სახალხო დამცველი დედაქალაქის მერის განცხადებას ეხმაურება
თბილისი. საქართველოს სახალხო დამცველმა განცხადება გაავრცელა. „გვინდა გამოვეხმაუროთ დედაქალაქის მერის მიერ სახალხო დამცველის აპარატის ცრუ ინფორმაციის გავრცელებაში დადანაშაულების მცდელობას და განვმარტავთ, რომ სახალხო დამცველმა თბილისის მუნიციპალიტეტიდან ოფიციალურად გამოითხოვა ინფორმაცია იმ საჯარო მოხელეთა შესახებ, რომლებიც თბილისის მერიიდან და საკრებულოდან გაათავისუფლეს. სახალხო დამცველის 10 ნოემბრის განცხადებაში მითითებული მონაცემები სწორედ მათ მიერ მოწოდებულ ინფორმაციას ემყარება", ნათქვამია განცხადებაში.
წყარო: ombudsman.ge
