შიდა ქართლი. 1 დეკემბერს „კეთილდღეობისა და განვითარების ცენტრთან" არსებულმა გორის ახალგაზრდულმა ცენტრმა და ახაგაზრულმა მოძრაობამ „დროამ" შიდსთან ბრძოლის საერთაშორისო დღე აღნიშნეს.
შიდსის პრობლემისადმი მოქალაქეთა ყურადღების მიქცევის მიზნით, ახალგაზრდებმა ქალაქში ერთერთი ხე წითელი ლენტებით შემოსეს.
ღონისძიება გაიმართა საქართველოში ეროვნული ინტეგრაციის გაძლიერების პროგრამის ფარგლებში, რომელსაც ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით. გორში პროექტის პარტნიორი ორგანიზაციაა „კეთილდღეობისა და განვითარების ცენტრი".