოვრები ბავშვების განვითარებას და სპორტულ აქტივობებში ჩართვას" – ნათქვამია ორგანიზაციის ვებგვერდზე გავრცელებულ განცხადებაში.
წყარო: chca.org.ge
