აჭარა. 20 ნოემბერს, ბათუმში, კოალიცია დამოუკიდებელი ცხოვრებისთვის და „ცვლილებები თანაბარი უფლებებისთვის" ორგანიზებით მოსწავლეებთან შეხვედრა გაიმართა. შეხვედრის მიზანი დამამთავრებელი კლასის მოსწავლეებისთვის შშმ პირებთან დაკავშირებით ცნობიერების ამაღლების ხელშეწყობა იყო. კერძოდ, საუბარი  შეზღუდული შესაძლებლობების მქონე პირთა სამოქალაქო ჩართულობაზე, არჩევნებში მათი მონაწილეობისთვის ხელმისაწვდომი გარემოს შექმნის აუცილებლობასა და საარჩევნო პროცედურების სპეციფიკას შეეხო. ასევე დისკუსიის რეჟიმში დამსწრე აუდიტორიამ განიხილა, თუ რა მნიშვნელობა აქვს შშმ თემის მიმართ საზოგადოების ჯანსაღ დამოკიდებულებას შშმ პირთა პრობლემების მოსაგვარებლად.