პროექტის პრეზენტაცია ახალციხეში
სამცხე–ჯავახეთი. ახალციხის ციხის ტერიტორიაზე პროექტ „შავი ზღვის აბრეშუმის გზის კორიდორის" და პროექტის ფარგლებში შექმნილი სპეციალური ვებ–გვერდის პრეზენტაცია გაიმართა. პრეზენტაციას ფონდ „ტაძრიელის" ვიცე–პრეზიდენტი სიმონ კოპაძე უძღვებოდა. პროექტი „შავი ზღვის აბრეშუმის გზის კორიდორი" ოთხ ქვეყანაში, საქართველოში, საბერძნეთში, სომხეთსა და თურქეთში ევროკავშირის მხარდაჭერით ხორციელდება და ტურისტული ინფრასტრუქტურის განვითარებას თვალისწინებს. პროექტის ფარგლებში საქართველოსა და დანარჩენი ქვეყნების კულტურულ–ისტორიული მემკვიდრეობის ძეგლებზე ინოვაციური საინფორმაციო დაფები და საგზაო მიმართულების მანიშნებლები განთავსდა.
