გურია. ჩოხატაურის მუნიციპალიტეტში, „ზრდასრულთა განათლების ცენტრი" გაიხსნა. პროექტი სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის (DVV international) საქართველოს ოფისის მხარდაჭერით განხორციელდა.
აღნიშნული პროგრამის პარტნიორი გურიაში, გურიის ახალგაზრდული რესურსცენტრია. ამჟამად წარმატებით ფუნქციონირებს DVV international-ის მიერ დაფუძნებული ცენტრები შვიდ მუნიციპალიტეტში. ისინი ყოველწლიურად 5000-ზე მეტ ბენეფიციარს სთავაზობენ საგანმანათლებლო პროგრამებსა და აქტივობებს, რომლებიც მათ დასაქმებას, ცხოვრების ხარისხის ამაღლებასა და თემებში სოციალურ - ფსიქოლოგიურ გარემოს გაუმჯობესებას ხელს შეუწყობს.