თბილისი. 27 ნოემბერს, ორგანიზაციის ,,კავშირი ადამიანებისთვის განსაკუთრებულ ზრუნვას რომ საჭიროებენ" ორგანიზებით კონფერენცია გაიმართა. ღონისძიების თემა იყო გონებრივი განვითარების შეფერხებისა და ფსიქიკური ჯანმრთელობის პრობლემების მქონე ადამიანების დღის ცენტრების მდგომარეობა საქართველოში და სახელმწიფოს როლი სერვისის განვითარებაში. კონფერენციაზე სიტყვით გამოვიდნენ როგორც ცენტრალური ხელისუფლებისა და ადგილობრივი თვითმმართველობის ორგანოს წარმომადგენლები, ისე შეზღუდული შესაძლებლობის მქონე პირთა ორგანიზაციები და შშმ პირთა ოჯახის წევრები. გამოიკვეთა დღის ცენტრების ფუნქციონირებაში ადგილობრივი თვითმმართველობის ორგანოთა ჩართულობის როლის აუცილებლობა.

წყარო: ორგანიზაციის გვერდი სოციალურ ქსელში