შიდა ქართლი. ცენტრმა „აფხაზეთმა" მიკროპროექტების დაფინანსების მოსაპოვებლად მორიგი კონკურსი ჩაატარა. კონკურსი გაიმართა სამიზნე სკოლებში  (გორის მუნიციპალიტეტი - მეჯვრისხევის, ზერტის, შავშვების, ხიდისთავის ახალდაბის სინდისის, ტირძნისის და ტყვიავის საჯარო სკოლები) მოქმედი სხვადასხვა საგნობრივი მიმართულების კლუბებს შორის. შემოსული საპროექტო წინადადებებიდან შეირჩა და დაფინანსდა პროექტები, რომელთა განხორციელებით ამაღლდება ახალგაზრდების ჩართულობის დონე თემში მიმდინარე პროცესებში. საგრანტო კონკურსი გაიმართა პროექტის - „ახალგაზრდების მონაწილეობა და განვითარება" (დაფინანსებულია USAID - ის მიერ და ხორციელდება UNICEF-თან თანამშრომლობით) ფარგლებში.