კახეთი. ლაგოდეხში მომუშავე ადგილობრივი არასამთავრობო ორგანიზაციების წარმომადგენლებმა,  მუნიციპალიტეტის გამგებელთან, კახა ჯამბურიასთან  შეხვედრა გამართეს. შეხვედრაზე საუბარი შეეხო  ადგილობრივ თემში არსებულ პრობლემებს, მის გამომწვევი მიზეზებსა და გადაჭრის გზებს. არასამთავრობო ორგანიზაციების წარმომადგენლებმა ადგილობრივი თვითმმართველობის წარმომადგენლებს სთხოვეს მათი რეკომენდაციების გათვალისწინება 2015 წლის ბიუჯეტის დაგეგმვისას. შეხვედრა გაიმართა პროექტის - „ქალთა გაძლიერება ცვლილებებისათვის" - ფარგლებში, რომელსაც საქართველოს სამოქალაქო განვითარების ასოციაცია სტრატეგიული კვლევებისა და განვითარების ცენტრთან ერთად, გაეროს განვითარების ერთობლივი პროგრამის ფარგლებში ახორციელებს.  დისკუსიას პროექტში მონაწილე ქალთა საინიციატივო ჯგუფების წევრები ესწრებოდნენ.