თბილისი. 12 ნოემბერს, საქართველოს ახალგაზრდული პარლამენტის წევრები შერიგებისა და სამოქალაქო თანასწორობის სახელმწიფო მინისტრის აპარატის წარმომადგენლებს შეხვდნენ. შეხვედრაზე ისაუბრეს კონფლიქტურ რეგიონებსა და მიმდებარე სოფლებში მცხოვრები ახალგაზრდების პრობლემებზე. ახალგაზრდული პარლამენტის წევრებმა გააცნეს კონფლიქტისპირა სოფლებში მათი თვალით დანახული პრობლემები და მიიღეს დამატებითი ინფორმაცია, როგორც კონფლიქტისპირა სოფლებში ასევე კონფლიქტურ რეგიონებში არსებულ მდგომარეობაზე და სამომავლო გეგმებზე, რომელიც მათთან მიმართებაში სახელმწიფოს გააჩნია.
შეხვედრაზე მხარეები სამომავლო თანამშრომლობაზე შეთანხმდნენ.
წყარო: ახალგაზრდული პარლამენტის ვებგვერდი სოციალურ ქსელში