კახეთი. ,,ქალთა საინფორმაციო ცენტრმა", ლოპოტაზე, პოლიციელების, პროკურორებისა და მოსამართლეებისთვის ოჯახური ძალადობის საკითხებზე ინფორმაციული ტრენინგი ჩაატარა. ორი დღის განმავლობაში სამართალდამცავებმა ამ თემების გარშემო ისაუბრეს, შეხვედრაზე განიხილეს კონკრეტული მაგალითებიც.
სამართალდამცავთა ტრენინგი, ევროკავშირის მიერ დაფინანსებული პროექტის, „თემთა მობილიზება საგანმანათლებლო, კულტურული და სპორტული ღონისძიებების გზით ქალთა წინააღმდეგ მიმართული ძალადობის პრევენციისა და აღმოფხვრისათვის" ფარგლებში ჩატარდა.
პროექტს ქალთა საინფორმაციო ცენტრი, კახეთის რეგიონული განვითარების ფონდთან პარტნიორობით ახორციელებს.